ABŞ-da seçkiöncəsi qeyri-müəyyənlik dolları ucuzlaşdırır
Tarix: 02.11.2016 | Saat: 17:50:00 | E-mail | Çapa göndər


ABŞ-da prezident seçkilərində qeyri-müəyyənliyin artması səbəbindən bu gün dünya bazarında dolların məzənnəsi ucuzlaşıb.
 
Rusiya KİV-ləri xəbər verir ki, dolların ucuzlaşmasına investorların narahatlığı və Yaponiya ieni kimi digər təhlükəsiz valyutalara tələbatının artması səbəb olub.
 
Qeyd edək ki, oktyabrın 28-də ABŞ-ın Federal Təhlükəsizlik Xidmətinin Hillari Klintonun dövlət qulluqçusu zamanı özəl server vasitəsi ilə elektron poçtdan istifadə etdiyini müəyyənləşdirmək məqsədilə yeni məlumatları araşdırdıqlarını bəyan etdikdən sonra ictimai rəyin öyrənilməsi üçün aparılan sorğularda respublikaçı namizəd Donald Trampın qələbəyə şanslarının yüksəldiyi məlum olub.  Bununla da, ABŞ-ın milli valyutasının məzənnəsi avroya nisbətdə 3 həftəlik, iena qarşı isə 12 günlük minimuma enib.
 
Nəticədə bu gün səhər avro dollara qarşı 0,11% möhkəmlənərək 1,1066 dollar səviyyəsinə yüksəlib ki, bu da oktyabrın 11-də əldə edilmiş maksimuma, yəni 1,1069 dollar səviyyəsinə yaxındır. 
 
Dolların ienə qarşı məzənnəsi 0,24% azalaraq 103,87 ien təşkil edib ki, bununla da 12 günlük minimum təzələnib. Belə ki, 12 gün əvvəl dolların ienə qarşı məzənnəsi 103,650 ien olub.
 
Analitiklər bəyan edib ki, Asiya səhmlərinin zəifləməsinə görə risklərdən qaçma fonunda ienin məzənnəsi yüksəlib.
 
ABŞ-da prezident seçkilərinə bir həftədən də az vaxt qaldığına görə siyasi şərait fundamental faktorlara qaranlıq saldığından bu gün axşam saatlarında Federal Ehtiyat Sisteminin (FES) monetar siyasətlə bağlı qərarı çox güman ki, ikinci plana keçəcək.
 
Ekspertlər FES-in bu dəfə faiz dərəcələrini qaldırmayacağını, bununla belə iqtisadiyyatın canlanmasının əlamətləri sezildiyindən dekabrda pul-kredit siyasətini sərtləşdirmək üçün zəmin yaradacağını gözləyir.
 
“Çətin ki, valyuta bazarı mühüm faktor kimi FES-in iclasına nəzər yetirsin. FES uzun müddət dekabrda faiz dərəcələrinin artırılacağına işarə etdiyindən indi bazar ABŞ-da seçki proseslərini diqqətlə izləyir”, - deyə “Barclays”ın eksperti Sin Kadota bəyan edib.  
 
Qeyd edək ki, dolların indeksi bir qədər dəyişərək 97,660 bəndində qərarlaşıb və 2 həftəlik minimumun qeydə alındığı göstəriciyə, yəni 97,640 bəndinə yaxınlaşıb.
Tural




 
Bölməyə aid digər xəbərlər
16.11.2018
Ərdoğan Qəzza zolağında vəziyyətlə bağlı Abbasa dəstəyini bildirib
16.11.2018
ABŞ Gülənin ekstradisiyasının yollarını axtarır
16.11.2018
Gürcüstandan Rusiyaya gedən avtomagistral yol bağlanıb
15.11.2018
Aİ - Britaniya “boşanması”: İrlandiya, Cəbəllütariq və Kipr üzrə protokollar razılaşdırılıb
15.11.2018
Miqrantlar ABŞ ve Meksika arasında olan sərhəd hasarına çıxdılar

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10485

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info