“Çin Azərbaycanın uğurlarına sevinir”
Tarix: 27.10.2016 | Saat: 15:30:00 | E-mail | Çapa göndər


Azərbaycanın dövlət müstəqilliyinin bərpasının 25-ci ildönümü münasibəti ilə ölkəmizin Çin Xalq Respublikasındakı (ÇXR) səfirliyi rəsmi qəbul təşkil edib.
Çinin hökumət nümayəndələrinin, Pekindəki diplomatik korpusun təmsilçilərinin, bu ölkədə yaşayan soydaşlarımızın, yerli ictimaiyyətin nümayəndələrinin iştirak etdikləri tədbirdə əvvəlcə Azərbaycanın və Çinin dövlət himnləri səslənib.
Müsəlman Şərqində ilk demokratik, dünyəvi dövlət olan Azərbaycanın XX əsrin sonunda öz müstəqilliyini yenidən bərpa etdiyini diqqətə çatdıran səfir Lətif Qəndilov bildirib ki, ötən 25 ildə ölkəmiz ulu öndər Heydər Əliyevin müəyyənləşdirdiyi yol ilə gedərək, suveren dövlət kimi dünyada öz sözünü deyə bilib. Azərbaycan müstəqil dövlət kimi böyük uğurlar qazanaraq, dünya birliyində layiqli yerini tutub.
Mərasimdə iştirak edən “Azərbaycan Dəmir Yolları” QSC-nin sədri Cavid Qurbanov 1991-ci ildə qazanılan müstəqilliyin xalqımız üçün çox böyük əhəmiyyət daşıdığını deyərək, Azərbaycanın keçdiyi inkişaf yolundan bəhs edib. Azərbaycanın Prezident İlham Əliyevin rəhbərliyi ilə regionda lider dövlətə çevrildiyini, dünyada nüfuzunun xeyli artdığını vurğulayan C.Qurbanov, dövlətimizin başçısının Çin ilə əlaqələrin inkişafına göstərdiyi diqqətdən danışıb.
Azərbaycanı Cənubi Qafqazda vacib ölkə kimi səciyyələndirən Çinin xarici işlər nazirinin köməkçisi Kon Suanyou deyib ki, müdrik və zəhmətkeş Azərbaycan xalqı görkəmli dövlət xadimi Heydər Əliyev və Prezident İlham Əliyevin rəhbərliyi ilə böyük uğurlar qazanaraq, dünya birliyinin diqqətini özünə cəlb edib. Çin səmimi dost kimi Azərbaycanın uğurlarına sevinir.
Çin-Azərbaycan münasibətlərinin böyük tarixi olduğunu qeyd edən Kon Suanyou, müasir dövrdə dövlətlərimizin ikitərəfli və çoxtərəfli formatda uğurla əməkdaşlıq etdiyini, bu istiqamətdə ötən il Çinə dövlət səfəri zamanı Azərbaycan Prezidenti İlham Əliyevin ÇXR Sədri Si Cinpin ilə birgə əlaqələrimizin inkişafı üçün strateji planları müyyənləşdirdiklərini diqqətə çatdırıb. O, Azərbaycanın İpək yolu üzərində vacib dövlət olduğunu, ölkəsinin Azərbaycan ilə “İpək yolu iqtisadi kəməri” təşəbbüsü üzrə hərtərəfli əməkdaşlığa hazır olduğunu deyib.
Mərasim çərçivəsində Azərbaycan istehsalı olan şərabların təqdimatı olub.
Tural




 
Bölməyə aid digər xəbərlər
16.11.2018
Ramiz Rzayev: “Azərbaycanda ağır cinayətlərin sayı azalıb”
16.11.2018
“Kaspersky Lab” Avropa istifadəçilərinin məlumatlarının emalına başlayıb
16.11.2018
Bişkekdə “Müasir dünyəvi dövlətdə İslam” adlı ikinci beynəlxalq konfrans keçirilir
16.11.2018
Bakıda Azərbaycan Gənclərinin VIII Forumu keçirilir
16.11.2018
Azərbaycanda əmək pensiyalarının hesablanması qaydası ilə bağlı qanunvericiliyə dəyişiklik edilir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10484

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info