Bakıda 11 piyada keçidi inşa olunur, daha 9-u tikiləcək
Tarix: 04.11.2016 | Saat: 15:26:00 | E-mail | Çapa göndər


Azərbaycan Prezidenti İlham Əliyevin piyadaların avtomobil yollarını rahat və təhlükəsiz şəkildə keçməsini təmin etmək istiqamətində verdiyi göstəriş və tapşırıqlarına əsasən "Azəravtoyol" ASC tərəfindən kompleks tədbirlər həyata keçirilir. Bu tədbirlər çərçivəsində Bakı şəhərində bir-neçə yerdə yerüstü və yeraltı piyada keçidlərinin inşası aparılır.
 
"Azəravtoyol" ASC-dən verilən məlumata görə, sözügedən piyada keçidləri nəqliyyat vasitələrinin və piyadaların intensiv hərəkət etdiyi ərazilərdə inşa edilir. Məqsəd həm piyadaların rahat və təhlükəsiz şəraitdə avtomobil yollarını keçməsini təmin etmək, həm də nəqliyyat vasitələrinin fasiləsiz və maneəsiz hərəkətini təşkil etməkdir.
 
İlkin olaraq 11 bu cür yerdə hal-hazırda keçidlərin inşası aparılır. Bu aşağıdakı ərazilərdir:
 
1. Bakı-Quba-Rusiya Federasiyası ilə dövlət sərhədi avtomobil yolunun 12-ci km-i (Xırdalan qəbirstanlığının yaxınlığı), 13.7-ci km-i və 27.7-ci km-i (Ceyranbatan qəsəbəsi);
 
2. Bakı-Şamaxı-Yevlax avtomobil yolunun 12.3-cü km-i (Sulutəpə qəsəbəsi), 23.5-ci və 24.4-cü km-i (Müşfiq qəsəbəsi);
 
3. Bakı-Ələt-Qazax-Gürcüstan Respublikası ilə dövlət sərhədi avtomobil yolunun 18-ci km-i;
 
4. Nobel prospekti ilə Xəqani Rüstəmov küçəsinin kəsişməsi (yeraltı keçid);
 
5. Zabrat-Maştağa avtomobil yolunun "Sabunçu körpüsü"ndən düşən hissəsi;
 
6. Zığ-Hövsan avtomobil yolunun 1.8-ci və 4.3-cü km-i.
 
Artıq həmin keçidlərdən ikisində işlər yekunlaşmaq üzrədir. Bu, Bakı-Quba-Rusiya Federasiyası ilə dövlət sərhədi avtomobil yolunun 12-ci km-də və "Sabunçu körpüsü"nün yaxınlığında inşa edilən yerüstü piyada keçidləridir. Bakı-Sumqayıt yolundakı keçiddə artıq son tamamlanma işləri aparılır. Belə ki, keçidin pilləkən və asma hissəsi tam hazırdır, hazırda dirəklərin üzlənməsi işləri aparılır. "Sabunçu körpüsü"nün yaxınlığındakı keçidin tikintisi isə son mərhələdədir.
 
Bundan başqa daha 9 yerdə isə yaxın zamanda keçidlərin tikintisinə başlanılacaq. Bu aşağıdakı ərazilərdir:
 
1. Bakı-Quba-Rusiya Federasiyası ilə dövlət sərhədi avtomobil yolunun  27-ci km-i (Ceyranbatan qəsəbəsi);
 
2. Bakı-Şamaxı-Yevlax avtomobil yolunun 13-cü km-i (Hökməli dairəsinin yaxınlığı);
 
3. Yasamal rayonu Hüseyn Cavid parkının qarşısında (yeraltı keçid)
 
4. Mərdəkan-Zağulba yolunda ("Xrustalnı" adlanan ərazi);
 
5. Qala-Pirallahı avtomobil yolunun 3.6-cı km-i;
 
6. Zığ-Hövsan avtomobil yolunun 2.6-cı km-i;
 
7. Xətai rayonu, Neapol küçəsi ( 171 nömrəli məktəbin yaxınlığı ), həmçinin M. Hadi və S.Ə.Şirvani küçələrinin kəsişməsi;
 
8. Moskva prospekti, "Şamaxinka" adlanan ərazi.
 
İnşası aparılan və yeni inşa olunacaq yerüstü piyada keçidləri 1 və 2 aşırımlı (orta dayaqlı) olmaqla yüngül konstruksiyalıdır. Keçidlərin bir-neçəsi istisna olmaqla əksəriyyəti üstü açıq və pilləkən hissədən ibarətdir. 
 
Yaxın zamanlarda zəruri olan digər ərazilərdə də piyada keçidlərinin inşası nəzərdə tutulub.
Tural




 
Bölməyə aid digər xəbərlər
22.09.2018
Samux rayonunda 11 min tondan çox tərəvəz istehsal olunub
22.09.2018
“Azeri Light”ın qiyməti bahalaşıb
21.09.2018
İlk “KOB Dostu” sahibkarların xidmətində
21.09.2018
İqtisadiyyat naziri Gəncədə vətəndaşları qəbul edib
21.09.2018
“Azərenerji”: Ölkə enerjisi sistemində təxirəsalınmaz tədbirlərin həyata keçirilməsinə başlanılıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info