Quba ilə Kant şəhəri qardaşlaşır
Tarix: 06.10.2016 | Saat: 17:57:00 | E-mail | Çapa göndər


Quba ilə Qırğızıstanın Çuy vilayətinin Kant şəhəri arasında qardaşlaşma haqqında memerandum imzalanıb.
AZƏRTAC xəbər verir ki, bununla əlaqədar oktyabrın 6-da Kant şəhərinin meri Erkin Abdraxmanov, şəhər Keneşinin (parlament) sədri Azat Şayldabekov, Keneşin deputatları və başqa rəsmi şəxslərdən ibarət nümayəndə heyəti Qubaya gəlib.
Heydər Əliyev adına mədəniyyət və istirahət parkında rayon rəhbərliyi tərəfindən səmimiyyətlə qarşılanan nümayəndə heyəti burada Ümummilli Liderin abidəsini ziyarət ediblər.

Rayon icra hakimiyyətinin başçısı Yaşar Məmmədov qonaqlara Qubanın təbiəti, yerli əhalinin etnik tərkibi, adət-ənənələri və aparılan quruculuq işləri barədə ətraflı məlumat verib.
Görüşdə Azərbaycan və Qırğızıstan arasında dostluq münasibətlərinin yüksək səviyyədə olduğu, bir çox sahələrdə qarşılıqlı əməkdaşlığın mövcudluğu vurğulanıb.
Daha sonra Kant şəhərinin meri Erkin Abdraxmanov çıxış edərək təmsil etdikləri şəhər haqqında ətraflı məlumat verib. Bildirilib ki, Çuy vilayətinin mərkəzi şəhəri olan Kantda 20 mindən çox əhali yaşayır. Bu şəhər həm də Qırğızıstanda azərbaycanlıların yığcam yaşadığı ərazilərdəndir.
Çıxışlardan sonra Quba ilə Kant arasında qardaşlaşma haqqında memorandum imzalanıb. Memoranduma əsasən mədəni, siyasi, idman və bir çox başqa sahələrdə əməkdaşlıq əlaqələrinin qurulması nəzərdə tutulub.
Qırğızıstandan gələn nümayəndə heyəti dörd gün ərzində Qubada olacaq və oktyabrın 8-də keçiriləcək “Alma bayramı”nda da yaxından iştirak edəcəklər.
Kant şəhərininin rəsmi şəxsləri burada olduqları müddətdə Quba Soyqırımı Memorial Kompleksi, dağ yəhudilərinin yığcam yaşadıqları Qırmızı qəsəbə, Quba Tarix-Diyarşünaslıq Muzeyi, “Qədim Quba” xalçaçılıq müəssisəsi, Xınalıq kəndi və rayonun başqa görməli yerləri ilə də yaxından tanış olacaqlar.




 
Bölməyə aid digər xəbərlər
18.02.2019
Qaradağlı faciəsinin şahidi: həmin günlər yadıma düşəndə dəhşətə gəlirəm
17.02.2019
Ölkə ərazisində hava şəraiti dəyişəcək, yağış və qar yağacaq
15.02.2019
“Strateji Menecment Məktəbi” layihəsinin təlimləri başa çatıb
15.02.2019
Neftçalakı günərzi qayğı mərkəzində uşaqlara reabilitasiya yönümlü sosial xidmətlər göstərilir
15.02.2019
Aldığınız məhsulu barkod ilə necə yoxlaya bilərsiz?

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info