Yaponiya mətbuatı Ermənistanın təcavüzkar siyasətindən yazdı
Tarix: 11.10.2016 | Saat: 15:45:00 | E-mail | Çapa göndər


Yaponiyada ölkəmiz haqqında növbəti məqalə dərc olunub. Yaponiyanın JİJİ PRESS informasiya agentliyinin baş redaktoru Okuyama Masaşinin müəllifi olduğu məqalədə deyilir ki, azərbaycanlı qaçqın və məcburi köçkünlər doğma yurdlarına qayıtmaq istəyirlər.
Agentliyin baş redaktoru sentyabrın 21-dən 30-dək Azərbaycanda səfərdə olub, V Bakı Beynəlxalq Humanitar Forumunda iştirak etməklə yanaşı, ölkəmiz haqqında silsilə məqalələr hazırlayıb.
Oktyabrın 10-da JİJİ PRESS-in yaydığı ilk məqalə Ermənistan-Azərbaycan, Dağlıq Qarabağ münaqişəsi nəticəsində ata-baba yurdlarından didərgin düşmüş qaçqın və məcburi köçkünlərə həsr olunub.
Bakıda və ətraf qəsəbələrdə müvəqqəti məskunlaşan həmin insanlarla görüşən O.Masaşi məqalədə onların hazırkı həyat tərzini əks etdirməklə yanaşı, artıq 25 ildən çoxdur davam edən münaqişə barədə də ətraflı məlumat verir. Bildirir ki, xarici havadarlarının dəstəyinə arxalanan Ermənistan Azərbaycan ərazilərinin 20 faizini işğal altında saxlayır. Hələ də bir milyondan çox azərbaycanlı qaçqın və məcburi köçkün həyatını yaşamağa məcburdur. Vurğulanır ki, BMT Təhlükəsizlik Şurasının Azərbaycan ərazilərinin qeyd-şərtsiz azad edilməsi, qaçqın və məcburi köçkünlərin evlərinə qaytarılması barədə dörd qətnaməsinə baxmayaraq, Ermənistan həmin torpaqları işğal altında saxlamaqda davam edir. Hazırda Bakının Yasamal rayonunda, tələbə yataqxanasında məskunlaşan keçmiş Zəngilan rayon sakini, 78 yaşlı Güldanə Kərimovanın sözlərini sitat gətirən müəllif yazır: “Mən öz evimdə ölmək istəyirəm”.
Cari ilin aprel döyüşləri barədə məlumat verən müəllif bildirir ki, Azərbaycan ordusunun cavab tədbirləri nəticəsində 200 hektara yaxın ərazi, səkkiz yüksəklik düşməndən azad edilib. Bu, doğma yurd həsrəti çəkən insanların ata-baba torpaqlarına qayıtmaq ümidini daha da gücləndirib.

Tural




 
Bölməyə aid digər xəbərlər
20.11.2018
Qətərdə regionun ultramüasir klinikası açılıb
19.11.2018
Putin:“Türk axını” tamamlandıqdan sonra Rusiya-Türkiyə enerji əməkdaşlığı daha da güclənəcək”
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info