Ağdamda ermənilərin dağıtdığı evlərin hamısı bərpa edilib
Tarix: 17.10.2016 | Saat: 15:03:00 | E-mail | Çapa göndər


Cari ilin doqquz ayında Ağdam rayonu üzrə ümumi məhsul istehsalının həcmi 98,8 milyon manat olub. Bu, 2015-ci ilin müvafiq dövrü ilə müqayisədə 4,2 milyon manat və ya 4,5 faiz çoxdur. Hesabat dövründə 7,4 milyon manatlıq sənaye, 73,8 milyon manatlıq kənd təsərrüfatı məhsulları istehsal edilib, 6,5 milyon manatlıq tikinti-quraşdırma işləri həyata keçirilib.
Bu barədə Ağdam rayonunun Quzanlı qəsəbəsində 2016-cı ilin doqquz ayının sosial-iqtisadi inkişafının yekunlarına həsr olunmuş yığıncaqda məlumat verilib.
Rayon icra hakimiyyətinin başçısı Raqub Məmmədov hesabat məruzəsi ilə çıxış edərək bildirib ki, cari ildə rayonda tikinti-quruculuq və abadlıq işləri davam etdirilib. Quzanlı qəsəbəsində kənd təsərrüfatı idarəsinin binası istifadəyə verilib, mərkəzi meydanda, ağsaqqallar evində, Yeni Azərbaycan Partiyası rayon təşkilatının binasında yenidənqurma işləri aparılıb, Heydər Əliyev Mərkəzinin və Bayraq Muzeyinin tikintisi başa çatıb. Hazırda Ağdam Rayon İcra Hakimiyyətinin binasında yenidənqurma işləri davam etdirilir. Rayonda xalçaçılıq müəssisəsinin və Mədəniyyət mərkəzinin tikintisi üçün hazırlıq görülür.
Diqqətə çatdırılıb ki, erməni silahlı qüvvələrinin apreldə artilleriya atəşləri nəticəsində rayonda dağılmış mülki əhaliyə məxsus evlərin bərpası başa çatıb. Tikinti, bərpa və təmir işləri Prezident İlham Əliyevin “Erməni silahlı qüvvələrinin Ağdam və Tərtər rayonlarını intensiv atəşə tutması nəticəsində mülki əhaliyə dəymiş ziyanın aradan qaldırılması ilə bağlı tədbirlər haqqında” 2016-cı il 2 may tarixli Sərəncamına əsasən aparılıb. Tamamilə dağılmış 8 ev yenidən tikilib, 15 ev bərpa edilib, 27 ev əsaslı, 401 ev isə cari təmir olunub.
Aqrar sahədə görülən işlərdən danışılarkən diqqətə çatdırılıb ki, Prezident İlham Əliyevin respublikada kənd təsərrüfatının, o cümlədən pambıqçılığın və baramaçılığın inkişafı, yerli istehsalın artırılması, əhalinin məşğulluğunun yüksəldilməsi barədə verdiyi tapşırıqların icrası istiqamətində rayonda bir sıra tədbirlər görülüb. Cari ildə 2450 kiloqram barama, 57 min 569 ton taxıl, 39 min 528 ton tərəvəz, 7607 ton kartof, 992 ton meyvə istehsal edilib. Rayon ərazisində 551 hektar sahədə pambıq əkilib. Hazırda tarlalarda pambıq yığımı davam edir.
Yığıncaqda əhalinin təbii qaz, elektrik enerjisi, rabitə və digər xidmətlərlə təminatının yaxşılaşdırılması istiqamətində görülən işlərdən, təhsil, mədəniyyət, səhiyyə sahələrindəki vəziyyətdən də ətraflı bəhs edilib, mövcud problemlərə toxunulub, onların həllindən və qarşıda duran vəzifələrdən danışılıb.
Tural




 
Bölməyə aid digər xəbərlər
06.06.2020
“40 yaşlı xəstəmizi itirdik, koronavirus artıq yaşa baxmır“ - VIDEO
06.06.2020
Azərbaycanda işləyən dövlət qurumlarının siyahısı
05.06.2020
Azərbaycanda daha 338 nəfər koronavirusa yoluxdu, 134 nəfər sağaldı, 4 nəfər öldü
05.06.2020
Masallıda onlayn qaydada keçirilən “şeir” müsabiqəsinə yekun vuruldu
05.06.2020
İcaze.e-gov.az portalının fəaliyyəti yenidən aktiv edildi

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 “Tez bir zamanda mükəmməl təhsil sisteminə malik dövlətlərdən biri olacağıq”
2 Möcüzələr adası və bir az da vahiməli məkan-VİDEO
3 “Türkiyə-Almaniya-Azərbaycan dostluğunu gücləndirmək üçün çalışırıq”
4 Uşaqların layiqli vətəndaş kimi formalaşması prioritet istiqamətdir Azərbaycanda uşaq hüquqlarının müdafiəsi: inkişaf və perspektivlər
5 “Kolizey“ yenidən ziyarətçiləri qəbul etməyə başladı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info