Həkimlərin işə qəbulu üzrə imtahan keçirilib
Tarix: 28.03.2013 | Saat: 22:19:00 | E-mail | Çapa göndər


Dünən Azərbaycanda ilk dəfə olaraq həkimlərin mərkəzləşdirilmiş qaydada işə qəbulu üzrə imtahan keçirildi. Səhiyyə Nazirliyinin Sertifikasiya Komissiyasında təşkil olunan qəbul imtahanında iştirak etmək üçün həkimlərin sənədlərinin qəbulu fevralın 18-dən martın 19-dək aparılıb. Bir ay ərzində 2000-dən çox vakant yerdən yalnız 100-nə 150 nəfər sənəd verib. Azərbaycanda ilk dəfə olaraq keçirilən həkimlərin mərkəzləşdirilmiş qaydada işə qəbulu üzrə imtahan 2 gün təşkil olunacaq. İlk imtahan dünən baş tutub, digəri isə aprelin 2-də keçiriləcək.
Səhiyyə Nazirliyinin mətbuat xidmətinin rəhbəri Anar Qədirli jurnalistlərə açıqlamasında bildirdi ki, bu gün keçirilən ilk imtahanda 100 vakansiya uğrunda 27 ixtisas üzrə 110 nəfər namizəd mübarizə aparıb. Onun sözlərinə görə, digər namizədlər isə aprelin 2-də keçirilən imtahanda iştirak edəcək: “İmtahanda iştirak etmək üçün ən çox sənəd verilən ixtisaslar arasında pediatriya üstünlük təşkil edib. İşə qəbul olmaq istəyən namizədlərin çoxu Bakı şəhərində işləmək istəyir. Birinci mərhələdə test imtahanı zamanı namizədlər ümumilikdə 50 suala cavab verəcəklər ki, bunun da 40-ı sırf ixtisasla, 10-u isə müvafiq qanunvericiliklə bağlı olacaq. Bu gün keçirilən imtahanın nəticələri yaxın saatlarda açıqlanacaq. Test imtahanında uğur qazanacaq namizədlər müsahibə mərhələsinə buraxılacaqlar. Zamanla yeni vakansiyalar yarandıqca isə hər bir aydan bir imtahanların keçirilməsi planlaşdırılır. Belə ki, hər ay ərzində sənədlər toplanacaq və ayda bir dəfə imtahanlar keçiriləcək”. Qeyd edək ki, bu ildən etibarən “Korrupsiyaya qarşı mübarizəyə dair 2012-2015-ci illər üçün Milli Fəaliyyət Planı”nın icrası ilə bağlı Səhiyyə Nazirliyi Kollegiyasının 18 yanvar 2013-cü il tarixli 3 nömrəli qərarına əsasən Səhiyyə Nazirliyinin tabeçiliyində olan tibb müəssisələrində vakant elan edilmiş yerlərə həkimlərin işə qəbulu mərkəzləşdirilmiş qaydada aparılır.
Nəhayət, dünən günorta saatlarında imtahanın nəticələri açıqlandı. Səhiyyə Nazirliyinin məlumatına görə, həkimlərin işə qəbulu ilə bağlı nəticələr saat 14:00-dan Sertifikasiya Komissiyanın binasında yerləşən monitorda asılıb. İşə qəbul olmaq istəyən namizədlər öz nəticələrini imtahan verdikləri Sertifikasiya Komissiyanın binasında yerləşən monitordan əldə edə bilərlər.

Nigar ABDULLAYEVA




 
Bölməyə aid digər xəbərlər
20.01.2019
Milli Şura Şəhidlər Xiyabanında qarşıdurma yaratdı
18.01.2019
Ağsu dolayları qardan təmizlənsə də, gecə yollar buz bağlaya bilər
18.01.2019
Qərargah: Bakıda küləyin sürəti 43 metr/saniyəyə çatdı
17.01.2019
Ən faydalı on göyərti
17.01.2019
Elektrik enerjisinin verilişində ciddi problem yaranmayıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info