“Mən elə əvvəlki Patimatam“
Tarix: 28.10.2016 | Saat: 18:21:00 | E-mail | Çapa göndər


Azərbaycan millisinin taekvondoçusu, Rio Olimpiadasının bürünc medalçısı Patimat Abakarovanın apasport.az-a müsahibəsi


- Olimpiadadan sonra necə istirahət etdiz? Yeni yarışlara hazırsızmı?
- Yaxşı dincəldim. İstirahət vaxtlarımı ancaq ailəmlə birgə keçirdim. Artıq yavaş-yavaş məşqlərə başlamışam. Dekabrın əvvəlində Qran-pri turniri olacaq. Orada iştirak etməyi planlaşdırıram.

- Oktyabrın 23-də 22 yaşınızı tamamladız. Ad gününüzü necə qeyd etdiz?

- Çox gözəl keçirdim. Ad günümü ən yaxın insanların əhatəsində qeyd etdim. Doğum günümü restoranda keçirdik. Mənə ən yaxın insanlarla oturduq, əyləndik. Hər şey çox şən alındı.

- Ümumiyyətlə, ad günlərinizi təmtəraqlı şəkildə qeyd etməyi xoşlayırsızmı?
- Bəli, xoşlayıram. Çalışıram ki, hər il ad günümü təmtəraqlı keçirəm. Təbii ki, əgər ad günüm səfərlərə təsadüf etmirsə.

- Ad gününə xüsusi qonaq qismində kimi dəvət etmişdiz?
- Kimləri orada görmək istəyirdimsə, hamısını bir araya yığdım. Bunlar əsasən ailə üzvlərim idi.

- Bəs sizi birinci kim təbrik etdi?

- Qardaşlarım və anam. Açığı, artıq saatın yeni günə keçdiyini bilmirdim. Düz gecə saat 12-də məni təbrik etdilər.

- Yəqin ki, hamı kimi siz də hədiyyələr almağı xoşlayırsız. Bu dəfə ən yaddaqalan hədiyyəni kim verdi?
- Elə bir yaddaqalan hədiyyə olmadı. Ümumiyyətlə, buna elə də fikir vermirəm.

- Bəs elə bir insan oldu ki, ondan xüsusi hədiyyə gözləyirdiz?

- Xeyr, olmadı.

- Şəxsi həyatınızda nə kimi yeniliklər var? Ailə qurmaq haqda fikirləşmirsiz?

- Yox. Növbəti Olimpiadaya kimi dəqiq ailə qurmayacam. Ondan sonrasına baxarıq.

- Namizəd varmı?

- Xeyr (gülür).

- Maraqlıdır, Patimat idmançı ilə ailə qurmaq istəyərdi, yoxsa...

- Necə deyim? İdmançı ilə də olar, idmançı olmayanla da. Şərt deyil ki, həyat yoldaşım idmançı olsun. Bunu vacib saymıram.

- Belə çıxır ki, sizin üçün karyera daha önəmlidir...

- Bəli, indiki məqamda bu əhəmiyyətlidir. Şəxsi həyat barədə sonra da düşünmək olar.

- Siz Azərbaycan taekvondo tarixinə Olimpiya medalı qazanan ilk idmançı kimi düşmüsüz. Həmçinin, Olimpiadada fəxri kürsüyə çıxmış yeganə qadın taekvondoçumuzsuz. Bu sizin gələcək karyeranıza necə təsir edə bilər?
- Əvvəla, buna şadam. Ancaq bu, karyerama nəsə təsir edə bilməz. Mən tarixdə ilklərə, statistikalara fikir vermirəm. Ümid edirəm ki, nailiyyətim taekvondo ilə məşğul olan digər azərbaycanlı qızlara stimuldur və onlara Olimpiya medalı qazanmaq məqsədlərinə çatmağa kömək olacaq. Artıq başa düşürlər ki, bu cür ciddi turnirdə də uğur qazanmaq mümkündür.

- Olimpiya medalı qazanan Patimat əvvəlki Patimatdan nə ilə fərqlənir?

- Heç nə ilə. Mən elə əvvəlki Patimatam. Hər hansı bir dəyişiklik yoxdur.

- Sizi yığmamızda 49 kq çəki dərəcəsinin lideri saymaq olarmı?
- Fikrimcə, liderlərdən biri. Üstəlik, Olimpiadadan sonra mənim reytinq göstəricim də yüksəlib.

- Artıq il yekunlaşmaq üzrədir. 2016-cı ili özünüz üçün necə dəyərləndirərdiz?

- 2015-2016-cı illər karyeramın ən yaxşı illərindəndir. Amma mənim üçün ən uğurlu il 2016-cı il oldu. Hər halda, artıq hesabımda Olimpiya medalı var. Dediyim kimi, dekabrda Qran-pri yarışı da var. Həmin turnir Bakıda keçiriləcək. Bundan əlavə, gələn il dünya çempionatı və İslam Həmrəyliyi Oyunlarına hazırlaşacam. Qısası, turnirlər çoxdur.




 
Bölməyə aid digər xəbərlər
15.08.2019
“Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”
08.08.2019
“İlahiyyat İnstitutu olaraq, tələbələrə öz övladlarımız kimi yanaşdıq”
08.08.2019
Qurban kəsimini həyata keçirərkən azyaşlıların gözü önündə etməsinlər
07.08.2019
“Son bir ildə aktiv ƏDV ödəyicilərinin sayında 40 faizdən çox artım qeydə alınıb”
06.08.2019
Nazir Mehmet Cahit Turhan: “Sərnişinlər Ankaradan Bakıya qatarla birbaşa səyahət edə biləcəklər“

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10858

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”
4 Həyata keçirilən sosial paketlər birbaşa əhalinin rifahının yaxşılaşdırılmasına istiqamətlənib
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info