Naxçıvanda elmi-praktik simpozium keçirilib
Tarix: 08.11.2016 | Saat: 16:53:00 | E-mail | Çapa göndər


Muxtar respublikada stomatologiya sahəsində əldə edilən yeni nailiyyətlər bu sahənin inkişafına, ixtisaslı kadr potensialının artırılmasına lazımi diqqət yetirildiyini göstərir.
AZƏRTAC xəbər verir ki, bu fikirlər Naxçıvan Muxtar Respublika Xəstəxanasında “Stomatoloji praktikada multi-dissiplinar yanaşma” mövzusunda keçirilən elmi-praktik simpoziumda səsləndirilib.
Simpozium Naxçıvan Muxtar Respublikası Səhiyyə Nazirliyinin, Naxçıvan Dövlət Universitetinin tibb fakültəsinin və Azərbaycan İmplantoloq İctimai Birliyinin birgə təşkilatçılığı ilə keçirilib.
Tədbirdən əvvəl iştirakçılar ümummilli lider Heydər Əliyevin Naxçıvan şəhərindəki abidəsini və Heydər Əliyev Muzeyini ziyarət ediblər.
Elmi-praktik simpoziumda çıxış edən Naxçıvan Muxtar Respublikasının səhiyyə naziri Niyazi Novruzov bildirib ki, insan amili, onun layiq olduğu səviyyədə yaşamasının təmin edilməsi ölkəmizdə həyata keçirilən sosial-iqtisadi islahatların mühüm tərkib hissələrindən biridir. Muxtar respublikada səhiyyə sisteminin yenidən qurulması, müasir dünya standartlarına uyğunlaşdırılması bu xidməti keyfiyyətcə daha da yaxşılaşdırıb, ixtisaslı kadrların hazırlanması, yoluxucu xəstəliklərin profilaktikası, ilkin səhiyyə xidmətinin yeni tələblərə uyğunlaşdırılması, sağlamlığa mənfi təsir edən amillərin aradan qaldırılması, ana və uşaqların, ahıl vətəndaşların sağlamlığının qorunması işində əsaslı dönüş yaradılıb. Kəndlərdə tikilib istifadəyə verilən həkim ambulatoriyalarının hər birində müasir stomatoloji kabinələrin yaradılması da bu mənada xüsusi əhəmiyyət daşıyır.
Naxçıvan Dövlət Universitetinin rektoru, AMEA-nın müxbir üzvü Saleh Məhərrəmov çıxışında qeyd edib ki, rəhbərlik etdiyi ali təhsil müəssisəsində stomatologiya ixtisasının açılması bu sahədə ixtisaslı kadrların hazırlanmasında xüsusi əhəmiyyət daşıyır.
Vurğulanıb ki, Naxçıvan Dövlət Universitetinin Türkiyə universitetləri ilə stomatologiya sahəsində də əlaqələri ilbəil genişlənir. Bu universitetlərlə aparılan tələbə mübadiləsi yüksəkixtisaslı kadrların yetişdirilməsində mühüm rol oynayır.
Tədbirdə Azərbaycan İmplantoloq İctimai Birliyinin sədri, Bakı şəhərində fəaliyyət göstərən “İmplandent” klinikasının baş həkimi, tibb üzrə fəlsəfə doktoru Cabbar Həsənov ənənəvi Naxçıvan simpoziumları və onların əhəmiyyəti barədə danışıb, “Gündəlik stomatoloji praktikada implantasiyanın zəruri yeri” mövzusunda məruzə edib.
Sonra Türkiyənin Samsun 19 May Universitetinin doktorantları Elçin Abbasovun, Taha Özyürəkin, Naxçıvan Dövlət Universitetinin Əczaçılıq və stomatologiya kafedrasının müəllimi, tibb üzrə fəlsəfə doktoru Rauf Cəfərovun, Rusiyanın Sankt-Peterburq Hərbi Tibb Akademiyasının doktorantı Gündüz Yaqubovun və Culfa rayonunun Əbrəqunus kənd həkim ambulatoriyasının həkim-stomatoloqu Rəşad Xəlilovun məruzələri dinlənilib.
Simpoziumda video-süjetlər, implantasiya prosesindən görüntülər nümayiş etdirilib, müzakirələr aparılıb, suallar cavablandırılıb.
Sonda tədbir iştirakçılarına bukletlər paylanılıb.
Mahmud




 
Bölməyə aid digər xəbərlər
19.05.2019
Sabah hava necə olacaq?
18.05.2019
Tovuzda üç istehsal müəssisəsi tikilir
18.05.2019
Astaranın çay plantasiyalarında birinci çay yığımı başa çatmaq üzrədir
18.05.2019
Ağdaşın Yenicə kəndi qazlaşdırılır
17.05.2019
“İlan sancan şəxsi yerindən tərpətmək olmaz”

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10782

1 “Ukraynanın ictimai-siyasi həyatında fəal iştirak edirik”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 “İş yerlərində təhlükəsiz əmək şəraiti yaratmaq lazımdır”
4 Dünya rəssamları arasında yer alan azərbaycanlı
5 AzMİU-da İmadəddin Nəsiminin 650 illik yubileyi qeyd olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info