Bərdədə pambıq sahələri ilbəil artır
Tarix: 15.09.2016 | Saat: 20:42:00 | E-mail | Çapa göndər


Sovet dövründə Bərdə pambıqçılıq sahəsində respublikamızın ən qabaqcıl rayonlardan idi. 1981-ci ildə rayonda 28 min hektar pambıq tarlasından 126 min tona yaxın məhsul tədarük edilmişdi. Lakin 1990-cı illərdən başlayaraq bu sahəyə maraq azalmışdır.
Dövlətimizin başçısının tapşırıq və göstərişləri nəticəsində artıq rayonda pambıqçılıq yenidən dirçəlməyə başlayıb. Rayon sakinlərinin pambıqçılıq sahəsində təcrübəsi, bölgədə olan mövcud pambıq emalı zavodlarının potensialı pambıq istehsalını artırmaq üçün stimul yaradır.
Bərdə Rayon İcra Hakimiyyətindən bildiriblər ki, əgər ötən il rayonda 1162 hektar sahədə pambıq əkilmişdisə, bu il 3003 hektarda “ağ qızıl” becərilib. Gələn il isə 8500 hektarda pambıq əkilməsi nəzərdə tutulub. Rayonun fermerləri pambığı əsasən “MKT İstehsalat Kommersiya” MMC-nin Bərdə filialı və “CTS Aqro” MMC-nin pambıq istehsalı və emalı zavodu ilə müqavilə əsasında becərirlər.
Pambıqçılıqla məşğul olan fermerlər texnikalarla, toxum, gübrə və kimyəvi preparatlarla təmin edilib. Pambığın becərilməsində suvarma, gübrələmə, kultivasiya, zərərverici və xəstəliklərə qarşı mübarizə, ucvurma və sair kimi aqrotexniki tədbirlər vaxtında həyata keçirilib. Hazırda məhsulun itkisiz və tez bir zamanda yığmaq üçün pambığın yarpaqlarının kimyəvi yolla tökdürülməsinə (defoliasiya) başlanılıb. Bəzi ərazilərdə artıq məhsulun əl ilə yığılması həyata keçirilir. Tarlalardan bu günədək 20 tona yaxın məhsul toplanılıb. Pambığın kombaynlarla kütləvi yığımına isə sentyabrın 20-dən sonra başlanılacaq.
Rayonun pambıqçılıq sahəsində ən nümunəvi fermerlərindən olan Xanxanımlı kənd sakini Elman Nərimanov bildirib ki, “MKT İstehsalat Kommersiya” MMC ilə müqavilə əsasında 85 hektarda çiyid becərib: “Düzgün aqrotexniki qulluq nəticəsində tarlalarda məhsuldarlıq yüksəkdir. Hazırda defoliasiya işləri aparılır. Qozaların 70 faizi açıb. Yaxın günlərdə pambıq yığımına başlayacağıq. Hesab edirəm ki, hər hektardan orta hesabla 40 sentner məhsul götürəcəyik. Gələn il isə daha çox sahədə pambıq becərməyi nəzərdə tuturam”.
Tural




 
Bölməyə aid digər xəbərlər
13.11.2018
İpək məhsullarının ixrac potensialı
13.11.2018
Mətbuat milli maraqları müdafiə edir
13.11.2018
Ölkə üzrə pambıq tədarükü 210 min tona yaxınlaşıb
13.11.2018
AYİB-in maliyyə dəstəyi ilə Azərbaycanın özəl sektorunda 157 layihə reallaşdırılıb
13.11.2018
Heydər Əliyev Beynəlxalq Aeroportu 3,8 milyon sərnişinə xidmət göstərib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10461

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info