Əmək və Əhalinin Sosial Müdafiəsi Nazirliyi Vyanada keçirilən tədbirdə iştirak edib
Tarix: 28.09.2016 | Saat: 17:35:00 | E-mail | Çapa göndər


Beynəlxalq tədbirdə ölkəmizin əmək və sosial müdafiə sahələrində avtomatlaşdırılmış sistemlərindən bəhs olunub

Avropa Sosial Rifah Siyasəti və Araşdırma Mərkəzi tərəfindən Avstriyanın paytaxtı Vyana şəhərində “Şərqi Avropada sosial təminat siyasəti sahəsində körpülərin yaradılması” adlı seminar və Mərkəzin Baş Assambleyasının iclası keçirilib.
Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən bildiriblər ki, tədbirdə iştirak edən Azərbaycan Respublikası Əmək və Əhalinin Sosial Müdafiəsi Nazirliyinin nümayəndə heyəti seminar zamanı son illər ölkəmizdə sosial sferada gerçəkləşdirilən islahat tədbirləri, əhaliyə göstərilən xidmətlərin müasir əsaslarla təşkili, bu sahədə geniş şəkildə tətbiq olunan innovativ yeniliklər barədə tədbir iştirakçılarına dolğun məlumatlar verib. Bu islahatların müsbət nəticələrinin, o cümlədən avtomatlaşdırılmış pensiya təyinatı, VEMTAS, əmək müqavilələrinin elektron qeydiyyatı və s. sistemlərin mötəbər beynəlxalq təşkilatlar tərəfindən də yüksək qiymətləndirildiyi vurğulanıb.
Qeyd olunub ki, islahat tədbirlərinin mühüm komponenti kimi əlillik təyinatı və reabilitasiya sisteminin də tam avtomatlaşdırılması təmin edilib: “Azərbaycan Prezidenti İlham Əliyevin 14 sentyabr 2015-ci il tarixli Fərmanına əsasən, Əmək və Əhalinin Sosial Müdafiəsi Nazirliyinin mərkəzləşdirilmiş informasiya sistemində yaradılan Tibbi-Sosial Ekspertiza və Reabilitasiya Alt Sistemi (TSERAS) əlilliyin qiymətləndirilməsi üçün vətəndaşlara elektron formada müraciət etmək imkanı verib. Artıq tibbi-sosial ekspertiza xidməti ilə bağlı aidiyyəti qurumlar arasında əlilliyə dair sənədlərin, göndəriş formalarının mübadiləsi elektron şəkildə həyata keçirilir. Bu da əlilliyin müəyyən olunmasında şəffaflığın təmin edilməsinə, məmur-vətəndaş münasibətlərinin minimallaşdırılmasına səbəb olub. Əlillik müayinəsi üçün edilmiş müraciətlər, keçirilmiş müayinələr, qəbul olunmuş qərarlar barədə məlumatlar elektron formada real vaxt rejimində sistemə ötürülür. Həmin qərarlar barədə eyni rejimdə məlumat əldə edilməsi üçün müayinə olunan şəxslərin, işəgötürənlərin və bu məlumatdan istifadə edən dövlət orqanlarının “Elektron hökumət” portalı vasitəsilə sistemə çıxışı da təmin edilib”.
Bildirilib ki, eyni zamanda TSERAS tərəfindən avtomatlaşdırılmış şəkildə əlillik müddəti başa çatmamış birinci dərəcə əlillik müddətsiz müəyyən olunmaqla, ikinci və üçüncü dərəcə əlliliklərin müddəti 5 ilə qədər uzadılıb: “Bununla da hər il təkrar müayinə edilməli olan 200 minə yaxın vətəndaşın bu prosedurdan keçməsinə artıq ehtiyac qalmayıb ki, bu da məmur-vətəndaş təmaslarının xeyli dərəcədə azalmasına səbəb olub. Ümumilikdə, hazırda nazirlik tərəfindən əhaliyə 29 adda elektron xidmət göstərilir. Həmin e-xidmətlər vətəndaşların əmək münasibətləri, pensiya, müavinət, sosial yardım, əlillik müayinəsi, sosial sığorta və s. sahələr üzrə xidmətlərdən elektron şəkildə faydalanmalarına imkan yaradıb. Təkcə bu ilin 8 ayında vətəndaşlar bu e-xidmətlərdən 4 061 039 dəfə faydalanıb ki, bu da həmin dövrdə ölkəmizin "Elektron hökumət" portalına müraciətlərin 34 faizini təşkil edib”.
Tədbirdə ölkəmizdə İKT-nin inkişafı, əmək və sosial müdafiə sisteminin müasir texnologiyalar üzərində modernləşdirilməsi istiqamətində qarşıdakı dövrdə də görülməsi nəzərdə tutulan işlər barədə də məlumatlar verilib.
Ölkəmizin əmək və sosial müdafiə sahələrində avtomatlaşdırılmış şəffaf idarəetmə və xidmət sistemləri, o cümlədən Tibbi-Sosial Ekspertiza və Reabilitasiya Alt Sistemi barədə təqdim edilən məlumatlar tədbir iştirakçıları tərəfindən maraqla qarşılanıb. Azərbaycan nümayəndə heyəti tərəfindən tədbir iştirakçılarının sualları da dolğun şəkildə cavablandırılıb.
Tural




 
Bölməyə aid digər xəbərlər
24.09.2018
Səyyar ASAN xidmət davam edir
24.09.2018
Leyla Əliyeva “Beynəlxalq Sülh Günü”nə həsr olunmuş tədbirə qatılıb
23.09.2018
Səkkiz ayda hər bir sakin 554,5 manatlıq ödənişli xidmətlərdən istifadə edib
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info