Kinematoqrafiyaya güzəştli kreditlərin verilməsi nəzərdə tutulur
Tarix: 01.11.2016 | Saat: 23:43:00 | E-mail | Çapa göndər


“Azərbaycanda kinematoqrafiya sahəsinə güzəştli kreditlərin verilməsi nəzərdə tutulur”. Bunu Milli Məclisin Mədəniyyət komitəsinin sədri Rafael Hüseynov komitənin iclasında yeni “Kinematoqrafiya haqqında” qanun layihəsinin müzakirəsi zamanı deyib.
Hazırda qüvvədə olan qanunun 1998-ci ildə qəbul olunduğunu xatırladan R.Hüseynov bildirib ki, həmin vaxtdan sonra Azərbaycanın xeyli inkişaf etməsi yeni qanun layihəsinin hazırlanmasını zəruri edib. 12 fəsil, 40 maddədən ibarət olan yeni qanun layihəsində filmlərin istehsalı və yayımlanması, milli kinematoqrafiyanın təbliği və qorunması sahəsində yaranan münasibətlər tənzimlənir. R.Hüseynov əlavə edib ki, yeni layihəyə əsasən, Azərbaycanda fəaliyyət göstərən yayım müəssisələri üçün yayım zamanı milli efir vaxtının həcminin müəyyən edilməsi və tətbiqi müvafiq icra hakimiyyəti orqanının müəyyən etdiyi qaydada həyata keçiriləcək. Milli efir vaxtına riayət edilməsinə nəzarəti də məhz həmin orqan həyata keçirəcək.
Qanun layihəsinə əsasən, kinematoqrafiya sahəsində film komissiyaları da yaradılacaq. Kinematoqrafiya sahəsində film komissiyası Azərbaycanda audiovizual əsərlərin və filmlərin istehsalına dəstək göstərən publik hüquqi şəxs olacaq. Film komissiyaları öz fəaliyyətini "bir pəncərə" prinsipi əsasında quracaq və müraciət edən prodüserə audiovizual əsərlərin və filmlərin istehsalına xidmətlər təqdim edəcək.
R.Hüseynov bildirib ki, Azərbaycanda milli filmlərin televiziya yayımı Azərbaycan dilində həyata keçirilməlidir, xarici filmlərin televiziya yayımına yalnız Azərbaycan dilinə dublyaj olunduqda icazə veriləcək.
Qanun layihəsində bu kimi məsələlərin də əks olunduğunu deyən komitə sədri bildirib ki, yeni layihəyə əsasən, Azərbaycan ərazisində fəaliyyət göstərən kinozallardan və kinoteatrlardan aztəminatlı əhalinin, əlillərin və sağlamlıq imkanları məhdud 18 yaşınadək uşaqların, müharibə iştirakçılarının güzəştli istifadə etmələrinə şərait yaradılacaq.
Layihədəki digər məsələləri də açıqlayan R.Hüseynov əlavə edib ki, milli film şəhadətnaməsi filmin yayım dövrünə qədər verilərsə, lakin film istehsalçısı filmin istehsalını 1 ildən artıq müddətə dayandırarsa və film yayıma verilməzsə, həmin şəhadətnamə müvafiq icra hakimiyyətinin qərarı ilə ləğv ediləcək və milli film istehsalçısına həmin filmlə əlaqədar verilən güzəştlər ləğv ediləcək.
Nigar




 
Bölməyə aid digər xəbərlər
22.09.2018
Pambığın alış qiymətinin artırılması fermerlərə göstərilən diqqət və qayğının növbəti təzahürüdür
21.09.2018
Yalnızlıq qorxusu
21.09.2018
“Gənclərimiz daha məntiqli və faydalı yol tutmalı, müsbət davranış nümunəsi göstərməlidirlər”
21.09.2018
Sevinc Fətəliyeva: Paşinyan siyasi klounluqla məşğuldur
21.09.2018
“Əsrin müqaviləsi” Azərbaycanın neft sənayesi tarixində misilsiz bir hadisədir

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info