İlk sərhədçi generalın 95 illiyi qeyd olunub
Tarix: 25.10.2016 | Saat: 19:58:00 | E-mail | Çapa göndər


Bu gün Azərbaycan İstiqlal Muzeyinin ekspozisiyasında Azərbaycanın ilk sərhədçi generalı Mustafa Cəfər oğlu Nəsirovun anadan olmasının 95 illiyinə həsr olunan tədbir keçirildi.
Mustafa Nəsirov 1921-ci il oktyabrın 25-də Dərbənd şəhərində anadan olub, 1938-ci ildə Dərbənd Pedaqoji məktəbi, 1940-cı ildə isə Dağıstan Dövlət Müəllimlik İnstitutunu bitirib. 1942-ci ildə Saratov Sərhəd İnstitutuna göndərilən Mustafa Nəsirov sonralar Orta Asiya Sərhəd Dairəsində xidmətə başlayıb. Şərəfli döyüş yolu keçmiş Mustafa Nəsirov sonralar Göytəpə Sərhəd Dəstəsinin qərargah rəisi, Neftçala Sərhəd Dəstəsinin rəisi vəzifələrində çalışıb. 1962-1968-ci illərdə isə Naxçıvan Sərhəd Dəstəsinin komandanı olub, 1964-cü ildə polkovnik hərbi rütbəsi alıb. O, SSRİ Dövlət Təhlükəsizlik Komitəsinin Zaqafqaziya Sərhəd Dairəsi komandanın müavini təyin oluub.
1987-ci ildə istefaya çıxan Mustafa Nəsirov, Azərbaycan Müharibə, Əmək və Hərbi Qüvvələr Veteranları Şurasının ilk sədri seçilib. Sərhəd dairələrində fədakar xidmətlərinə görə müxtəlif orden və medallar, fəxri fərmanlar almış Mustafa Cəfər oğlu Nəsirov ümummilli liderimiz Heydər Əliyev tərəfindən azərbaycanlı zabitlərin inkişafında göstərdiyi diqqət və qayğıya görə general-mayor ali hərbi rütbəyə layiq görülüb və Azərbaycan Respublikası Prezidentinin 2011-ci il 24 oktyabr tarixli sərəncamı ilə “Şöhrət” ordeni ilə təltif edilib.
Böyük Vətən müharibəsi veteranı, Azərbaycanın sərhəd qoşunları general mayoru Mustafa Nəsirov 27 may 2012-ci ildə Bakıda vəfat edib.
Tədbirdə Muzeyin direktoru Fəridə Şəmsi, Azərbaycan Dövlət Sərhəd Qoşunlarının şöbə rəisi, polkovnik Elşən Rəhmanov, Müharibə, Əmək və Silahlı Qüvvələr Veteranları Təşkilatının sədr müavini, ehtiyatda olan polkovnik Cəlil Xəlilovun çıxış etdilər və “General Nəsirov” adlı film nümayiş olundu.
Tədbirdə Dövlət Sərhəd Xidmətinin şəxsi heyəti, Müharibə, Əmək və Silahlı Qüvvələr Veteranları Təşkilatının üzvləri və digər qonaqlar iştirak etdilər.
Mahmud




 
Bölməyə aid digər xəbərlər
15.11.2018
“Azərsun Holdinq” Beynəlxalq Ətraf Mühit sərgisində iştirak edir
15.11.2018
Fransada keçirilən Forumda Azərbaycanda innovativ iqtisadiyyatın inkişafından danışılıb
15.11.2018
Dünya azərbaycanlılarının vahid mərkəzdən milli maraqlarımıza xidmət göstərməsi bəzi qüvvələrə sərf etmir
15.11.2018
Əli Əhmədov: “Bundan sonra da kiçik və orta sahibkarlığın inkişafı üçün geniş imkanlar olacaq“
15.11.2018
“Bakutel-2018” sərgisinin ziyarətçiləri lotereya qalibi olacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10477

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Azərbaycan turizmi Yunanıstanda təbliğ olunub
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 “Gedir dayanmadan zamanın köçü”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info