Şimal-Cənub dəhlizinin bütün iştirakçıları yükdaşıma prosesinə qoşulub
Tarix: 08.10.2016 | Saat: 00:02:00 | E-mail | Çapa göndər


Hindistandan göndərilən 5 universal konteynerlərdən 3-ü Astarada qəbul edilib və Rusiyaya yola salınıb

Dünən ilk dəfə olaraq Şimal-Cənub nəqliyyat dəhlizi ilə Hindistanın Banqalor şəhərindən Rusiyanın Vorsino stansiyasına test olaraq göndərilməsi planlaşdırılan elektrik avadanlıqlar və onlara ehtiyat hissələri ilə yüklənmiş 5 ədəd 40 futluq universal konteynerlərdən 3-ü "ADY Express" şirkətinin Astara yük həyətində qəbul edilib.
"ADY Express"dən verilən məlumata görə, yüklər platformalara yükləndikdən sonra Astara stansiyasından təyinatı üzrə yola salınıb. Konteynerlər Hindistanın Mumbay şəhərindən dəniz vasitəsilə İranın Bəndər Abbas limanına, oradan dəmir yolu ilə Qəzvin stansiyasına, daha sonra isə avtomobillərlə Azərbaycan Astarasına çatdırılaraq, Rusiyaya yola salınıb. "Artıq demək olar ki, Şimal-Cənub beynəlxalq nəqliyyat dəhlizinin bütün iştirakçı ölkələri yükdaşıma prosesinə qoşulublar", - deyə məlumatda bildirilir. Bir neçə gün öncə isə "ADY Express" Cənub-Qərb nəqliyyat dəhlizi ilə daha bir əməliyyat həyata keçirib. Belə ki, İrandan Avropaya göndərilən mərmərlə yüklənmiş 10 ədəd 20 futluq konteynerlər, yük avtomobillərdən dəmir yolu platformalarına aşırılaraq, Astara dəmir yolu stansiyasından yola salınıb. Xatırladaq ki, hələlik yüklər İrandan Azərbaycana avtomobillərlə daxil olur. Astarada "ADY Express"ə məxsus yük həyətində vaqonlara aşırılaraq Astara dəmir yolu stansiyasından yola salınır. Həmin yüklərin İrandan Azərbaycana yük avtomobilləri ilə daxil olması və sonradan Astarada vaqonlara yüklənməsi Azərbaycan Prezidentinin fərmanı və sonradan Nazirlər Kabinetinin bu fərmandan irəli gələn qaydaların təsdiq etməsi nəticəsində mümkün olub. Həmin fərmana uyğun olaraq, Azərbaycan ərazisindən, sonrakı nəqli dəmir yolları ilə edilməsi şərti ilə, yükləri daşıyan xarici avtomobil nəqliyyatı vasitələri rüsum və yol vergisindən azad olunublar və bu da öz növbəsində Azərbaycan ərazisindən yükdaşımaları ucuzlaşdırmaqla nəqliyyat dəhlizinə yüklərin cəlb olunması üçün əlverişli şərait yaradıb. Astaraçay üzərində salınan dəmir yolu körpüsünün tikintisi isə başa çatmaq üzrədir. inşa edilən körpü və salınan yeni dəmir yolu Azərbaycanın Astara Stansiyası ilə İran-Astara stansiyasını birləşdiriləcək ki, bu da öz növbəsində Şimal-Cənub və Cənub-Qərb marşrutlarında yük dövriyyəsinin intensivləşməsinə böyük təkan verəcək.




 
Bölməyə aid digər xəbərlər
16.02.2019
“Kuwait Airways” Bakıya aviareys açmaq niyyətindədir
16.02.2019
Ötən il ölkə üzrə 6,3 min ton tütün istehsal olunub
16.02.2019
Azərbaycan nefti bahalaşır
15.02.2019
Buzovnadakı psixonevroloji sosial xidmət müəssisəsinin açılışı olub
15.02.2019
İnformasiya Texnologiyalarının İnkişafı Dövlət Fondunun Müşahidə Şurasının yeni tərkibdə ilk iclası keçirilib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info