Rumıniyada siyasətə qatılan azərbaycanlı gənc
Tarix: 13.10.2016 | Saat: 18:02:00 | E-mail | Çapa göndər


Rumıniyada yaşayan azərbaycanlı gənc bu ölkədə siyasi fəaliyyətə başlayıb. Əvvəllər Rumıniyada ictimai işlərdə aktivlik göstərən Kamran Allahverdiyev bu barədə “Palitra”ya danışaraq bundan sonra ölkənin siyasi həyatına da qatılacağını deyib. O bildirib ki, ölkəmizi Rumıniyada uğurla təmsil edəcək: “Mən 2015-ci ildə ikinci universiteti oxumağı qərara aldım və bunu çox istədiyim siyasət aləminə qatılmaq üçün etdim. Çünki tarixi və siyasəti çox sevirəm. Mənim seçmiş olduğum Babes Bolyai universiteti 1872-ci ildə açılıb. Rumıniyanın ən prestijli universiteti olmaqla yanaşı dünya üzrə öz keyfiyyətini qoruyur. Babes Bolyai Universitetində texniki,maliyyə,coğrafi,psixoloji,pedaqoji,siyasi və s. ixtisas və fakültələr var. Babes Bolyai Universitetində 41.000 tələbə təhsil alır. Oxumaqla yanaşı iş təcrübəm də olub və iş təcrübəmi Azərbaycan səfirliyində etmişəm”. Kamran Allahverdiyev deyir ki, 16 ildir Rumıniyada yaşadığı üçün artıq bu ölkənin konstitusiyasını, qanunlarını, siyasətini və tarixini öyrənə bilib:
“Siyasət adamlarından da siyasətin sirrlərini öyrənmək şansım olub. Hörmətli Emil Boc - keçmiş baş nazir və Cluj şəhərinin bələdiyyə rəhbəri Babes Bolyai Universitetində dərs deyir. Emil Boc çox uğurlu bir iş adamıdır və Cluj şəhərinin inkişafında böyük əməyi olub. Ən böyük müvəffəqiyyətlərindən biri də Cluj şəhərinin 2015 gənclik paytaxtı seçilməsidir və Praqa şəhərindən sonra Avropada ən çox iş şəraiti yaradılan şəhərdir. Şəxsən mənim məsələmə gəldikdə isə siyasət aləminə daxil olmaq üçün Buxarestdəki tanışlarla əlaqələri genişləndirdim və beləliklə Buxarestdə olan cənab Sorin Moldovana-a müraciət etdim. O, National Liberal Partiyasında İdman və Gənclik sahəsi üzrə sədr müavinidir. Mənə çox kömək etdilər, onların sayəsində Rumıniyada siyasətə addımlamaqdayam. Cənab Sorin vasitəsilə Maria Forna ilə də tanış oldum. O Avropa parlamentində və Clujdakı National Liberal Partiyasında səlahiyyətli şəxslərdən biridir. Maria xanım məni Clujdakı səlahiyyətli şəxslərlə tanış etdi və mənim Azərbaycandan gəldiyimi bildirdi. Bundan sonra Əlimdən gələnin ən yaxşısını edərək dövlətimi və millətimi təmsil edəcəyəm”.
Kamran onu da vurğuladı ki, başqa ölkənin vətəndaşının Rumıniyada siyasətə qatılması nadir hallardan sayılır: “Burada ətrafım genişlənir və suriyalı Bashar Molhemi də tanımağa başlamışam. O bu ilki seçimlər nəticəsində Bələdiyyədə sədr müavini seçilib. Hazırda mən sözügedən partiyada sadəcə üzv kimi fəaliyyət göstərəm və bu nəaliyyəti əldə etmək xarici bir vətəndaş üçün çox çətindir. Maraq üçün deyim ki, hər çərşənbə günləri bizim iclaslarımız baş tutur müəyyən məsələləri müzakirə edirik. Bu partiyada 1 suriyalı, 1 italyan var. Ancaq tək azərbaycanlı mənəm. Çalışacağam Azərbaycan adına bəzi işlər görəm”.
Tural




 
Bölməyə aid digər xəbərlər
21.11.2018
İspaniyada intensiv yağıntılar nəticəsində ölən və itkin düşənlər var
20.11.2018
Qətərdə regionun ultramüasir klinikası açılıb
19.11.2018
Putin:“Türk axını” tamamlandıqdan sonra Rusiya-Türkiyə enerji əməkdaşlığı daha da güclənəcək”
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 Eldar Əzizov Bakı Şəhər İcra Hakimiyyətinin başçısı təyin edildi
5 Abel Məhərrəmov BDU-nun rektoru vəzifəsindən azad edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info