Çində növbəti erməni təxribatının qarşısı alınıb
Tarix: 20.09.2016 | Saat: 15:12:00 | E-mail | Çapa göndər


Azərbaycanın Çin Xalq Respublikasındakı səfirliyi ermənilərin növbəti təxribatının qarşısını alıb. Xarici ölkələrdə ictimai fikrin çaşdırılması istiqamətində vaxtaşırı müəyyən işlər görməyə çalışan ermənilər bu dəfə Çində belə bir addım atmağa cəhd ediblər. Belə ki, Şanxay şəhərindəki Şərqi Çin Pedaqoji Universitetində Rusiya Tədqiqat Mərkəzinin təşkilatçılığı ilə “Xristianlığın əsasları” adlı seminarın proqramına “İnanc və ənənə: Erməni Apostol kilsəsi, Ermənistanda və Dağlıq Qarabağda icma quruculuğu” mövzusunda mühazirə daxil edilmişdi. Tədbirin proqramına əsasən həmin mühazirəni Yaponiyadan dəvət olunmuş mütəxəssis Kimitaka Matsuzato və erməni əsilli lektor Stefan Danielyanın aparması nəzərdə tutulurdu.
Şanxay şəhərində yaşayan və elmi işlə məşğul olan soydaşlarımız məsələ barədə Azərbaycanın Çindəki səfirliyini məlumatlandırdıqdan sonra diplomatik nümayəndəliyimiz universitetin rektoruna məktub ünvanlayaraq mövzu ilə bağlı ətraflı məlumat verib, məsələnin mahiyyətinin yüksək dini amalların təbliğinə deyil, ermənilərin qanunsuz ərazi iddialarına söykəndiyini qeyd edib. Tədbirin keçirilməsinin Azərbaycan-Çin ikitərəfli münasibətlərinin ruhuna uyğun gəlmədiyi nəzərə çatdırılıb və həmin mühazirənin seminarın proqramından çıxarılması xahiş edilib. Bundan başqa, erməni kilsəsinin Qafqazdakı fəaliyyətinin tarixi ilə bağlı tutarlı, təkzibedilməz sənədlər universitet rəhbərliyinə təqdim olunub.
Şərqi Çin Pedaqoji Universitetinin rəhbərliyi məsələnin mahiyyətini öyrəndikdən sonra sözügedən mühazirəni tədbirin proqramından çıxarmağı qərara alıb. Bununla əlaqədar, universitet rektorunun Azərbaycan səfirliyinə göndərdiyi məktubda həmin mövzunun başqa mövzu ilə əvəz olunduğu bildirilib və səfirliyə əməkdaşlıq üçün təşəkkür edilib.
Tural




 
Bölməyə aid digər xəbərlər
21.02.2019
Mayk Pompeo RUA telekanalına müsahibә verdi
20.02.2019
Ermənistan vətəndaşlarının Türkiyədə olmasının səbəbi ölkələrindəki iqtisadi böhrandır
20.02.2019
İsrailin Baş naziri Moskvaya səfərini təxirə salıb
20.02.2019
İngiltərədə Mühafizəkarlar partiyasından olan üç deputat partiya sıralarını tərk edib
20.02.2019
Suriyanın yeni konstitusiyası hazırlanacaq

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10609

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info