Nazir Qobustanda özünüməşğulluq proqramı iştirakçıları ilə görüşüb
Tarix: 21.10.2016 | Saat: 21:26:00 | E-mail | Çapa göndər


Qobustan rayonunda vətəndaşların fərdi qəbulunu keçirən əmək və əhalinin sosial müdafiəsi naziri Səlim Müslümov rayonda özünüməşğulluq proqramı üzrə həyata keçirilən təlim prosesi ilə də tanış olub, təlimə cəlb edilmiş sakinlərlə görüşüb.

Nazirliyin İctimaiyyətlə əlaqələr şöbəsindən verilən məlumata görə, S. Müslümov "Əhalinin özünüməşğulluğunun təmin olunması sahəsində əlavə tədbirlər haqqında" sərəncamın ilk dəfə olaraq ölkəmizdə dövlət səviyyəsində özünüməşğulluq proqramının həyata keçirilməsinə əsas yaratdığını vurğulayıb: "Sərəncamın icrası istiqamətində məqsədyönlü işlər görülür. Özünüməşğulluq proqramında iştirak etmək üçün müraciət edən işaxtaran və işsiz vətəndaşların şəxsi biznesin qurulması ilə bağlı zəruri bilik və bacarıqlara malik olmaları məqsədilə hazırda iki aylıq təlim kursları aparılır. Bu təlim kursları Beynəlxalq Əmək Təşkilatının (BƏT) təqdim etdiyi təlim proqramları əsasında və BƏT-in baş təlimçisinin iştirakı ilə hazırlanaraq sertifikatla təmin olunmuş təlimçilər tərəfindən həyata keçirilir".
 
Nazir bildirib ki, işaxtaran və işsiz vətəndaşlar üçün özünüməşğulluq üzrə təşkil olunmuş təlim kurslarından bir hissəsi artıq növbəti ayın ilk günlərində  yekunlaşacaq: "Həmin kursları bitirən şəxslər özünüməşğulluq fəaliyyəti üçün seçdikləri fəaliyyət sahələri üzrə hazırladıqları biznes-planları keçiriləcək imtahanlarda müdafiə etməlidirlər. İmtahanlar zamanı uğurlu biznes-planlara sahib olan vətəndaşlar  müəyyən ediləcək, onların özünüməşğulluq fəaliyyətinin mal və materiallar formasında dəstəklənməsi üçün tədbirlər görüləcək. Özünüməşğulluq fəaliyyəti qurduqdan sonra da onlara biznesin idarə edilməsi və inkişafı ilə bağlı müvafiq məsləhətlərin verilməsi təmin ediləcək. Yəni bütün səylər ona yönələcək ki, onlar öz ailələri üçün uğurlu biznes qura bilsinlər".

S. Müslümov Qobustan rayonu üzrə də özünüməşğulluq proqramında iştirak etmək üçün müraciət edən işaxtaran və işsiz vətəndaşlar üçün cari il oktyabrın 2-dən təlim kursuna başlanıldığını bildirib. Bu kursda hazırda 6 nəfər rayon sakini aidiyyəti bilik və bacarıqlara yiyələnir. Nazir təlim kursunun iştirakçılarının aparılan təlim prosesi, gələcəkdə hansı sahələrdə biznes qurmaq fikrində olduqları ilə maraqlanıb. İştirakçılar təlim prosesindən razı qaldıqlarını, burada biznesin təşkili ilə bağlı zəruri bilik və bacarıqlara yiyələndiklərini, özünüməşğulluq fəaliyyəti göstərmək istədikləri sahələri (maldarlıq, plastik qapı-pəncərə hazırlanması, qaynaqçılıq və s.) qeyd ediblər.
 
Təlim kursunda olan sakinlər gələcəkdə dövlətin dəstəyindən layiqli şəkildə faydalanaraq, uğurlu ailə bizneslərini qurmaq əzmində olduqlarını, bunun üçün səylərini daim artıracaqlarını vurğulayıblar.
 


Tural




 
Bölməyə aid digər xəbərlər
21.11.2018
Sağlamlıq imkanları məhdud gənc yazar Azərbaycan Gənclərinin VIII Forumunda çıxış edib
21.11.2018
“ASAN Məktub” layihəsinin üç yaşı qeyd olunub
21.11.2018
Oğuzun Muxas kəndinə təbii qaz verilib
21.11.2018
PAŞA Bank sərfəli şərtlərlə ipoteka krediti təklif edir
21.11.2018
Azərbaycanda qızları olan ailələrlə bağlı yeni təkliflər

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 Eldar Əzizov Bakı Şəhər İcra Hakimiyyətinin başçısı təyin edildi
5 Abel Məhərrəmov BDU-nun rektoru vəzifəsindən azad edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info