“Müxalifət liderlərinin səfirliklərdə intensiv görüşlər keçirməsinin mitinqlərlə birbaşa əlaqəsı var”
Tarix: 22.09.2016 | Saat: 17:50:00 | E-mail | Çapa göndər


“Müxalifətin dini sferaya yönləndirilməsi təhlükəli haldır”

Azərbaycanın davamlı inkişafını istəməyən bəzi xarici dairələr milli dövlətçiliyimizi yeni keyfiyyət mərhələsinə daşıyacaq ümumxalq səsverməsi ərəfəsində mövcud sabitliyi pozmaq üçün birgə fəaliyyətə keçiblər. Təsadüfi deyil ki, radikal müxalifət başçıları Qərb ölkələrinin səfirliklərinə çağırılaraq təlimatlandırıldıqdan sonra “milli şura” və Müsavat mitinq keçirmək haqda qərar verdi.
Uğursuz siyasətçilərdən olan Cəmil Həsənlinin Strasburqa səfəri, ABŞ Konqresində, Haaqada Azərbaycanla bağlı müzakirələrin təşkili də bəzi Qərb dairələrinin Azərbaycanda vəziyyəti gərginləşdirmək üçün yenidən hərəkətə keçdiyini sübut etdi. Paralel olaraq qonşu ölkəyə bağlılığı şübhə doğurmayan radikal “Müsəlman Birliyi”nin sədri Taleh Bağırov və İslam partiyasının sədri Mövsüm Səmədovun tərəfdarlarının 11 və 17 sentyabr mitinqlərinə qoşulması, Müsavatın mitinqində İsa Qəmbərin həmin şəxslərin və ETTELAAT-la əməkdaşlığa görə həbs olunmuş Səid Dadaşbəylinin ünvanına xüsusi jestlər etməsi sabitliyi pozmaq planında bəzi qonşu ölkələrin də yer aldığını sübut edir. FETÖ Türkiyədən sonra radikal müxalifət vasitəsilə Azərbaycanda da vəziyyəti nəzarətdən çıxarmaq niyyətindədir. ABŞ-ın dövlət büdcəsindən maliyyələşən “Azadlıq” radiosu “Amerikanın səsi”, BBC müxalifəti dəstəkləyir.
Bütün bu məsələlərlə bağlı fikirlərini öyrəndiyimiz politoloq Qabil Hüseynli deyir ki, bu gün müxalifət düşərgəsində böhran daha da dərinləşib. Mitinqlərdəki bəzi nüanslar isə təhlükəli addımlar sayıla bilər. O, mitinqlərdən öncə müxalifət liderlərinin səfirliklərdə peyda olmaları məsələsində, münasibət bildirdi: “Əslində müxalifət partiyaları rəhbərlərinin Azərbaycanda olan bəzi səfirliklərdə tez-tez görüşlər keçirməsi halları əvvəllər də olub. Bu görüşlərin mahiyyətinin nədən ibarət olması isə çox vaxt müəmmalı idi. Sadəcə olaraq bu tip görüşlər son zamanlar daha çox reallaşdı. Ümumiyyətlə, xaricdən müxalifətə dəstək həmişə göz qabağında olub. Görünür, indi də bu qüvvələr Azərbaycan üçün hansısa planlar hazırlayıblar və nələrisə reallaşdırmaq fikrindədirlər. Düzdür, başqa ölkələrin səfirliklərinin, siyasi təşkilatlarının müxalifət partiyalarına dəstək verməsi bir çox ölkələrdə baş verir. Amma bu hallar çox vaxt mənfi nəticələrə gətirib çıxarır. İndiki halda Azərbaycan böyük siyasi bir hadisənin astanasındadır deyə, görünür xaricdən əhalinin referendumla bağlı fikirlərinə təsir etməyə çalışırlar. Bu nöqteyi-nəzərdən müxalifətin mitinqlərə başlaması ilə onların bəzi səfirliklərdə peyda olmalarında əlaqə axtarmaq mümkündür. Yəni bu təsadüfdən yaranmadı. Amma bir daha demək istərdim ki, müxalifətin səfirliklərdə intensiv görüşlər keçirməsində yeni bir şey də yoxdur, onlar həmişə səfirliklərlə aktiv əlaqədə olublar və məsləhətləşmələr aparıblar, tövsiyələr alıblar”.

