Şerov Azərbaycana velosipedlə səfərə başlayıb
Tarix: 12.10.2016 | Saat: 21:09:00 | E-mail | Çapa göndər


Özbəkistan müğənnisi Xursənd Şerov Azərbaycanın və SSRİ-nin Xalq Artisti, dünya şöhrətli müğənni Müslüm Maqomayevin şərəfinə Daşkənddən Azərbaycana velosipedlə səfərə başlayıb.
Bu münasibətlə ölkəmizin Özbəkistandakı səfirliyinin nəzdindəki Heydər Əliyev adına Azərbaycan Mədəniyyət Mərkəzində yolasalma mərasimi keçirilib.
Özbəkistanın mədəniyyət və incəsənət xadimlərinin, diasporumuzun üzvlərinin, jurnalistlərin iştirak etdikləri tədbirdə Mərkəzin direktoru Samir Abbasov Xursənd Şerovun zəmanəmizin tanınmış müğənnisi Müslüm Maqomayevin pərəstişkarı olduğunu bildirib, məhz onun şərəfinə bu gün Özbəkistandan Azərbaycana velosipedlə səfərə çıxacağını qeyd edib.

S.Abbasov deyib ki, Xursənd Şerov Azərbaycan mədəniyyətinin və musiqisinin təbliği sahəsindəki fəaliyyətinə görə Heydər Əliyev adına Azərbaycan Mədəniyyət Mərkəzinin Fəxri Fərmanına və xüsusi mükafata layiq görülüb.
Xursənd Şerov deyib ki, arzusu Müslüm Maqomayevin ana vətəni Azərbaycana velosipedlə səfər etmək, oktyabrın 25-də Bakıda Müslüm Maqomayevin anma mərasiminə qatılmaq, korifey sənətkarın məzarını ziyarət etmək və onun ölməz mahnılarını oxumaqdır.
O, Azərbaycanın Özbəkistandakı səfirliyinə və onun nəzdindəki Heydər Əliyev adına Azərbaycan Mədəniyyət Mərkəzinə Müslüm Maqomayevin xatirəsinə həsr edilmiş velosiped turunun təşkili ilə bağlı göstərdikləri dəstəyə görə minnətdarlığını bildirib.

Tədbirdə Xursənd Şerovun dünya turuna çıxması, Azərbaycan musiqisinin təbliği ilə əlaqədar fəaliyyətinə dair videomaterial nümayiş olunub.
Sonra Özbəkistan müğənnisi dahi Müslüm Maqomayevin “Azərbaycan”, “Sənsiz”, “Əziz Anam” mahnılarını oxuyub, Mərkəzin “Azərbaycan qızları” rəqs ansamblının üzvləri isə milli rəqslərimizi ifa ediblər.
Daha sonra Xursənd Şerov ümummilli lider Heydər Əliyevin abidəsi qarşısında şəkil çəkdirib və velosipedlə Azərbaycana səfərə yola düşüb.
Qeyd edək ki, müğənni Səmərqənd, Buxara, Xivə şəhərlərini keçərək Türkmənistana, oradan isə Bakıya getməyi planlaşdırır.
Mahmud




 
Bölməyə aid digər xəbərlər
22.09.2018
Yaponiyalı bacı-qardaşın qələbə sevinci
21.09.2018
Messi UEFA Çempionlar Liqasında həftənin futbolçusu seçilib
21.09.2018
Makqreqor Nurmaqomedovu qorxaq adlandırıb
21.09.2018
Azərbaycanda həndbolun inkişafına kömək göstərməyə hazırıq
21.09.2018
UEFA Avropa Liqası: “Sportinq“ - “Qarabağ“ 2-0

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10128

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info