Pakistan “Şimal-Cənub” nəqliyyat dəhlizinə maraq göstərir
Tarix: 15.10.2016 | Saat: 00:22:00 | E-mail | Çapa göndər


İqtisadiyyat naziri Şahin Mustafayev Pakistan İslam Respublikasının Baş naziri Məhəmməd Nəvaz Şərifin ölkəmizə səfəri çərçivəsində nümayəndə heyətində təmsil olunan, Pakistanın Baş nazirinin xarici işlər üzrə xüsusi müşaviri Said Tariq Fatemi ilə keçirdiyi görüşdə Azərbaycan iqtisadiyyatı barədə məlumat verilib, nəqliyyat və tranzit imkanlarına dair təqdimat keçirilib, iqtisadi sahədə əməkdaşlığın genişləndirilməsi imkanları müzakirə edilib.
İqtisadiyyat Nazirliyindən bildirilib ki, nazir Şahin Mustafayev Azərbaycan və Pakistan arasında əlaqələrin yüksək səviyyədə olduğunu, əməkdaşlığın müxtəlif sahələrdə, o cümlədən iqtisadi sahədə uğurla davam etdiyini vurğulayıb. Qeyd olunub ki, “Şərq-Qərb” və “Şimal-Cənub” nəqliyyat dəhlizlərinin kəsişməsində yerləşən Azərbaycan əlverişli geostrateji mövqeyə və tranzit imkanlarına malikdir. Azərbaycanda müasir standartlara cavab verən nəqliyyat infrastrukturu yaradılıb, ölkəmiz Bakı-Tbilisi-Ceyhan boru kəmərinin və bu yaxınlarda istifadəyə veriləcək Bakı-Tbilisi-Qars dəmir yolu layihəsinin fəal iştirakçısıdır. Hazırda “Şimal-Cənub” və “Şərq-Qərb” nəqliyyat dəhlizlərinin inkişafı istiqamətində işlər davam etdirilir. “Şimal-Cənub” nəqliyyat dəhlizinin digər alternativ dəhlizlərdən üstünlüyü barədə danışan Şahin Mustafayev bildirib ki, dəhlizin önəmli həlqələrindən olan Astara çayı üzərində dəmir yolu körpüsünün və Azərbaycanda 8,3 kilometrlik dəmir yolu xəttinin tikintisi 2016-cı ilin sonunadək yekunlaşdırılacaq. Bakı Beynəlxalq Dəniz Ticarət Limanı Azərbaycanın tranzit imkanlarının reallaşdırılması baxımından əhəmiyyətlidir. Hazırda limanın ərazisi də daxil olmaqla azad ticarət zonası tipli xüsusi iqtisadi zona yaradılır. Bu yaxınlarda Ələt Azad Ticarət Zonasına məsləhət xidmətinin göstərilməsinə dair Birləşmiş Ərəb Əmirliklərinin şirkəti ilə müqavilə imzalanıb. Nazir görülən tədbirlərin Azərbaycanın beynəlxalq əhəmiyyətli nəqliyyat qovşağı kimi rolunu daha da artırdığını, ölkəmizin tranzit imkanlarını genişləndirdiyini vurğulayıb, Pakistanın “Şimal-Cənub” nəqliyyat dəhlizinin və Bakı Beynəlxalq Dəniz Ticarət Limanının imkanlarından yararlana biləcəyini diqqətə çatdırıb. Pakistanın Baş nazirinin xarici işlər üzrə xüsusi müşaviri Said Tariq Fatemi Pakistan-Azərbaycan iqtisadi əlaqələrinin inkişaf etdiyini bildirib, ölkəsinin nəqliyyat infrastrukturu barədə məlumat verib. Said Tariq Fatemi Pakistanın “Şimal-Cənub” nəqliyyat dəhlizinə maraq göstərdiyini vurğulayıb. Görüşdə Azərbaycan və Pakistan arasında əczaçılıq, turizm, kənd təsərrüfatı, ticarət və s. sahələrdə əməkdaşlıq perspektivləri, eləcə də qarşılıqlı maraq doğuran digər məsələlər müzakirə edilib.
Anar




 
Bölməyə aid digər xəbərlər
22.05.2019
Prezident Administrasiyasının işçiləri bölgələrdə vətəndaşların müraciətlərini dinləyiblər
22.05.2019
Azərbaycan təbii qazını Bolqarıstana çatdıracaq Yunanıstan-Bolqarıstan İnterkonnektorunun inşasına başlanılıb
22.05.2019
Prezident Mərkəzi Parkın açılışında iştirak edib
22.05.2019
Ərdoğan: “Azərbaycanın qazandığı böyük uğurlar Türkiyə üçün də qürur mənbəyidir”
22.05.2019
Avroliqanın final oyunu ilə əlaqədar banklar gücləndirilmiş iş rejimində fəaliyyət göstərəcək

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10784

1 “İş yerlərində təhlükəsiz əmək şəraiti yaratmaq lazımdır”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 Üç müharibə iştirakçısı olan general-mayor
4 Oqtay Zülfüqarovun uşaq mahnıları müasir aranjemanda səslənəcək
5 Şuranın dəstəyilə 13 saylı orta məktəbdə “Diaspor dərsi” keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info