“Bir sözlə belə görünür ki, Nardaran hadisələrinin mahiyyətini ya müxalifət düzgün dəyərləndirə bilməyib, yaxud da Nardaranda baş verən siyasi proseslərin-başqa bir ölkəyə meyillənmə hallarının dövlətçiliyimiz üçün təhlükəli olduğunu axıra qədər dərk etmək istəmirlər”

Dindarların mitinqdə peyda olmasına münasibət bildirən Qabil Hüseynli deyir ki, din siyasətə qatılanda radikal dindarlar önə çıxır. Azərbaycana da, bu arzuolunmaz ənənəni gətirmək istəyənlər isə bunun acı sonluğunu düşünmürlər: “Dindarların mitinqlərə cəlb edilməsi yaxşı hal deyil. Müxalifətin əvvəlki aksiyalarında onları belə təşkilatlanmış halda görməmişdik. Çox təəssüf edirəm ki, Müsavat Partiyasının da, “milli şura”nın da mitinqlərində səsləndirilən şüarlar içərisində məlum Nardaran olayları ilə bağlı həbs edilənlər haqqında çoxlu çağırışlar edildi. Bir sözlə, belə görünür ki, Nardaran hadisələrinin mahiyyətini ya müxalifət düzgün dəyərləndirə bilməyib, yaxud da Nardaranda baş verən siyasi proseslər-başqa bir ölkəyə meyillənmə hallarının dövlətçiliyimiz üçün təhlükəli olduğunu axıra qədər dərk etmək istəmirlər. Bəlkə də, təhlükəni görürlər. Sadəcə, öz mitinqləri xatirinə bu şüarlara, belə meyillərə icazə verirlər. İndiki halda müxalifətin dini sferaya yönləndirilməsi təhlükəli haldır. Hər halda, siyasi partiya öz mübarizəsini dindarlara qucaq açmaqla deyil, dürüst elektoral baza axtarıb tapmaqla, onlara söykənməklə aparmalıdır. Hər bir cəmiyyətdə, ölkədə olduğu kimi, bizdə də narazı elektorat var. Bunu tapmaq, seçmək özünə tərəf çəkmək çətin bir iş deyil. Bu gün bu narazı elektorat müxalifətə doğru getmirsə, deməli müxalifətin fəaliyyətində bir çatışmazlıq var. Bu siyasətçilərin əməllərində demək ki, narazı elektoratı razı salmayan bir fəaliyyət var”.
Siyasi şərhçinin sözlərinə görə, müxalifətin son addımları Azərbaycan dövlətçiliyinin maraqlarına uyğun gəlmir, digər siyasi qüvvələr onları bu səbəbdən dəstəkləmir və mitinqlərin belə təşkili vətənpərvərlik və azərbaycançılıq mövqelərinə sığmır. Bu səbəbdən də görürük ki, “Xalqın gözü tərəzidir” misalı burada öz sözünü deyir. Mitinqdən- mitinqə onlara dəstək verənlərin sayı azaldı və azalır da. Prezident seçkiləri zamanı da keçirdikləri mitinqlərdə deyirdilər ki, hər mitinqdə minlərlə adam toplayacayıq. Bunu bacarmadılar: “Əslində bu, Azərbaycanda müxalifətçilik ideyasının iflası deyil. Hər bir demokratik dövlətdə müxalifətçilik ideyaları olur. Bu, sadəcə, müxalifət liderlərinin iflasıdır. Bir daha qeyd edirəm ki, bu siyasətçilər cəmiyyətdə olan narazı qüvvələri belə, öz tərəflərinə çəkə bilmədilər. Çəkdikləri adamları da gördük ki, təhlükəli çağırışlar edən dindarlar oldu. Bir sözlə, bütün bunlar onu göstərir ki, müxalifət dərin siyasi böhran keçirir və bu siyasi böhrandan çıxmaq üçün də, heç bir yol axtarıb tapmaq potensialına malik deyil. Onlar nəinki geniş kütlədən dəstək almırlar, heç müxalifət partiyalarına öz düşərgələrindən də dəstək gəlmir. Bu adamlar daim bir-birləri ilə intriqadadırlar, küsülü davranışlar, sözatmalar, hikkə, hədələr bu düşərgədə adi haldır. Göründüyü kimi , Müsavat Partiyası “milli şura” ilə deyil, ayrı aksiya təşkil etdi. Əgər bunlar öz aralarında dil tapa, birləşib vahid şəkildə hərəkət edə bilmirlərsə, hansı vədlərdən danışırlar axı? Belədə, bu siyasətçilər xalqa nə gün ağlaya bilərlər? Siyasətçilər cəmiyyətə nümunə təqdim etməlidirlər. Birləşmək, həmrəy olmaq, siyasi inteqrasiya, güzəşt nümunələri bunlarda yoxdur. Sözügedən siyasi partiyalar cəmiyyətə siyasi proqramlar da təklif etməlidirlər. Elə, aqressiv şəkildə meydanlara tökülüşüb üç-beş şüarla diqqət çəkmək, hakimiyyət iddiasında olmaq alınmaz. Mitinqlərdəki maliyyələrin xaricdən cəlb edilməsi məsələsinə gəldikdə isə, düzü, bununla bağlı əlimdə fakt olmalıdır ki, hansısa qəti fikir yürüdəm. Amma bu o demək deyil ki, kimlərsə mənim xəbərim olmadan, hansısa qüvvələrdən maliyyə almayıb. Maliyyə dəstəyi olanda bu proses o dərəcədə gizli və məhdud qrupun əli ilə baş verir ki, bunu çox adam görmür, hiss eləmir. Qısası, bu gün siyasi arenada müxalifət adına hər cürə neqativ hallar baş verir ki, bu da təəssüf doğurur”.
Tural TAĞIYEV




