Azərbaycan məhsullarının elektron satışını təşkil edəcək saytlara ehtiyac var
Tarix: 18.10.2016 | Saat: 00:13:00 | E-mail | Çapa göndər


Belə saytlar istehlakçıların bazarları gəzmədən təzə və təbii məhsulu birbaşa istehsalçıdan almasını təmin edir

Ölkəmiz meyvə və tərəvəz istehsalında çox əhəmiyyətli bir potensiala malikdir. İqlim xüsusiyyətlərinə görə, bir çox Qərb ölkəsində yetişməyən meyvə və tərəvəz növləri, yurdumuzda ən təbii şəkildə, bol miqdarda yetişir.
Bu gün dünya meyvə istehsalı təxminən 500 milyon ton, tərəvəz istehsalı təxminən 700 milyon tondur. Qonşu Türkiyə isə meyvə istehsalında dünyada doqquzuncu, tərəvəz istehsalında isə dördüncü yerdədir. İstehsalçılarımız əsrlərdir nəsildən - nəslə keçməklə bu meyvə və tərəvəz istehsalında böyük təcrübə əldə ediblər. Bununla yanaşı, az xərclə keyfiyyətli məhsul əldə etmək və istehsal miqdarını artırmaq üçün davamlı işlər aparılır. Daxili və xarici bazardakı rəqabət, keyfiyyəti daha da artırmağı, ən yaxşını, ən gözəl şəkildə və uyğun qiymətlə bazara təqdim etməyi tələb edir. Qablaşdırma zamanı bağlarda və tarlalarda toplanan məhsullar təmizlənir, qablaşdırılır, uyğun şəkildə saxlanılaraq istehlakçıya təqdim edilir.
Bununla yanaşı, bu gün dünyada internetdə təzə, təbii meyvə və tərəvəz məhsullarının satışı ilə məşğul olan e-ticarət saytlarının sayı gündən-günə artır. Təbii şərtlərdə yetişdirilən məhsulları şəhərlərdəki istehlakçıya praktik bir şəkildə çatdıran bu platformalar təxmin ediləndən daha çox maraq görməkdədir. Bu saytlar, istehlakçıların yorucu bir iş gününün ardından bazarları gəzməyə gərək qalmadan ən təzə və təbii məhsulu birbaşa istehsalçıdan almasını təmin edir. Təbii və mövsümündə yetişdirilən meyvə-tərəvəzi tarladan yığdıqdan və ya istehsalçıdan aldıqdan yalnız bir gün sonra istehlakçının qapısına qədər gətirir. İstehsalçılar, mövsümünə görə fərqli bölgələrdən seçilir. Bu gün ABŞ və Avropada başda “Amazon” olmaq üzrə bir çox sayt, internet üzərindən meyvə-tərəvəz satışı aparır. Dünyada bu kateqoriyadakı ilk nümunə “Webvan.com” olub. Bundan başqa, “Hellofresh.com”, “Dinnr.co.uk”, “Blueapron.com”, “Farmingo.com” dünyada bu seqmentdə satış aparan saytlar arasında yer alır. Türkiyədə də bu sahədə mövcud bir sıra saytlarla yanaşı, istehlakçıya birbaşa xidmət edən bir başqa sahə olaraq B2B, yəni müəssisələrə istiqamətli qida tədarükü xidməti verən internet şirkətləri də var.
Bu istiqamətdə fəaliyyəti daha da artırmaq məqsədilə Türkiyədə yaş meyvə və tərəvəz sektoru, "virtual marketinq" hücumu başladıb. Ege Yaş Meyvə Tərəvəz İxracatçıları Birliyi, 300 üzvünün məlumatını, virtual bazar olan “aegeanfreshness.com” ünvanında yayımlayacaq. Birlik sədri Rza Səyyar, 170 ölkənin süfrələrini Ege bölgəsindən gedən meyvə, tərəvəz məhsullarının bəzədiyini, bu internet saytı ilə ölkə sayını və ixrac rəqəmini artırmağı hədəflədiklərini qeyd edib. Qeyd edək ki, bu gün ölkəmizdə də meyvə və tərəvəz satışı ilə bağlı yeniliklərin tətbiqinə çalışırıq. Bu istiqamətdə atılan addımlardan biri kimi məhsul sahibindən istehlakçıya təqdimat ilk addımdır. Digər tərəfdən soyuducu anbarların yaradılması da məhsulların qorunub saxlanılaraq istehlakçıya çatdırmağa imkan verir. Eyni zamanda bu məhsulların ixracını daha da artırmağa imkan verir. Bu gün bir faktdır ki, biz öz məhsullarımızın xarici bazarlara çıxarılmasına, brendə çevrilməsinə çalışırıq. Hazırda bu sahədə dünyada tətbiq olunan üsullardan biri də məhz internet saytlarıdır. Bununla məhsullarımızı nəinki ölkə daxilində, eləcə də xaricdəki alıcıya tanıda bilərik. Bunun üçün isə bu sahədə saytların fəaliyyətinə ehtiyac var.
Nigar Abdullayeva




 
Bölməyə aid digər xəbərlər
20.09.2019
Azərbaycanın idxal-ixracında əsas məhsulların və tərəfdaş ölkələrin siyahısı
19.09.2019
Orxan Məmmədov: Yaxın müddətdə KOB-lar üçün yeni dəstək mexanizmləri işə düşəcək
19.09.2019
Azranking.az portalının “Rəqəmsal Təqvim” elektron sistemi istifadəyə verilib
19.09.2019
Azərbaycan-Çin ticarət dövriyyəsi 1,3 milyard dollara çatıb
19.09.2019
Nazir: “TANAP-la indiyədək 2,5 milyard kubmetrdən çox təbii qaz göndərilib”

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10888

1 В Великобритании перешли на систему образования СССР
2 Vilayət Eyvazov sərəncamda olan rəisə vəzifə verdi
3 “Siyasi partiyaların bir araya gəlməsi müsbət qiymətləndiriləsi hadisədir”
4 Gömrükçülər 2 milyon manatlıq dərman preparatları aşkarlayıblar
5 “Bəzi belarus tələbə qızlar artıq Azərbaycana gəlin köçməyə hazırlaşırlar”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info