“Avrodan imtina Avropa iqtisadiyyatının iflic vəziyyətinə son qoya bilər”
Tarix: 07.10.2016 | Saat: 23:41:00 | E-mail | Çapa göndər


Nobel mükafatçısı Cozef Stiqlis:
“Batan gəmi”ni ilk olaraq İtaliya tərk edəcək. İtalyanlar avrozona ilə vidalaşmanı ölkə üçün faciə hesab etmirlər”

Son aylar Suriya böhranı Avropanı daxilindəki problemləri bir qədər kölgədə qoysa da, avrozona çıxılmaz vəziyyətlə üzləşib. Bunu Avropa İttifaqının Bratislavada keçirilən son uğursuz zirvə toplantısı da sübut etdi. İqtisadiyyat üzrə Nobel mükafatçısı, amerikalı iqtisadçı Cozef Stiqlis də avrozonanın bu minvalla gec-tez uçuruma sürüklənəcəyini etiraf edib.
O qeyd edib ki, “batan gəmi”ni ilk olaraq İtaliya tərk edəcək.

Onun sözlərinə görə, italyanlar avrozona ilə vidalaşmanı ölkə üçün o qədər də böyük faciə hesab etmirlər. Dünya şöhrətli alim, bir müddət əvvəl Dünya Bankının baş iqtisadçısı olmuş Cozef Stiqlis bu məsələ ilə bağlı öz fikirlərini Almaniyanın “Welt” saytına verdiyi müsahibədə açıqlayıb . Onun fikrincə, Avropanın hazırkı siyasəti dərin islahatlar aparılmayacağı təqdirdə avrozonanı böhrandan xilas etməyəcək. Çünki Avropa İttifaqına üzv dövlətlərin bir çoxunun avrozonada bank ittifaqının yaradılması və yatırımların təminatına kifayət qədər inamı yoxdur. İqtisadçı alimə görə, Avropa həmrəyliyi, demək olar ki, elə milli sərhədlərdə bitir. Nəşrin 10 ildən sonra da avrozonanın, Avropa İttifaqının taleyinin necə olacağı barədə sualına Stiqlisin cavabı birmənalı olmayıb. O, böyük ehtimalla təşkilatın mövcud ola biləcəyini ehtmal etsə də, hazırkı üzv dövlətlərin birlikdə ola biləcəyinin çətin bir sual olduğunu nəzərə çatdırıb. O, nümunə kimi, İtaliyanı qeyd edib. Nobel mükafatçısı qeyd edib ki, artıq indidən italyanlar avroya inamlarını itiriblər. Məlumdur ki, İtaliya iqtisadiyyatında böhran yaşanır. Hazırda ölkə bankları “çürük kreditlər”in böyük məbləğləri ilə mübarizə aparırlar. İtaliya iqtisadiyyatının son 10 ildəki bərbad vəziyyətinə diqqət çəkən Stiqlis bu ölkənin gələcəkdə Avropanın vahid valyuta zonasında qalacağına şübhə edir. İqtisadçı alim ABŞ-da böhranın aradan qalxmağa başladığını qeyd edərək, Avropanın yerində saydığını bildirib: “Əsas günah avrodadır. Məhz vahid Avropa valyutasından imtina “köhnə qitə” iqtisadiyyatının iflic vəziyyətinə son qoya bilər”.
Ağasəf Babayev




 
Bölməyə aid digər xəbərlər
21.04.2019
Şri-Lankada bir neçə kilsədə və oteldə partlayışlar baş verib: 160 ölü, 360 yaralı
21.04.2019
Fransada etirazlar zamanı 14 polis yaralanıb
20.04.2019
Әfqanıstanda terror aktı, ölәn var
20.04.2019
Parisdə “sarı jiletlilər“in aksiyasında 70-ə yaxın saxlanılan var
20.04.2019
Putin Şimali Koreya lideri ilə görüşəcək

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10754

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Ramiz Mehdiyevin sərəncamı ilə tədbirlər planı təsdiqləndi
4 Azərbaycanlı həkim-yazıçı Rusiya Yazıçılar İttifaqına üzv olub
5 “Azərbaycan dilinin Orfoqrafiya Normaları” təsdiq edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info