Vergi ödəyicilərinin ixtiyarına yeni xidmətlər verilir
Tarix: 27.10.2016 | Saat: 20:29:00 | E-mail | Çapa göndər


Vergi ödəyicilərinin vaxtına qənaət etməsi, göstərilən xidmətlərin daha rahat və əlçatan olması məqsədilə Vergilər Nazirliyi tərəfindən mütəmadi olaraq yeni layihələr həyata keçirilir, xidmətlər istifadəyə verilir və ya mövcud xidmətlər elektronlaşdırılır.
Vergilər Nazirliyindən bildirilib ki, tədbirlər planında müəyyənləşdirilmiş tapşırıqların icrası ilə bağlı nazirliyin Vergi ödəyicilərinə xidmət Baş İdarəsi tərəfindən bir sıra layihələr həyata keçirilir. Onlardan biri “Vergi borcu barədə məlumatın verilməsi” elektron xidmətinin tətbiqi ilə bağlıdır.
Bu xidmətdən istifadə edən ödəyicilərə nazirliyin Çağrı Mərkəzi vasitəsilə, İnternet Vergi İdarəsinə daxil olmaqla, SMS göndərməklə vergi borcunun öyrənilməsi imkanı yaradılıb. Yaxın vaxtlarda isə nazirliyin rəsmi internet saytında da (www.taxes.gov.az) vergi borcu barədə məlumatın verilməsinə şərait yaradılacaq və bu xidmətin bir ad altında – “Vergi borcu barədə məlumatın verilməsi” kimi elektron xidmətlər reyestrinə daxil edilməsi nəzərdə tutulur.
Həyata keçiriləcək daha bir yenilik isə Vergilər Nazirliyinin Çağrı Mərkəzi vasitəsilə fiziki şəxslərin qeydiyyatı, şəhadətnamə-dublikatın verilməsi, “ASAN imza” istifadəçi İD-nin dəyişdirilməsi, fəaliyyətin dayandırılması və ya bərpası kimi xidmətlərin tətbiqidir. Artıq bu xidmətlərlə bağlı texniki tapşırıqlar, hər xidmət üzrə inzibati reqlament və müvafiq qərar layihəsi hazırlanaraq aidiyyəti üzrə təqdim edilib.
Yeniliklərdən biri də xidmət mərkəzlərinə müraciət edən şəxslər üçün nazirliyin rəsmi internet saytından istifadə etməklə əvvəlcədən növbəyə yazılmaq imkanının yaradılması olacaq. Bu xidmət vergi ödəyicilərinin vaxtlarına qənaət etməsinə imkan verəcək. Hazır sənəd barədə məlumatın axtarışı elektron xidmətinin tətbiqinin həyata keçirilməsi də gözlənilən yeniliklərdəndir. Bu xidmət istifadəyə verildikdən sonra xidmət mərkəzlərinə müraciət etmiş şəxs cavab sənədlərinin hazır olub-olmaması barədə məlumatı internet üzərindən əldə edə biləcək.
Həmçinin şifrə, parolun dəyişdirilməsi prosesi də təkmilləşdirilir. Vergi ödəyiciləri tərəfindən istifadəçi kodu, parol və şifrənin unudulması və ya itirilməsi səbəblərindən “şifrə, parolun dəyişdirilməsi” üzrə müraciətlərin sayının artmasını, eləcə də həm vergi ödəyiciləri, həm də vergi orqanlarında vaxt və resurslara qənaət olunacağını nəzərə alaraq, bu xidmətin qeydiyyat ünvanı nəzərə alınmadan istənilən xidmət mərkəzində və ərizənin düzgünlüyü təmsilçi tərəfindən yoxlanıldıqdan dərhal sonra yerindəcə emal olunaraq vergi ödəyicisinə yeni istifadəçi kodu, parol və şifrənin verilməsi təklif olunur.

Tural




 
Bölməyə aid digər xəbərlər
24.09.2018
Göyçayda xurma bağlarından yığılan məhsul Rusiya bazarlarına göndərilir
24.09.2018
Bakıda ilk Beynəlxalq Elektron Ticarət Forumu keçirilir
24.09.2018
“AzerTelecom” “Türkmentel 2018” sərgisində iştirak edəcək
24.09.2018
“Ölkəniz möhtəşəm inkişaf edir”- YENİLƏNİB
24.09.2018
“Bloomberg”: “Azərbaycan sürətlə populyarlaşan turizm istiqamətləri arasındadır”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10137

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info