 
Bölməyə aid digər xəbərlər
17.11.2018
İN: Qondarma qurumun ABŞ ərazisində təşviqi bu ölkənin Minsk qrupunun həmsədri kimi öhdəlikləri ilə ziddiyyət təşkil edir
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
“Ümumiyyətlə, dağıdıcı müxalifət qrupları həmişə şou düzəltməklə gündəmdə qalmağa çalışıblar. Onların 17 noyabr Milli Dirçəliş günü ərəfəsində qanunsuz olaraq Şəhidlər Xiyabanında keçirməyə cəhd göstərdikləri aksiya da bunun bariz nümunəsidir”. Trend-in məlumatına görə, bu fikirləri Yeni Azərbaycan Partiyası Siyasi Şurasının üzvü, “İki Sahil” qəzetinin baş redaktoru Vüqar Rəhimzadə səsləndirib. Baş redaktorun fikrincə, sözügedən aksiya dağıdıcı müxalifətin sosial bazasının olmadığını bir daha ortaya qoyub: “Bütövlükdə hesab edirəm ki, qanuna zidd olaraq atılan hər bir addımın qanun çərçivəsində qarşısı alınmalıdır. Dünyanın heç bir ölkəsində qanunsuz, icazəsiz mitinq keçirməyə yol verilmir. Təbii ki, bu aksiya Azərbaycanda da baş tutmadı. Bəs nəyə görə, bu adamlar onlar üçün ayrılan yerlərdə deyil, məhz şəhərin mərkəzində öz aksiyalarını keçirməyə cəhd edirlər? Bunun başlıca səbəbi odur ki, İctimai Palatanın sosial bazası yoxdur və ətraflarına heç kəsi cəlb edə bilmir. Onlar qəsdən insanların istirahət hüquqlarını, şəhərdə asayişi pozurlar. Hesab edirəm ki, bu kimi halların qarşısı qətiyyətlə alınmalıdır”. V.Rəhimzadə bildirib ki, qanunsuz piket və mitinqlərə heç zaman yol verilməyəcək: “Təəssüf ki, özlərini yalnız ümummilli bayram və xalqımız üçün önəmli olan tarixi günlərdə yada salmaqdan başqa heç bir normal siyasi fəaliyyətlə məşğul olmayan bəzi radikal şəxslər Milli Dirçəliş Günündə də şou göstərməkdən əl çəkməyiblər. Şəhidlər Xiyabanını və müqəddəs şəhidləri ziyarəti öz siyasi məqsədlərinə tabe etməyə çalışmaq isə birmənalı qarşılana bilməz. Onların bir illik hakimiyyətləri dövründə, yəni 1990-ci illərin əvvəllərində Azərbaycan xalqının başına gətirdikləri bəlalar, müsibətlər hələ də gözlərimiz önündədir. Bu çox da uzaq tarixi keçmiş deyil. Onlar həmin dövrdə insanları haqsız yerə döyür, təhqir edir, aclıqla imtahana çəkirdilər. Bu gün də Əli Kərimli, Cəmil Həsənli kimi adamların kim olduqlarını hər kəs çox aydın görür. Bunlar öz şəxsi maraqlarını xalqın, millətin maraqlarından daim uca tutublar. Bu insanlar öz varlıqlarını, həyatda olduqlarını sübut etmək üçün cılız şou düzəltməkdə görürlər. Onları görərkən gülməli lətifələr yada düşür. Azərbaycan dövləti güclü və qüdrətlidir. Ölkədə mövcud olan xalq-iqtidar birliyi əbədidir. Bu birliyi belə mənasız cəhdlər sarsıda bilməz”. Baş redaktor əlavə edib ki, çox təəssüf ki, radikal müxalifət mətbuatı bu gün azad sözə yad olan prinsiplər çərçivəsində fəaliyyət göstərməyə üstünlük verir: “Onların yazdıqları ictimai rəyi çaşdırmağa hesablanmış sofistikadır. Müxalifət mətbuatı yalan üzərində qurulub. Onlar cəmiyyətdə hər şeyi yalnız qara rəngə boyayır, Azərbaycan hakimiyyətinin hansısa problemin aradan qaldırılmasına yönəlmiş addımına kölgə salmağa cəhd edirlər. Hesab edirəm ki, bu, peşə etikasına hörmətsizlikdən başqa bir şey deyil”.
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10497

