“İş yerinə dair arayış” elektron xidməti əhalinin ən çox istifadə etdiyi elektron xidmətlərdən biridir
Tarix: 10.10.2016 | Saat: 18:01:00 | E-mail | Çapa göndər


Əmək və Əhalinin Sosial Müdafiəsi Nazirliyinin “Elektron Hökumət” portalı üzərindən təqdim etdiyi “İş yerinə dair arayış” elektron xidməti əhalinin ən çox istifadə etdiyi elektron xidmətlərdən biridir. 
Ölkəmizin elektron arayış sistemində mühüm yer tutan bu e-xidmətdən ötən ay 19 922 dəfə istifadə qeydə alınıb. Cari ilin yanvar-sentyabr aylarında isə “İş yerinə dair arayış” e-xidmətinə əvvəlki ilin eyni dövrü ilə müqayisədə 17,5 faiz çox, yəni 156 368 dəfə müraciət edilib. 
Vətəndaşlar “İş yerinə dair arayış” e-xidməti vasitəsilə ümumi təyinatlı və ya hər hansı bir konkret quruma təqdim etmək üçün qısa müddətdə iş yeri haqqında e-arayış əldə edə bilir. Artıq bu məqsədlə işəgötürənə müraciət olunmasına, bundan ötrü vaxt və əziyyət sərf edilməsinə ehtiyac qalmır. Əgər şəxs aktiv əmək müqaviləsi əsasında iki və daha artıq iş yerində əmək fəaliyyəti ilə məşğul olursa, öz seçiminə uyğun olaraq bu və ya digər iş yerinə dair e-arayışı əldə etmək imkanına malikdir. 

Bu e-arayışda işəgötürən və işçi barədə məlumatlar, onlar arasında əmək müqaviləsinin bağlandığı tarix, müqavilənin müddətli, yaxud müddətsiz olması, arayışın etibarlılıq müddəti və digər aidiyyəti məlumatlar qeyd olunur. "E-hökumət" portalındakı "Portal üzərindən verilmiş arayışların yoxlanılması" xidməti e-arayışın təqdim edildiyi qurumlara həmin sənəddəki məlumatların düzgünlüyünü yoxlamaq imkanı verir. Qeyd olunanların nəticəsidir ki, hazırda vətəndaşlardan arayışların məhz elektron formada qəbul edilməsinə üstünlük verilir. 
2014-cü ilin dekabrında istifadəyə verilən “İş yerinə dair arayış” e-xidmətindən cari il oktyabrın 1-dək 381 554 dəfə istifadə edilib. 

Ümumilikdə cari ilin 9 ayında əhali nazirliyin e- xidmətlərindən 4 491 884 dəfə faydalanıb. Azərbaycan Respublikası Rabitə və Yüksək Texnologiyalar Nazirliyi Məlumat Hesablama Mərkəzinin "Elektron hökumət" portalında təqdim olunan elektron xidmətlərdən istifadə üzrə növbəti statistik məlumatına əsasən, 2016-cı ilin yanvarın 1-dən oktyabrın 1-dək portalda e-xidmətlərindən ən çox istifadə olunan dövlət qurumu Əmək və Əhalinin Sosial Müdafiəsi Nazirliyi olub. 

Həmçinin müşahidələrə əsasən, sosial yönümlü elektron xidmətlərə marağın daha çox olduğu, üç rüb ərzində Əmək və Əhalinin Sosial Müdafiəsi Nazirliyinin "Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi" xidmətindən 1 milyon 408 min 190 dəfə istifadə edildiyi diqqətə çatdırılır. Qeyd olunur ki, bu müddət ərzində qurumun ikinci ən çox istifadə olunan elektron xidməti "Ünvanlı sosial yardımla bağlı müraciətin edilməsi” xidmətidir. Cari il fevral ayının 22-də elektronlaşdırılaraq portala inteqrasiya edilən bu xidmətdən 1 milyon 203 min 524 dəfə istifadə edilib. 

Əmək və Əhalinin Sosial Müdafiəsi Nazirliyinin fəaliyyət sahələri üzrə 29 elektron xidmət əhalinin istifadəsindədir. Ötən ay vətəndaşlar nazirliyin e-xidmətlərindən 430 845 dəfə faydalanıblar ki, bu da "Elektron hökumət" portalına müraciətlərin 37 faizini təşkil edib. 
Tural




 
Bölməyə aid digər xəbərlər
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib
20.09.2018
Qafqaz Müsəlmanları İdarəsində qanvermə aksiyası keçirilib
20.09.2018
İqtisadiyyat naziri Gəncədə vətəndaşları qəbul edəcək
20.09.2018
Arıçılıqla məşğul olan şəxslərə subsidiya veriləcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info