Beyləqanda yeni tibb məntəqəsi istifadəyə verilib
Tarix: 05.10.2016 | Saat: 21:48:00 | E-mail | Çapa göndər


Beyləqan rayonunun Baharabad kəndində Azərbaycan hökuməti və ABŞ-ın Beynəlxalq İnkişaf Agentliyinin (USAİD) maliyyə dəstəyi ilə inşa edilən tibb məntəqəsi istifadəyə verilib. “Tibb məntəqəsinin tikintisi” layihəsi USAİD-in dəstəklədiyi Sosial-İqtisadi İnkişaf Fəaliyyəti (SEDA) proqramı çərçivəsində Şərq-Qərb İdarəetmə İnstitutu tərəfindən icra olunub.
AZƏRTAC xəbər verir ki, tibb məntəqəsinin açılışı münasibətilə keçirilən mərasimdə ABŞ səfirliyinin, USAİD-in, İqtisadiyyat və Səhiyyə nazirliklərinin, yerli icra hakimiyyətinin nümayəndələri və kənd sakinləri iştirak edib.
Mərasimdə çıxış edən Beyləqan Rayon İcra Hakimiyyəti başçısının müavini Məhəmməd Qələndərov layihənin həyata keçirilməsində əməyi olanlara təşəkkürünü bildirib.
ABŞ səfirinin müavini Vilyam Gil yeni səhiyyə müəssisəsinin tikintisini Birləşmiş Ştatlar və Azərbaycan hökumətlərinin uğurlu əməkdaşlığının bariz nümunəsi kimi dəyərləndirib. “ABŞ Azərbaycanla əməkdaşlığa sadiqdir. Biz birgə işləyərək sabitliyə, demokratik tərəqqiyə və iqtisadi firavanlığa nail ola bilərik”, – deyə Vilyam Gil vurğulayıb.
Şərq-Qərb İdarəetmə İnstitutunun ölkə üzrə direktoru Tim Mədiqan bildirib ki, tibb məntəqəsinin inşa edilməsi Beyləqan rayonunda həyata keçirilən 11-ci layihədir. Layihənin reallaşmasında yerli bələdiyyə və kənd icmasının üzvlərinin böyük köməkliyi olub.
Məlumat verilib ki, üç müayinə otağı və bir gözləmə dəhlizindən ibarət tibb məntəqəsi Baharabad kəndinin 1450 nəfər sakininə xidmət edəcək.
Kənd sakinləri göstərilən diqqət və qayğıya görə minnətdarlıqlarını bildiriblər.
Sonra tədbir iştirakçıları tibb məntəqəsində yaradılan şəraitlə tanış olublar.




 
Bölməyə aid digər xəbərlər
18.10.2019
“Naxçıvan kuboku – 95” beynəlxalq turniri başa çatıb
18.10.2019
Şamaxıda “ASAN xidmət” mərkəzinin tikintisinə 20 milyon 335 min manat ayrılıb
18.10.2019
Dövlət başçısının müşavirədəki gənc kadrlarla bağlı tapşırığı hamıya nümunə olmalıdır-Professor Yusif Babanlı
18.10.2019
Türkiyə-İran sərhədində atışma olub
18.10.2019
YAP-da Dövlət Müstəqillik Gününə həsr olunan yaradıcılıq sərgisi keçirilib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10921

1 Prezident: Gələn ilin büdcəsi həm sosial, həm investisiya yönümlü olmalıdır
2 Vasim Məmmədəliyev vəfat edib
3 “Xoşbəxtlikdən, Azərbaycanın qolu sayılmadı“
4 “Zəngəzurun Ermənistana birləşdirilməsi böyük Türk Dünyasını parçaladı”
5 70 saylı Masallı şəhər və 71 saylı Masallı kənd seçki dairələrində seminarlar keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info