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


18.11 15:39 “Ümumiyyətlə, dağıdıcı müxalifət qrupları həmişə şou düzəltməklə gündəmdə qalmağa çalışıblar. Onların 17 noyabr Milli Dirçəliş günü ərəfəsində qanunsuz olaraq Şəhidlər Xiyabanında keçirməyə cəhd göstərdikləri aksiya da bunun bariz nümunəsidir”. Trend-in məlumatına görə, bu fikirləri Yeni Azərbaycan Partiyası Siyasi Şurasının üzvü, “İki Sahil” qəzetinin baş redaktoru Vüqar Rəhimzadə səsləndirib. Baş redaktorun fikrincə, sözügedən aksiya dağıdıcı müxalifətin sosial bazasının olmadığını bir daha ortaya qoyub: “Bütövlükdə hesab edirəm ki, qanuna zidd olaraq atılan hər bir addımın qanun çərçivəsində qarşısı alınmalıdır. Dünyanın heç bir ölkəsində qanunsuz, icazəsiz mitinq keçirməyə yol verilmir. Təbii ki, bu aksiya Azərbaycanda da baş tutmadı. Bəs nəyə görə, bu adamlar onlar üçün ayrılan yerlərdə deyil, məhz şəhərin mərkəzində öz aksiyalarını keçirməyə cəhd edirlər? Bunun başlıca səbəbi odur ki, İctimai Palatanın sosial bazası yoxdur və ətraflarına heç kəsi cəlb edə bilmir. Onlar qəsdən insanların istirahət hüquqlarını, şəhərdə asayişi pozurlar. Hesab edirəm ki, bu kimi halların qarşısı qətiyyətlə alınmalıdır”. V.Rəhimzadə bildirib ki, qanunsuz piket və mitinqlərə heç zaman yol verilməyəcək: “Təəssüf ki, özlərini yalnız ümummilli bayram və xalqımız üçün önəmli olan tarixi günlərdə yada salmaqdan başqa heç bir normal siyasi fəaliyyətlə məşğul olmayan bəzi radikal şəxslər Milli Dirçəliş Günündə də şou göstərməkdən əl çəkməyiblər. Şəhidlər Xiyabanını və müqəddəs şəhidləri ziyarəti öz siyasi məqsədlərinə tabe etməyə çalışmaq isə birmənalı qarşılana bilməz. Onların bir illik hakimiyyətləri dövründə, yəni 1990-ci illərin əvvəllərində Azərbaycan xalqının başına gətirdikləri bəlalar, müsibətlər hələ də gözlərimiz önündədir. Bu çox da uzaq tarixi keçmiş deyil. Onlar həmin dövrdə insanları haqsız yerə döyür, təhqir edir, aclıqla imtahana çəkirdilər. Bu gün də Əli Kərimli, Cəmil Həsənli kimi adamların kim olduqlarını hər kəs çox aydın görür. Bunlar öz şəxsi maraqlarını xalqın, millətin maraqlarından daim uca tutublar. Bu insanlar öz varlıqlarını, həyatda olduqlarını sübut etmək üçün cılız şou düzəltməkdə görürlər. Onları görərkən gülməli lətifələr yada düşür. Azərbaycan dövləti güclü və qüdrətlidir. Ölkədə mövcud olan xalq-iqtidar birliyi əbədidir. Bu birliyi belə mənasız cəhdlər sarsıda bilməz”. Baş redaktor əlavə edib ki, çox təəssüf ki, radikal müxalifət mətbuatı bu gün azad sözə yad olan prinsiplər çərçivəsində fəaliyyət göstərməyə üstünlük verir: “Onların yazdıqları ictimai rəyi çaşdırmağa hesablanmış sofistikadır. Müxalifət mətbuatı yalan üzərində qurulub. Onlar cəmiyyətdə hər şeyi yalnız qara rəngə boyayır, Azərbaycan hakimiyyətinin hansısa problemin aradan qaldırılmasına yönəlmiş addımına kölgə salmağa cəhd edirlər. Hesab edirəm ki, bu, peşə etikasına hörmətsizlikdən başqa bir şey deyil”.
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info