Zərdabda 3000 hektar pambıq əkilməsi məqsədlə tədbirlərə başlanıb
Tarix: 23.09.2016 | Saat: 18:00:00 | E-mail | Çapa göndər


Zərdab rayonunda bu ilin məhsulu üçün 832 hektarda pambıq yetişdirilib və hazırda məhsul yığımı davam edir. Yığımda 150 nəfərədək işçi qüvvəsi iştirak edir və indiyədək 80 tona yaxın “ağ qızıl” toplanıb.
Pambıqçılıq Zərdabda aqrar sektorun ənənəvi sahələrindən hesab olunur. Prezident İlham Əliyevin tövsiyə və tapşırıqlarına uyğun olaraq bu ildən kənd təsərrüfatının gəlirli sahələrindən olan, ölkəyə valyuta gətirən pambıqçılığın inkişafı üçün ciddi tədbirlər görülür. Dövlətimizin başçısının “Azərbaycan Respublikasında pambıqçılığın inkişafına dövlət dəstəyi haqqında” sentyabrın 22-də imzaladığı Sərəncam rayonda pambıqçılıqla məşğul olan fermerlər, ümumən torpaq mülkiyyətçiləri tərəfindən böyük razılıqla qarşılanıb. Bu barədə rayon icra hakimiyyəti başçısının sosial-iqtisadi inkişafın təhlili və proqnozlaşdırılması şöbəsinin müdir müavini Namiz Rüstəmov AZƏRTAC-ın müxbirinə deyib: “Prezident İlham Əliyevin ölkəmizdə kənd təsərrüfatının ənənəvi sahələrindən olan pambıqçılığın inkişafına dövlət dəstəyinin gücləndirilməsi, bu sahənin potensial imkanlarından səmərəli istifadə edilməsi, pambıq istehsalına əhalinin marağının artırılması və sosial rifahın yaxşılaşdırılması məqsədi daşıyan bu Sərəncam Zərdabda əhali tərəfindən böyük razılıqla qarşılanıb. Onu da deyim ki, sakinlər arasında bu ənənəvi sahəyə artan maraq yaxın illərdə rayonda pambıq istehsalını 30 min tona çatdırmağa imkan verəcək. Təkcə gələn il 3000 hektardan çox sahədə pambıq əkilməsi nəzərdə tutlub və hazırda bu məqsədlə tədbirlərə başlanıb”.
Qeyd edək ki, Azərbaycan Prezidenti İlham Əliyev sentyabrın 22-də “Azərbaycan Respublikasında pambıqçılığın inkişafına dövlət dəstəyi haqqında” Sərəncam imzalayıb. Sərəncama əsasən, ölkədə kənd təsərrüfatının ənənəvi sahələrindən olan pambıqçılığın inkişafına dövlət dəstəyinin gücləndirilməsi, bu sahənin potensial imkanlarından səmərəli istifadə edilməsi, pambıq istehsalına əhalinin marağının artırılması və sosial rifahının daha da yaxşılaşdırılması məqsədi ilə emal müəssisələrinə satılmış hər kiloqram xam pambığa görə pambıq istehsalçılarına 0,1 manat subsidiya nəzərdə tutulub. Subsidiya 2016-cı ildə istehsal olunan və emal müəssisələrinə satılmış xam pambığa da şamil edilir.

Nigar




 
Bölməyə aid digər xəbərlər
21.09.2018
Ramin Quluzadə Qazaxda vətəndaşlarla görüşüb
21.09.2018
Leysan yağacaq, dolu düşəcək
21.09.2018
Naxçıvanda maliyyə və mühasibatlıq işçilərinin iştirakı ilə təkmilləşdirici təlimlər keçirilir
20.09.2018
Naxçıvanda “Avropa günləri” keçiriləcək
20.09.2018
600-dən çox adam sahilyanı ərazini 5 ton tullantıdan təmizlədi

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info