Türkiyədə həbs dalğası: terrorçulara dəstək verən deputatlar həbs edildi
Tarix: 05.11.2016 | Saat: 00:05:00 | E-mail | Çapa göndər


Türkiyədə Xalqların Demokratik Partiyasının (HDP) həmsədrləri Səlahəddin Dəmirtaş və Figen Yüksəkdağ həbs olunublar. Dəmirtaş polis əməkdaşları tərəfindən Diyarbəkirdəki evində, F.Yüksəkdağ isə Ankaradakı evində saxlanılıb. Həbs qərarları terrorçuluq fəaliyyətinin istintaqı çərçivəsində Diyarbəkir Prokurorluğu tərəfindən verilib. Dəmirtaş və Yüksəkdağ iyunda ifadələri alınması üçün Ankara Cümhuriyyət Baş Prokurorluğunun çağırışına məhəl qoymayıblar. Dəmirtaş və Yüksəkdağdan başqa, Türkiyə parlamentinin HDP üzvü olan 11 deputatı da saxlanılıb.
Onların arasında Ziya Pir, Ferhat Encü, Leyla Birlik, Selma Irmak, Abdullah Zeydan, İdris Baluken, Nursel Aydoğan, Gülser Yıldırım və partiya həmsədrinin müavini Sırrı Sürəyya Öndərin olduğu bildirilir. Həbslər Ankara, Diyarbəkir, Mardin və digər şəhərlərdə keçirilib. Dünən məhkəmə ifadələrini aldıqdan sonra İmam Taşçıər, Ziya Pir və Sırrı Sürəyya Öndəri polis nəzarətində qalmaq şərti ilə sərbəst buraxıb. Məhkəmə Dəmirtaş, Yüksəkdağ, İdris Baluken, Leyla Birlik və Nürsel Aydoğan haqqında həbs qərarı verib. Maraqlıdır ki, dünən ABŞ-ın Adana konsulluğu bəyanat yayaraq amerikalıları ehtiyatlı olmağa çağırıb. Konsulluq Adanada terror təhlükəsi olduğunu bildirib. Amma gözlənilən terror Adanada yox, Diyarbəkirdə olub. Vilayətin Bağlar rayonunda polis idarəsi yaxınlığında baş verən güclü partlayış nəticəsində 9 nəfər həlak olub. Türkiyənin Baş naziri Binəli Yıldırım ölənlərdən ikisinin polis, digərlərinin isə mülki şəxslər olduğunu bildirib. Baş nazir deyib ki, terrorçulardan biri məhv edilib. Xəstəxanalara yerləşdirilən 100-dən çox yaralıdan 93-ü artıq evə buraxılıb. Yeddi nəfərin isə müalicəsi davam etdirilir. PKK Diyarbəkir vilayətinin Bağlar rayonunda bomba yüklü avtomobilin partladılması ilə törədilən terror aktına görə məsuliyyəti öz üzərinə götürüb. Aparılan təhqiqatlar nəticəsində partlayış üçün bir tondan çox partlayıcı maddənin istifadə edildiyi müəyyən olunub. Partlayışın təsirindən yaxınlıqdakı binalara ciddi ziyan dəyib.
Anar




 
Bölməyə aid digər xəbərlər
14.11.2018
Mari Le Pen Makron və Merkelə qarşı: Avropa ordusu heç bir halda meydana çıxmamalıdır
14.11.2018
Fransa hökumətində Donald Trampın tənqidi tvitlərinə şərh veriblər
14.11.2018
İsrailin müdafiə naziri Aviqdor Liberman istefa verib
14.11.2018
Merkel Avropa İttifaqının öz ordusunun yaradılması tərəfdarıdır
14.11.2018
Tramp İrana görə Tereza Meyi tənqid etdi

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10470

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info