Ağdaşlı fermerlər gələn il 5 min hektar sahədə pambıq əkini aparmağı planlaşdırırlar
Tarix: 29.09.2016 | Saat: 16:11:00 | E-mail | Çapa göndər


Ağdaş rayonunda kənd təsərrüfatının, xüsusən də meyvəçilik, taxılçılıq, pambıqçılıq, baramaçılıq, çəltikçilik və tərəvəzçiliyin inkişafı üçün görülən işlər uğurla davam etdirilir.
Rayon icra hakimiyyətinin aqrar şöbəsindən bildiriblər ki, Ağdaşda kənd təsərrüfatının inkişaf etdirilməsi məqsədilə həyata keçirilən tədbirlər nəticəsində bu gün əhalinin meyvə-tərəvəz məhsullarına olan tələbatı əsasən yerli istehsal hesabına ödənilir. Ağdaş fermerləri rayonda pambıqçılığın inkişaf etdirilməsində yüksək nəticələrin əldə olunması üçün zəngin təcrübə və imkanlardan səmərəli istifadə edirlər. Hələ 1981-ci ildə Ağdaşda 10 min 200 hektar sahədən 35 min ton pambıq yığılmışdı. Bu, rayonun pambıqçılıq tarixində rekord göstərici sayılır. Sonradan bu sahəyə marağın azalması səbəbindən pambıqçılıq arxa plana keçib.
Bu sahənin inkişaf etdirilməsi istiqamətində Prezident İlham Əliyevin qarşıya qoyduğu vəzifələr və göstərişlər artıq öz bəhrəsini verir. Ağdaşda ötən illə müqayisədə cari ildə pambıq əkininin dəfələrlə artması bu gəlirli sahənin geniş perspektivlərindən xəbər verir. Belə ki, ötən il Ağdaş rayonunda 30 hektar sahədə pambıq əkini aparılmışdı. Bu il isə kəndlərdə 1154 hektar ərazidə çiyid səpini aparılıb və sahələrə yaxşı aqrotexniki qulluq edilərək bol məhsul əldə edilib. Bu da əvvəlki ildəkindən 1124 hektar, yəni 38 dəfə çoxdur.
Artıq neçə gündür ki, Ağdaş rayonunda pambıq yığımına başlanılıb. Hazırda kəndlərdə pambıqyığan kombaynların köməyi və əl əməyi ilə işlər sürətlə davam etdirilir. Pambığın vaxtında və itkisiz yığılması üçün bütün qüvvələr səfərbər edilib. Bu günədək zəmilərdən 200 tondan artıq pambıq yığılıb. Pambıq yığımının noyabradək başa çatdırılması nəzərdə tutulur. Mövsümün sonunadək Ağdaşda hər hektardan orta hesabla 20 sentner, yəni 2 min tondan artıq pambığın yığılması gözlənilir. Ağdaşlı fermerlər dövlətin yardımından bəhrələnərək gələn il rayonda 5 min hektar sahədə pambıq əkini aparmağı planlaşdırırlar. Bunun üçün hazırlıq işləri görülür, istifadəsiz qalan bütün boş torpaq sahələrinin əkin aparılması nəzərdə tutulur.
Həmçinin bu il rayonda ənənəvi sahələrdən olan baramaçılığın inkişafı üçün kəndlərdə geniş izahat işləri aparılıb. Qax Damazlıq İpəkçilik Stansiyasından 50 qutu toxum gətirilərək Ağdaşda kümçülərə paylanılıb. İlk addım olaraq, bu mövsümdə gözlənilən 1 ton barama əvəzinə, 2 ton məhsul tədarük olunaraq "Şəki İpək" ASC-yə təhvil verilib. Ayrı-ayrı ailələr baramaçılıqdan 5-6 həftə ərzində 1000-1500 manat qazanc əldə ediblər. Prezident İlham Əliyevin dediyi kimi, 45 gün ərzində insanlar dövlətin dəstəyi ilə halal pul qazanıblar. Bu nəticələr Ağdaş rayonunda gələn il baramaçılığı daha da inkişaf etdirmək üçün yüksək stimul yaradıb.
Ağdaşda çəltikçiliyin inkişaf etdirilməsi üçün də əlverişli imkan var. Bu il 1282 hektarda çəltik əkilib və bol məhsul əldə edilib. Hazırda sahələrdə çəltik yığımı uğurla davam etdirilir. Kəndlərdə ənənəvi məşğulluq sahələrinin dirçəldilməsi işsizliyin aradan qaldırılmasına kömək olub, bu mövsümdə 3 mindən çox kənd sakini haqqı ödənilən işlə təmin edilib.
Rayonda taxılçılıq və tərəvəzçiliyin inkişaf etdirilməsi də diqqət mərkəzindədir. Bu il 11 min 73 hektar taxıl zəmisindən 34 min ton taxıl istehsal olunub ki, bu da əvəlki ildəkindən çoxdur. Həmçinin cari ildə 6 min 543 hektar sahədə yazlıq bitkilər, o cümlədən 768 hektar sahədə tərəvəz, 452 hektar sahədə dən qarğıdalı, 240 hektar sahədə kartof, 253 hektar sahədə bostan, 1311 hektar sahədə çəltik, 114 hektar sahədə lobya, 3 hektar sahədə vələmir, 26 hektar sahədə şəkər çuğunduru, 1 hektar sahədə günəbaxan və 2221 hektar sahədə yonca əkini aparılıb. İndiyədək 15 min 685 ton tərəvəz, 2 min 328 ton kartof, 931 ton bostan məhsulları yığılıb. Faraş tərəvəzçiliklə məşğul olan kəndli fermerlər rayon ərazisində 7 hektar sahədə pomidor və xiyar istixanası yaradıb və hazırda bol məhsul götürülür. İlin sonunadək 10 hektar sahədə yeni istixana yaradılması nəzərdə tutulur.
Bundan əlavə, ağdaşlı fermerlər son illər meyvəçiliyin inkişafına böyük önəm verirlər. Ağdaşda bu il 55 hektar sahədə yeni meyvə bağı salınaraq 2613 hektara çatdırılıb. Hazırda bu istiqamətdə işlər davam etdirilir. Bu günədək 1608 hektar bar verən meyvə bağından 2 min ton məhsul tədarük olunub. Bu günlərdə rayonda heyva, nar, əzgil, armud və alma yığımına başlanılacaq.
Tural




 
Bölməyə aid digər xəbərlər
19.03.2019
Bu gün ilaxır – Torpaq çərşənbəsidir
18.03.2019
Avtomobildən telefon oğurlayan şəxs saxlanılıb
18.03.2019
Masallı “ASAN Həyat” kompleksində möhtəşəm Bahar festivalı
18.03.2019
900 mindən çox pirotexniki vasitə aşkarlanıb
18.03.2019
Novruz bayramı ərəfəsində növbəti yarmarka təşkil olundu

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info