Yəhudi din xadiminin Xocalı soyqırımı haqqında kitabı nəşr olunub
Tarix: 11.10.2016 | Saat: 15:11:00 | E-mail | Çapa göndər


ABŞ-ın Los-Anceles şəhərində yaşayan yəhudi din xadimi ravvin İsrael Barukun müəllifi olduğu, Xocalı soyqırımı zamanı azərbaycanlılara qarşı törədilmiş bəşəri cinayətləri əks etdirən kitab bu günlərdə işıq üzü görüb. Kaliforniya ştatında fəaliyyət göstərən “Berkley Press” nəşriyyatı tərəfindən çap edilmiş kitab “Xocalı: İnsanlığa qarşı cinayət” adlanır.
Geniş və təkzibolunmaz faktlara əsaslanan bu tədqiqat işi əvvəlcə Ermənistan-Azərbaycan münaqişəsinin yaxın tariximizdəki kökləri barədə məlumat verir, bu səpkidə ermənilərin öz separatçı niyyətlərini həyata keçirmək üçün 1980-ci illərin sonundan etibarən aşkar şəkildə nümayiş etdirdikləri bədxah əməllərə diqqət çəkir. Müəllif vurğulayır ki, Ermənistanın Azərbaycana qarşı yeritdiyi əsassız torpaq iddiaları silahlı münaqişə mərhələsinə çatdıqdan sonra ermənilər öz məkrli planlarını reallaşdırmaq üçün terroçuluqdan xüsusi vasitə kimi istifadə edib, mülki azərbaycanlılar üzərində qorxu yaradaraq onları öz dədə-baba yurdlarından didərgin salmaq planlarını icra ediblər. Həmin illərdə ermənilər tərəfindən azərbaycanlılara qarşı müxtəlif məkanlarda çoxsaylı qəddarlıqlar törədilsə də, Xocalı soyqırımı öz amansızlığı və kütləviliyi baxımından belə əməllərin zirvə nöqtəsini təşkil edib. Xocalı soyqırımı zamanı ermənilər tərəfindən törədilmiş vəhşilikləri II Dünya müharibəsində yəhudi xalqına qarşı nasistlərin həyata keçirdikləri soyqırımı ilə müqayisə edən İ.Baruk hər iki soyqırımı arasında bu baxımdan oxşarlıqların olduğunu vurğulayır.
Kitabın süjet xətti iki əsas istiqamət üzrə qurulub. Birinci istiqamət Xocalı soyqırımının canlı şahidlərinin - soyqırımı zamanı ermənilərə əsir düşmüş və əsirlikdən azad edildikdən sonra həyat mübarizəsi aparan azərbaycanlıların danışdıqları tükürpədici cinayət faktlarını əks etdirir. Bu səpkidə silahsız və müdafiəsiz mülki azərbaycanlılara, o cümlədən qadınlara, uşaqlara və yaşlılara qarşı törədilmiş ağır işgəncələr və amansız qəddarlıqlar soyqırımı şahidlərinin öz dillərindən oxucuya çatdırılır.
Əsərin ikinci istiqaməti isə Xocalı soyqırımının beynəlxalq səviyyədə tanınması ilə bağlı mövcud vəziyyəti əks etdirir. Müəllif konkret mənbələrə istinad edərək müxtəlif ölkələrin, o cümlədən ABŞ-ın 21 ştatının, həmçinin çoxsaylı beynəlxalq təşkilatların və KİV-lərin bu qətliamın insanlığa qarşı törədilmiş cinayət olduğunu təsdiq edən sənədlər barədə oxucularla məlumat verir. Qeyd olunur ki, Heydər Əliyev Fondunun vitse-prezidenti Leyla Əliyevanın rəhbərlik etdiyi “Xocalıya ədalət!” kampaniyası Xocalı soyqırımının dünyada tanınması ilə bağlı böyük işlər görüb.
“Xocalı: İnsanlığa qarşı cinayət” kitabı artıq amerikalı oxucuların ixtiyarına verilib. İctimai marağı nəzərə alan nəşriyyat bu əsərin tanınmış internet kitab mağazası olan “Amazon” vasitəsilə satışa çıxarıb ki, bu da dünyanın müxtəlif ölkələrindən mövzuya maraq duyan kitabsevərlərə əlavə imkan yaradıb. Kitabı bu linkdən sifariş etmək olar:https://amzn.com/1888205695.
Tural




 
Bölməyə aid digər xəbərlər
20.09.2018
ABŞ-ın Merilend ştatında silahlı insident baş verib
20.09.2018
“ABŞ-ın tarixində “ən böyük səhv” Yaxın Şərqə qoşun yeritməkdir”
20.09.2018
Merkel və Putin arasında telefon danışığı olub
20.09.2018
ABŞ-ın ən böyük tarixi səhvi Corc Buşun Yaxın Şərqə qoşun yeritməsi olub
20.09.2018
Macarıstan ilə Ukrayna arasında diplomatik qalmaqal

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info