Bakı Ali Neft Məktəbi İtaliyanın Maire Technimont şirkəti ilə əməkdaşlıq edəcək
Tarix: 21.10.2016 | Saat: 21:36:00 | E-mail | Çapa göndər


Bakı Ali Neft Məktəbində BANM və İtaliyanın Maire Technimont Qrupu ilə əməkdaşlıq haqqında razılaşma imzalandı. Tədbirdə Maire Tecnimont Qrup Şirkətinin birinci vitse prezidenti Gianni Bardazzi, Maire Tecnimont Qrupun podratçısı Kinetics Technology şirkətinin Bakıdakı nümayəndəliyinin rəhbəri Nikolo Heilpern, o cümlədən şirkətin Azərbaycandakı nümayəndəliyinin əməkdaşları, İtaliyanın Azərbaycandakı səfiri Campaolo Kutilyo, BANM-in rəhbərliyi, professor-müəllim heyəti və tələbələri iştirak edirdilər.
BANM-in rektoru Elmar Qasımov qonaqları salamlayaraq Ali Məktəblə sözügedən şirkət arasında əldə olunan razılaşmanın BANM-də yüksək ixtisaslı mütəxəssislərin hazırlanmasını təmin etmək üçün maddi-texniki, elmi-metodiki və təşkilati tədbirlərin həyata keçirilməsi məqsədi daşıdığını bildirdi. O, dedi ki, bu əməkdaşlıq sayəsində BANM-in tələbələri şirkətin təşkil etdiyi təcrübə proqramlarında iştirak imkanı qazanacaqlar. Eyni zamanda, Elmar Qasımov şirkətin dəstəyi ilə BANM-in kampusunda ixtisaslaşdırılmış tədris laboratoriyasının yaradılmasının da nəzərdə tutulduğunu vurğuladı.
Maire Tecnimont Qrup Şirkətinin birinci vitse prezidenti Gianni Bardazzi və Maire Tecnimont Qrupun podratçısı Kinetics Technology şirkətinin Bakıdakı nümayəndəliyinin rəhbəri Nikolo Heilpern təmsil etdikləri şirkət haqqında geniş təqdimatla çıxış etdilər və şirkətin müvafiq sahələrdə BANM-lə əməkdaşıq imkanlarından söz açdılar.
Sonra tərəflər arasında əməkdaşlıq haqqında razılaşma imzalandı.
Qeyd edək ki, İtaliyanın “Maire Tecnimont S.p.A” (Mare Teknimont) şirkətlər qrupu mühəndislik, tikinti, texnologiyalar, lisenziyalaşdırma, energetika və karbohidrogenlər sahəsidə ixtisaslaşmış aparıcı şirkətlərdəndir. Milan Fond Birjasında yer alan bu şirkət 30-dan artıq ölkədə nümayəndəliyə malikdir, 45-dən artıq şirkətə nəzarət edir, ştatı isə təxminən 4900 nəfərdən ibarətdir. Şirkət həmçinin müştərilərini müxtəlif növlü zavodların tikintisi üçün xüsusi texnologiyalarla təmin edir. Maire Techimont Qrupu beynəlxalq müştərilərinə neft-qaz, neft-kimya və gübrə sənayeləri üçün mühəndislik və tikinti üzrə kompleks xidmətlər təklif edir.
5 fevral 2016-cı il tarixində SOCAR beynəlxalq seçmə müsabiqəsi nəticəsində "Maire Tecnimont" şirkəti ilə Yüksək Sıxlıqlı Polietilen zavodu layihəsinin həyata keçirilməsi çərçivəsində mühəndislik, təchizat və tikinti üzrə müqavilə imzalanıb. Şirkətlər Qrupu Azərbaycanda KT - KINETICS TECHNOLOGY (Kinetiks Teknoloci) şirkəti vasitəsi ilə fəaliyyət göstərir. Bu şirkət mühəndislik, təchizat və tikinti xidmətləri göstərir və əsasən karbohidrogenlərin emalı sənayesi üzrə ixtisaslaşmışdır. Əsasən kükürd emalı, qaz, hidrogen və sintetik qazların emalı, texnoloji qurğular, qızdırıcılar sahəsində təcrübəyə malikdir.




 
Bölməyə aid digər xəbərlər
18.09.2018
Prezident İlham Əliyev: Bakı-Astara magistral yolunun açılışı tarixi layihədir, Azərbaycanın imkanını göstərir
18.09.2018
Prezident: Bir neçə gün əvvəl əsgərlərimiz düşmənə elə dərs veriblər ki, çətin ki yaxın günlərdə özünə gəlsin
18.09.2018
Bu il Azərbaycana 193 ölkədən 1,9 milyon əcnəbi və vətəndaşlığı olmayan şəxs gəlib
18.09.2018
Ağsuda dini ayinlərin qanunazidd icrası faktı aşkarlanıb
18.09.2018
Aeroportda mülki pilotsuz aparatların uçuşlarına Vahid Nəzarət Mərkəzi yaradılır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10118

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info