Şimali Kiprdə Gənclər Forumunun açılışı olub
Tarix: 18.10.2016 | Saat: 18:24:00 | E-mail | Çapa göndər


Şimali Kiprin Girnə şəhərində Türk Dünyası Həmrəylik Dərnəyinin və Azərbaycan-Kipr Dostluq Cəmiyyətinin birgə təşkilatçılığı ilə Türk dünyası birinci Gənclər Forumunun rəsmi açılış mərasimi keçirilib.
Türkiyənin İstiqlal marşının oxunması ilə başlayan Forumun açılışında rəsmi şəxslər, deputatlar, QHT və KİV təmsilçiləri olmaqla 300 nəfər iştirak edib.
“Dildə, fikirdə, işdə birlik!” devizi altında keçirilən Forumun rəsmi açılışında Şimali Kiprin maliyyə naziri Serdar Denkdaş, Türkiyə Baş nazirinin müavini Toğrul Türkeş, Azərbaycan Prezidenti Administrasiyasının ictimai-siyasi məsələlər şöbəsinin gənclər təşkilatları ilə iş sektorunun müdiri Vüsal Quliyev və digər rəsmi şəxslər çıxış ediblər.
Türk dünyası gənclərinin Şimali Kiprdə toplanmasını tarixi hadisə kimi dəyərləndirən maliyyə naziri Serdar Denkdaş əminliklə qeyd edib ki, Forum dünyada sülhün və sabitliyin yaranması, türkdilli xalqlar və ölkələr arasında həmrəyliyin gücləndirilməsi üçün ciddi çağırışlar edəcək.
Türkdilli gənclər arasında əməkdaşlıq əlaqələrinin genişləndirilməsinin əhəmiyyətindən danışan Türkiyə Baş nazirinin müavini Toğrul Türkeş bildirib ki, ölkəsi bütün cəmiyyətlərdə aparıcı qüvvə olan gənclərin Şimali Kiprdə bir araya gəlməsinə böyük önəm verir.
Türk Dünyası birinci Gənclər Forumunun rəsmi açılışının Azərbaycanın dövlət müstəqilliyinin bərpasının 25-ci ildönümü gününə təsadüf etdiyini deyən Azərbaycan Prezidenti Administrasiyasının ictimai-siyasi məsələlər şöbəsinin gənclər təşkilatları ilə iş sektorunun müdiri Vüsal Quliyev ölkəmizin sürətli inkişafı, respublika həyatında gənclərin rolu, gənclər siyasətinin əlamətdar nəticələri barədə məlumat verərək Forumun işinə uğurlar arzulayıb.
Çıxışlarda Türk dünyası gənclərinin qarşılarında duran vəzifələrə toxunulub, onların birliyi, qarşılıqlı faydalı əməkdaşlığı naminə mühüm çağırışlar səsləndirilib.
Xatırladaq ki, 24 ölkədən 200-ə yaxın xarici qonağın iştirakı ilə keçirilən Forumda Azərbaycan rəsmi şəxslərin, o cümlədən Milli Məclisin deputatlarının da daxil olduğu geniş tərkibli nümayəndə heyəti ilə təmsil olunur.
Forum çərçivəsində Şimali Kiprin ayrı-ayrı şəhərlərində “Azərbaycanın dövlət müstəqilliyi günü”, “Kipr türk mədəniyyət gecəsi” mövzularında, o cümlədən birlik və həmrəyliyə dair panel iclasları, kitab sərgisi və digər mədəni tədbirlər təşkil olunacaq.
Mahmud




 
Bölməyə aid digər xəbərlər
18.04.2019
Yeni turizm mövsümü başlayır: Bu ilin üç ayında Azərbaycana 157 ölkədən ziyarətçi gəlib
18.04.2019
“Bakcell” Formula 1 Azərbaycan Qran Prisinin ilk rəsmi dəstəkçisi oldu
18.04.2019
Ad günün mübarək, şəhidim!
18.04.2019
Yanğından zərər çəkmiş sahibkarlara dəstək: 345 sahibkar mallarını ticarət mərkəzindən çıxarıb
18.04.2019
“İrəli” İctimai Birliyinin “Aprel Zəfəri”nə həsr etdiyi layihə davam edir

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10749

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Milli mədəniyyətimizin fədakar tədqiqatçısı və təmsilçisi Babək Qurbanov haqqında
5 Rusiya Prezidenti Krasnoyarskdakı Azərbaycan diaspor rəhbərini təltif edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info