1015 nəfər əlilliyi olan şəxs istirahətə göndərilib
Tarix: 19.09.2016 | Saat: 16:09:00 | E-mail | Çapa göndər


Sentyabrın 19-da Əmək və Əhalinin Sosial Müdafiəsi Nazirliyi tərəfindən daha 40 nəfər əlilliyi olan şəxs Şəki rayonundakı istirahət mərkəzinə yola salınıb. Bununla da cari ilin yaz-yay mövsümündə nazirliyin xətti ilə əlilliyi olan şəxslərin ölkəmizin səfalı guşələrində istirahətinin təşkili işlərinə yekun vurulub.
Nazirliyin ictimaiyyətlə əlaqələr şöbəsindən bildiriblər ki, bu ilin yaz-yay mövsümündə Əmək və Əhalinin Sosial Müdafiəsi Nazirliyinin “2016-cı il üçün əlilliyi olan şəxslərin və sağlamlıq imkanları məhdud uşaqların sosial müdafiəsi və reabilitasiyası Proqramı”na əsasən ümumilikdə 1015 nəfər əlilliyi olan şəxsin istirahətinin təşkili nəzərdə tutulmuşdu. Bununla da həmin vətəndaşların artıq hamısının Lənkəran, Xaçmaz və Şəki rayonlarındakı müvafiq müəssisələrə xüsusi nəqliyyat vasitəsi ilə istirahətə göndərilməsi təmin olunub”,- deyə Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Sosial xidmətlər və proqramlar şöbəsinin müdiri Vüqar Behbudov əlillərin yola salınması zamanı bildirib.
Şöbə müdiri əlavə edib ki, əlillərin istirahətinin təşkili işləri “2016-cı il üçün əlilliyi olan şəxslərin və sağlamlıq imkanları məhdud uşaqların sosial müdafiəsi və reabilitasiyası Proqramı”nda həmin insanlarla bağlı nəzərdə tutulan tədbirlərdən biridir: “Məqsəd ondan ibarət idi ki, əlilliyi olan şəxslər də cəmiyyətin digər üzvləri kimi yaz-yay mövsümündə mənalı istirahət etmək imkanlarına malik olsunlar. Bu tədbir cari ildə də uğurla həyata keçirildi və artıq yekunlaşdı. Bununla yanaşı, proqramda əlilliyi olan şəxslərin reabilitasiyasına şəraitin yaradılması və ixtisaslaşmış bərpa müalicəsi xidməti ilə təmin olunmaları, onların sosial-məişət problemlərinin həllinə köməklik göstərilməsi və s. tədbirlər də yer alıb. Həmçinin sağlamlıq imkanları məhdud uşaqların reabilitasiya yönümlü xidmətlərlə təmin edilməsi də bu tədbirlər sırasındadır. Qeyd olunan istiqamətlərdə işlər davam etdirilir”.
Yola salınan əlillər istirahətlərinin təşkil olunmasından razı qaldıqlarını vurğulayıblar. Onlar bu tədbirin Azərbaycan Prezidenti İlham Əliyevin sosial cəhətdən həssas qruplara, o cümlədən əlilliyi olan şəxslərə xüsusi diqqət və qayğısının növbəti əməli təsdiqi olduğunu bildirib, dövlətimizin başçısına minnətdarlıqlarını ifadə ediblər.
 
Tural





 
Bölməyə aid digər xəbərlər
25.09.2018
Qəbələdə 8 yaşayış məntəqəsinin yolunun yenidən qurulması yekunlaşır
25.09.2018
Nazir müavini: Pensiya təyinatı proseduru elektronlaşdırılacaq
24.09.2018
Səyyar ASAN xidmət davam edir
24.09.2018
Leyla Əliyeva “Beynəlxalq Sülh Günü”nə həsr olunmuş tədbirə qatılıb
23.09.2018
Səkkiz ayda hər bir sakin 554,5 manatlıq ödənişli xidmətlərdən istifadə edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10140

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info