ABAD-ın fəaliyyətinə dair təqdimat keçirilib
Tarix: 27.10.2016 | Saat: 18:39:00 | E-mail | Çapa göndər


Səlim Müslümov: “Özünüməşğulluq proqramı 1500 nəfər işsiz və işaxtaran vətəndaşın ailə biznesinin qurulmasına imkan verəcək"

Əmək və Əhalinin Sosial Müdafiəsi Nazirliyində Azərbaycan prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə birgə ABAD (Ailə Biznesinə Asan Dəstək) publik hüquqi şəxsin yaradılması və fəaliyyəti barədə təqdimat olub.
 
Nazirliyin İctimaiyyətlə əlaqələr şöbəsindən verilən məlumata görə, tədbiri giriş sözü ilə açan əmək və əhalinin sosial müdafiəsi naziri Səlim Müslümov respublikamızda əhalinin məşğulluq imkanlarının artırılması yönündə atılan addımların aktiv əmək bazarı siyasətinin getdikcə güclənməsinə şərait yaratdığını vurğulayıb: "Azərbaycan Prezidenti cənab İlham Əliyevin 23 sentyabr 2016-cı il tarixli fərmanına əsasən, Azərbaycan prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində ABAD publik hüquqi şəxsin yaradılması da rəqabətqabiliyyətli ailə təsərrüfatlarının formalaşdırılması yolu ilə əhalinin məşğulluq səviyyəsinin artırılmasına yönəlib. Bu sahədə görüləcək tədbirlər ölkədə ailə biznesinin genişlənməsində, nəticə etibarilə sosial-iqtisadi inkişaf proseslərində vətəndaşların fəal iştirakının təmin olunmasında, kiçik və orta sahibkarlığın inkişafında növbəti irəliləyişlərə əsas yaradacaq".
 
Nazir bildirib ki, ABAD mərkəzləri rəqabətqabiliyyətli ailə təsərrüfatlarının formalaşdırılmasının, eləcə də kiçik və orta sahibkarların dəstəklənməsi üçün sosialyönümlü layihələr həyata keçirəcək: "Bu sosialyönümlü layihələr öz ailə təsərrüfatlarını formalaşdırmaq üçün potensialları olan aztəminatlı ailələri də əhatə edəcək. Bununla əlaqədar, cənab Prezidentin 23 sentyabr 2016-cı il tarixli fərmanında Əmək və Əhalinin Sosial Müdafiəsi Nazirliyitərəfindən əmək qabiliyyətli aztəminatlı ailələrin ABAD mərkəzlərinin göstərdiyi xidmətlərdən istifadəsini təmin etmək məqsədi ilə Azərbaycan prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə təkliflər təqdim edilməsi tapşırılıb. Bu istiqamətdə biz həmin Dövlət Agentliyi ilə birgə fəal işlər aparmaq əzmindəyik".
 
S. Müslümov aztəminatlı ailələrin məşğulluq və biznes imkanlarının dəstəklənməsi üçün prezident İlham Əliyevin 7 aprel 2016-cı il tarixli sərəncamına əsasən nazirlik tərəfindən özünüməşğulluq proqramının praktik icrası işlərinin davam etdirildiyini bildirib: "Proqrama cəlb olunmaq üçün müraciət edənlərin ailə təsərrüfatlarının müayinəsi aparılır və bu müayinənin nəticəsi əsasında onların özünüməşğulluq potensialları müəyyən edilir. İndiyədək bu müayinələr əsasında ayrı-ayrı rayon və şəhərlər üzrə artıq 850 nəfər işsiz və işaxtaran şəxs seçilərək, biznesin təşkili ilə bağlı iki aylıq təlimlərə cəlb olunub. Müraciət edənlərin ailə təsərrüfatlarının müayinəsi əsasında proqramla bağlı təlimlərə cəlb olunacaq şəxslərin müəyyən olunması prosesi hazırda davam etdirilir. Ümumilikdə özünüməşğulluq proqramı 1500 nəfər işsiz və işaxtaran vətəndaşın ailə biznesinin qurulmasına imkan verəcək".
 
Nazir bildirib ki, ABAD mərkəzləri tərəfindən ölkədə ümumən ailə biznesinin inkişafının dəstəklənməsinə yönələcək sosialyönümlü layihələr hazırda icra olunan özünüməşğulluq proqramı ilə paralel həyata keçirilməklə aztəminatlı ailələrin ailə təsərrüfatlarının qurulmasına əlavə dəstək mexanizmi formalaşdırır: “Bir nazirlik olaraq bizim də bu sahədə əsas vəzifəmiz aztəminatlı ailələrin ABAD mərkəzlərinin qeyd olunan layihələrindən daha yaxşı faydalanmaları üçün müvafiq işləri görmək, bu məqsədlə prezident yanında Vətəndaşlara Xidmət və Sosial İnnovasiyalar üzrə Dövlət Agentliyi ilə birgə səmərəli əməkdaşlıq həyata keçirməkdir. Hazırda keçirilən tədbir də təqdimat xarakterli olmaqla yanaşı, bu sahədə birgə fəaliyyətin istiqamətlərini nəzərdən keçirməyə imkan verir.
 
Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov Agentliyin tabeliyində ABAD publik hüquqi şəxsin yaradılmasından bəhs edib. O, prezident İlham Əliyevin 23 sentyabr 2016-cı il tarixli fərmanı ilə yaradılan, ABAD-ın ailə təsərrüfatlarının formalaşdırılması və inkişafında, kiçik və orta sahibkarların dəstəklənməsində növbəti mühüm addım olduğunu vurğulayıb. ABAD mərkəzlərinin icra edəcəyi layihələrin istiqamətlərini diqqətə çatdıran İ. Kərimov bildirib ki, bu istiqamətlərdən biri kimi, əmək potensialına malik aztəminatlı ailələrin də biznes qurmaq imkanlarına yiyələnmələrinə şərait yaradılacaq. Əmək və Əhalinin Sosial Müdafiəsi Nazirliyinin  aidiyyəti üzrə təklifləri  bu sahədə işlərin təşkilində əsas kimi götürüləcək.
 
Tədbir ABAD publik hüquqi şəxsin yaradılması və fəaliyyətinə dair təqdimatla davam edib. ABAD mərkəzləri tərəfindən ailə əməyinə əsaslanan təsərrüfatların fəaliyyətinin dəstəklənməsi yönündə icrası nəzərdə tutulan layihələrlə yanaşı, əmək qabiliyyətli aztəminatlı ailələrin öz təsərrüfatlarını formalaşdıra bilmələri üçün həyata keçiriləcək  sosialyönümlü layihələr də diqqətə çatdırılıb. Bu sahədə birgə görüləcək işlərə dair müzakirələr aparılıb.

Tural TAĞIYEV





 
Bölməyə aid digər xəbərlər
19.09.2018
Neftçilərə yeni mənzillərin orderləri təqdim edilib
19.09.2018
Astarada keçirilən əmək yarmarkasında 45 nəfərə göndəriş vərəqəsi verilib
18.09.2018
Aşıq Hüseyn Bozalqanlının “Xalxal səfəri” dastanı belə başlayır...
18.09.2018
Biləsuvar şəhərində 1176 şagird yerlik yeni ümumtəhsil məktəbi tikiləcək
18.09.2018
Məcburi köçkünlərin növbəti qəbulu keçirilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10121

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Bu il sığorta bazarı 40 faizdən çox genişlənib, yığımlar artıb”
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Krivoy Roqdakı soydaşlarımız festivala hazırlaşırlar


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info