Qvardiola “Nou Kamp”a qonaq gəlir
Tarix: 17.10.2016 | Saat: 23:45:00 | E-mail | Çapa göndər


Bu gün Çempionlar Liqasında (ÇL) III turun həyəcanına start veriləcək. İlk oyun günündə E, F, G və H qruplarının matçları baş tutacaq. E qrupunda ilk 2 turdan sonra aktivində 4 xal olan və turnir cədvəlinə başçılıq edən “Monako” səfərdə MOİK-in qonağı olacaq.
Qrupun digər matçı olan “Bayer” - “Tottenhem” görüşünün daha gərgin keçəcəyi istisna deyil. İlk 2 turdan sonra “Bayer”in hesabında 2, “Tottenhem”in aktivində isə 3 xal var. Qalib gələn tərəf digər görüşün nəticəsindən asılı olaraq, liderliyi ələ keçirə bilər. F qrupunda Madrid “Real”ını asan oyun gözləyir. “Legiya”nı qəbul edəcək “kral klubu”nun bu görüşdə rahat qələbə qazanacağı ehtimal olunur. Zinəddin Zidanın komandası “Betis”lə çempionat matçında olduğu kimi, yenə azarkeşlərini bol qollu qələbə ilə sevindirmək arzusundadır. “Real”la birlikdə 4 xal toplayan “Borussiya” isə Portuqaliyaya səfər edəcək. Belə ki, dortmundlular ötən tur “qalaktikos”un çətinliklə məğlub etdiyi “Sportinq”in qonağı olacaqlar. Son İngiltərə çempionu “Lester” ÇL-dəki növbəti görüşünü “Kopenhagen”ə qarşı keçirəcək. İlk 2 oyunda qələbə qazanan “tülkülər” uğurlu seriyanı danimarkalılarla matçda da davam etdirmək arzusundadılar. G qrupunun digər oyununda isə “Brügge” və “Porto” üz-üzə gələcək. H qrupunda “Yuventus”u çətin Fransa səfəri gözləyir. “Qoca sinyora” “Lion”la qarşılaşmadan 3 xalla ayrılmaq üçün xeyli tər tökməlidi. Digər görüşdə isə “Sevilya” Zaqrebdə yerli “Dinamo” ilə qarşılaşacaq. İkinci oyun günündə A, B, C və D qruplarında III turun oyunları keçiriləcək. A qrupunda “Arsenal”ın “Ludoqorets”, PSJ-nin isə “Bazel”lə matçda çətinliklə üzləşəcəyi inandırıcı görünmür. Türkiyənin ÇL-dəki yeganə təmsilçisi olan “Beşiktaş”ı ağır İtaliya səfəri gözləyir. “Qara qartal” ilk 2 oyunda heç-heçə edərək, hələ ki, qələbə qazana bilməyib. “Napoli” ilə oyunda bu istəyi həyata keçirmək isə İstanbul təmsilçisinə asan başa gəlməyəcək. Qrupun digər görüşündə Kiyev “Dinamo”su “Benfika”nı qəbul edəcək. Turun mərkəzi qarşılaşması C qrupunda baş tutacaq. Belə ki, itkisiz irəliləyən “Barselona” öz meydanında “Mançester Siti” ilə üz-üzə gələcək. Bu isə o deməkdi ki, “şəhərlilər”in çalışdırıcısı Xosep Qvardiola yenidən rəqib qismində “Nou Kamp”a ayaq basacaq. Qvardiolaya sabiq klubu “Bavariya”nın baş məşqçisi kimi də adıçəkilən arenaya qonaq qismində çıxmaq qismət olub. Digər qarşılaşmada isə “Seltik” Mönhenqladbax “Borussiya”sını qəbul edəcək. D qrupunun lideri “Atletiko” “Rostov”un qonağı olacağı halda, “Bavariya” öz meydanında “PSV Eyndhoven”i sınağa çəkəcək.




 
Bölməyə aid digər xəbərlər
15.11.2018
Bakıda Ümumdünya Antidopinq Agentliyinin iclası keçirilir
15.11.2018
“Real“dan ilk transfer
14.11.2018
Sumqayıtda IV Uşaq Paralimpiya İdman Oyunlarının açılış mərasimi keçirilib
14.11.2018
“London-2018”: Maqnus Karlsen və Fabiano Karuanadan növbəti heç-heçə
13.11.2018
Aşihara karateçilərimiz dünya çempionatında 8 medal qazanıblar

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10481

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info