“Kapital” qəzetində “Azərbaycan - müxtəliflik və tolerantlıq yurdu” adlı məqalə
Tarix: 03.11.2016 | Saat: 17:55:00 | E-mail | Çapa göndər


Efiopiyanın böyük oxucu kütləsinə malik olan “Kapital” qəzetində “Azərbaycan - müxtəliflik və tolerantlıq yurdu” adlı məqalə dərc edilib.
Məqalədə qeyd edilir ki, müasir dünyanın dini və məzhəb zəminində baş verən münaqişələrlə üzləşdiyi bir zamanda Azərbaycan milli həmrəyliyin qurulmasına nail olaraq dünyada tolerantlıq yurdu kimi tanınıb. Müxtəlif sivilizasiyaların və mədəniyyətlərin qovuşduğu, Şərq və Qərbin kəsişməsində yerləşən Azərbaycanın dünyanın ən tolerant və multikultural ölkələrdən biri olduğu barədə ətraflı məlumat verilir. Ulu öndər Heydər Əliyevə istinadla Azərbaycan xalqının özlüyündə, təbiətinə görə, öz xarakterinə görə yüksək tolerantlıq hissinə malik olduğu qeyd edilir. Oxucuların diqqətinə çatdırılır ki, Prezident İlham Əliyev 2016-cı ili Azərbaycanda “Multikulturalizm ili” elan edib.
Daha sonra məqalədə Azərbaycanın dünyada tolerantlığı və mədəni müxtəlifliyi təbliğ edən bir sıra beynəlxalq tədbirlərə, o cümlədən Ümumdünya Mədəniyyətlərarası Dialoq, Bakı Beynəlxalq Humanitar forumlarına, Birləşmiş Millətlər Təşkilatının Sivilizasiyalar Alyansının 7-ci Qlobal Forumuna ev sahibliyi etdiyi qeyd olunur. Bakıda Ümumdünya Şahmat Olimpiadası, I Avropa Oyunları, “Formula-1” Avropa Qran-prisi kimi mötəbər idman yarışlarının keçirildiyi vurğulanır.
Məqalədə Roma Papası Fransiskin ölkəmizə səfərindən bəhs edilir, Pontifikin Azərbaycanda müsəlman, yəhudi və xristian icmaları arasındakı səmimi münasibətləri böyük məmnuniyyətlə qeyd etdiyi bildirilir. Azərbaycandakı tolerantlığın digər ölkələr üçün nümunə olduğu bildirilən yazıda Roma Papasının ölkəmizdəki multikultural mühitlə əlaqədar Azərbaycanı təbrik etməsi xüsusi vurğulanır.
Tural




 
Bölməyə aid digər xəbərlər
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb
16.11.2018
Ərdoğan Qəzza zolağında vəziyyətlə bağlı Abbasa dəstəyini bildirib
16.11.2018
ABŞ Gülənin ekstradisiyasının yollarını axtarır
16.11.2018
Gürcüstandan Rusiyaya gedən avtomagistral yol bağlanıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10495

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info