Filipp Kirkorov: “Azərbaycana çoxdan könül vermişəm”
Tarix: 05.10.2016 | Saat: 20:40:00 | E-mail | Çapa göndər


“Azərbaycana çoxdan könül vermişəm”. Bu sözləri Rusiyanın Xalq Artisti Filipp Kirkorov Bakıda təqdim edəcəyi dünya səviyyəli möhtəşəm “Ya” şousu barədə AZƏRTAC-ın müxbirinə müsahibəsində deyib.
Müğənni qeyd edib ki, Azərbaycan tamaşaçıları ilə görüşü böyük həyəcanla gözləyir: “Nəhayət baş tutacaq bu görüşü çox həyəcanla gözləyirəm. Mən uzun illər boyu Bakıya can atmışam. Nəhayət, dostlarımın, pərəstişkarlarımın sayəsində dekabrın 10-da Bakıda “Ya” şousu baş tutacaq”.
“Ya” şousunun quruluşçu rejissoru dünyada ən çox tələbat duyulan şou rejissorlarından biri, “Sirk dü Soley” adlı məşhur eklektik tamaşanın müəllifi Franko Draqone hazırlayıb. O, əfsanəvi “Sirk dü Soley” üçün 12 proqramın müəllifidir. Draqonenin ideyaları əyləncə sənayesində köklü dəyişikliklər edib. Onun Las-Veqasda Selin Dion üçün hazırladığı şou sonradan ən çox satılan əyləncə məhsullarından birinə çevrilib.
Rusiyalı müğənni deyib: “Ya” şousunu böyük rejissor Franko Draqone hazırlayıb. Əminəm ki, səhnədə çıxış edəcək 80 nəfər, yeddi treylerlə Bakıya gətiriləcək dekorasiyalar, Azərbaycan paytaxtının ən gözəl zalında təqdim edəcəyimiz şou hamını sevindirəcək və heyran edəcək”.
Möhtəşəm “Ya” şousunun premyerası bu ilin martında Moskvadakı Dövlət Kreml sarayında olub. O vaxt premyeradan əvvəl F.Kirkorov jurnalistlərə demişdi: “Uşaq yaşlarımdan sirkin vurğunuyam, çünki nənəm sirk artisti olub. İlk dəfə Las-Veqasda qastrolda olarkən istirahət günümdə Franko Draqonenein quruluş verdiyi “Sirk dü Soley” tamaşasına baxmağa getdim. Orada gördüklərim məni valeh etdi. Bir-iki ildən sonra yenə Amerikaya getdim və bu dəfə də Draqonanın quruluşunda Selin Dion şousuna tamaşa etdim. Tamaşa məni “tora saldı”, ovsunladı. Başa düşdüm ki, öz rejissorumu tapmışam. Gözəllik aləminə onun baxışı mənim baxışıma tam uyğundur. Selin Dion bizi tanış etdi və fikirləşirdim ki, indicə ona edəcəyim təklifdən imtina edə bilməyəcək, lakin bu niyyətim baş tutmadı. Əsla təsəvvür etmirdim ki, Draqonanın həyatı on il öncədən planlaşdırılıb. Mən növbə tutdum və səbrlə öz vaxtımı gözləməyə başladım”.
“Ya” şousu Ruisyada bir eksperimentdir. Az qala 1500-ə yaxın rəqqas arasından seçim şəxsən Franko Draqone və quruluşçu xoreoqraf Toni Testo tərəfindən həyata keçirilib. Testo Kayli Minouq, Britni Spirs və Cennifer Lopes kimi böyük sənətkarlarla işləyib.
Şou vaxtı Filipp Kirkorov səhnədən bir oğlanın başına gələnləri danışır. Uşaqlıq illəri sirkin səhnə arxasında keçmiş bu oğlan gələcəkdə böyük artist olmaq arzusu ilə yaşayıb, tədricən məşhurlaşıb və o qədər populyarlaşıb ki, indi bəzən zamanı dayandırmaq istəyir.




 
Bölməyə aid digər xəbərlər
18.10.2019
Nizami Gəncəvinin “Yeddi gözəl” əsəri özbək dilində Daşkənddə çapdan çıxıb
18.10.2019
Tələbələr “YARAT”ın təşəbbüsü ilə təşkil olunan sərgini ziyarət ediblər
18.10.2019
İmadəddin Nəsiminin yaradıcılığına həsr olunmuş rəsm müsabiqəsinə qeydiyyat başa çatıb
18.10.2019
Parisdə Azərbaycan qadınına səsvermə hüququ verilməsinin 100 illiyi münasibətilə tədbir keçirilib
17.10.2019
Nəsiminin 650 illik yubileyi Türkiyənin Kocaeli şəhərində qeyd olunub

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10921

1 Prezident: Gələn ilin büdcəsi həm sosial, həm investisiya yönümlü olmalıdır
2 Vasim Məmmədəliyev vəfat edib
3 “Xoşbəxtlikdən, Azərbaycanın qolu sayılmadı“
4 “Zəngəzurun Ermənistana birləşdirilməsi böyük Türk Dünyasını parçaladı”
5 70 saylı Masallı şəhər və 71 saylı Masallı kənd seçki dairələrində seminarlar keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info