“Cibuti Azərbaycanla münasibətlərə böyük önəm verir”
Tarix: 25.10.2016 | Saat: 15:45:00 | E-mail | Çapa göndər


Oktyabrın 23-də Azərbaycanın Efiopiyadakı səfiri Elman Abdullayev Cibuti Respublikası parlamentinin spikeri Məhəmməd Əli Huməd ilə görüşüb.
Səfirliyin yaydığı məlumata görə, görüşdə səfir E.Abdullayev spikerə ölkəmiz haqqında ətraflı məlumat verib, Azərbaycanın müsəlman şərqində ilk parlamentli respublika olduğunu diqqətə çatdırıb. Ermənistan-Azərbaycan, Dağlıq Qarabağ münaqişəsinə toxunan diplomat Ermənistanın beynəlxalq hüququn norma və prinsiplərinə əməl etmədiyini bildirib. Səfir Ermənistanın Azərbaycan torpaqlarını hələ də işğal altında saxladığını, bu təcavüz nəticəsində 1 milyondan artıq insanın qaçqın və məcburi köçkün vəziyyətinə düşdüyünü vurğulayıb. BMT Təhlükəsizlik Şurasının, İslam Əməkdaşlıq Təşkilatının, Avropa Parlamentinin və digər beynəlxalq təşkilatların qəbul etdikləri qərar və qətnamələrin bu günədək icra olunmadığı qeyd edilib.
Bu münaqişədə Azərbaycanın haqlı mövqeyini dəstəklədiyinə görə Cibuti hökumətinə dərin təşəkkürünü bildirən səfir E.Abdullayev iki ölkə arasında qarşılıqlı şəkildə parlamentlərarası dostluq qrupunun yaradılması təklifini irəli sürüb.
Spiker M.Ə.Huməd dövlət müstəqilliyinin bərpasının 25-ci ildönümü münasibətilə dost Azərbaycan xalqını təbrik edib, sülh və firavanlıq arzularını çatdırıb. M.Ə.Huməd Cibutinin Azərbaycan ilə münasibətlərə böyük önəm verdiyini və bundan sonrada daha sıx əlaqələrin yaradılacağına əmin olduğunu bildirib. Tərəflər arasında qarşılıqlı şəkildə parlamentlərarası dostluq qrupunun yaradılması təklifini yüksək qiymətləndirən spiker bu dostluq qrupunun iki ölkə arasında əlaqələrin daha da möhkəmlənməsinə xidmət edəcəyinə ümidvar olduğunu diqqətə çatdırıb.
Səfir E.Abdullayev 25 il ərzində regionun lider dövlətinə çevrilmiş Azərbaycanın bu gün dünyada özünəməxsus yeri olduğunu və bu uğurların əsasının ulu öndər Heydər Əliyev tərəfindən qoyulduğunu, hazırda bu uzaqgörən xarici siyasətin Prezident İlham Əliyev tərəfindən layiqincə davam etdirildiyini deyib.
Tural




 
Bölməyə aid digər xəbərlər
22.09.2018
Azərbaycanda gördüklərim məndə xoş təəssüratlar yaratdı
22.09.2018
Azərbaycan ilə İordaniya dost və qardaş ölkələrdir
22.09.2018
Azərbaycan-Rusiya parlamentlərarası əlaqələri yüksək səviyyədədir
22.09.2018
İsveçrə və Azərbaycan arasında çox yaxşı əlaqələr mövcuddur
21.09.2018
Yıldırım: “Azərbaycanı vətənim kimi qəbul edirəm“

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info