“Ukrayna daha pis yoxsullaşaçaq”
Tarix: 21.09.2016 | Saat: 00:07:00 | E-mail | Çapa göndər


“Belə bir büdcənin qəbulu ölkəni məhvə aparır, kiçik biznes və fermerləri məhv edir. Bu büdcə bütün sadə Ukrayna xalqının qəsdən məhv edilməsi deməkdir”

Ukraynanın "Batkivşina" müxalifət fraksiyasının lideri Yuliya Timoşenko Ali Radada ölkənin 2017-ci il üçün dövlət büdcəsini kəskin tənqid edib.
Onun sözlərinə görə, belə bir layihənin qəbuluna səs verənlər ölkədəki yoxsulluq siyasətinə ortaq olacaqlar.

Qeyd edək ki, layihədə gələn ildən başlayaraq ölkə əhalisinin minimum əmək haqqının iki dəfə artacağı göstərilib. Belə ki, bu ilin dekabrından başlayaraq ölkə əhalisinin minimum əmək haqqı 1,516 min qrivendən 1,6 min qrivenə (təqribən 64,5 dollar) qaldırılacaq. Ölkədə minimal təqaüdlərin isə 1,074 min qrivendən, 1,13 min (45,5 dollar) qədər qaldırılacağı gözlənilir. Timoşenko ölkənin yeni büdcə layihəsini “riyakar layihə” kimi dəyərləndirərək, bunun ölkədə sosial standartların artımına heç bir dəyər verməyəcəyini bəyan edib. “RİA Novosti”nin məlumatına görə, deputat qəbul ediləcək büdcənin gələcəkdə daha pis yoxsulluğa yol açacağını bildirib: “Biz əvvəlki illərdə olduğu kimi, bu il də büdcə qəbuluna səs verməmişik. Ona görə ki, belə bir büdcənin qəbulu ölkəni məhvə aparır, kiçik biznes və fermerləri məhv edir. Bu büdcə bütün sadə Ukrayna xalqının qəsdən məhv edilməsi deməkdir”.

“Lvov sakinləri Yanukoviçin hakimiyyətə qaytarılmasını tələb edirlər”

Xalqın da belə vəziyyətdən bezdiyini bildirən Timoşenkonun sözlərinə görə, artıq ukraynalılar nostalji hislərlə yaşamağa başlayıb. Hazırkı hakimiyyətin əhalinin “sistemli soyqırımını” həyata keçirdiyini bəyan edən Timoşenko bir müddət əvvəl Lvovda olarkən yerli əhali ilə qurduğu ünsiyyət barədə də məlumat verib. Deputat xanımın sözlərinə görə, Lvov sakinləri eks-prezident Viktor Yanukoviçin yenidən hakimiyyətə qayıtmasını tələb edirlər: “Mən heç vaxt bu qədər gözüyaşlı, ümidsiz insanlarla rastlaşmamışdım. İlk dəfə hazırkı hakimiyyətin idarəçilik qabiliyyətini tənqid edən demokratik qüvvələrlə rastlaşırdım. Onlar “əgər, hakimiyyət idarə etmək qabiliyyətində deyilsə, qoy köhnə hakimiyyəti yerinə qaytarsın” deyirlər”.
Ağasəf Babayev




 
Bölməyə aid digər xəbərlər
17.11.2018
Milli Dirçəliş Günü ilə bağlı icazəsiz aksiya keçirməkdə məqsəd təxribat törətmək və ara qarışdırmaqdır
16.11.2018
Ermənistan yaxın zamanlarda KTMT-də tamamilə təklənəcək
16.11.2018
Rəsmi Paris Azərbaycanın işğal olunmuş ərazilərindən Fransaya qanunsuz səfərlərin qarşısını almalıdır
16.11.2018
Razılaşmanın düzgün və milli mənafelərə uyğun olduğunu düşünürəm
15.11.2018
Çavuşoğlu: “Star” neft emalı zavodu ilə Azərbaycan Türkiyədə ən böyük investor oldu”

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10493

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info