Musəvi: “Azərbaycan KİV-i ilə təcrübə mübadiləsinin aparılmasında maraqlıyıq”
Tarix: 11.11.2016 | Saat: 18:29:00 | E-mail | Çapa göndər


Azərbaycanın İrandakı səfiri Bünyad Hüseynovun Fars informasiya agentliyinin icraçı direktoru Seyid Nizaməddin Musəvi ilə görüşündə ölkələrimiz arasında tarixi, mədəni və dini ortaqlıqlardan, əlaqələrin daha yüksək səviyyəyə çatdırılmasında kütləvi informasiya vasitələrinin rolundan bəhs edilib.
Noyabrın 16-17-də 100-dən çox xəbər agentliyinin rəhbərlərinin iştirakı ilə Bakıda keçiriləcək Dünya Xəbər Agentliklərinin V Konqresinə dəvət olunduğu üçün təşəkkürünü bildirən S.N.Musəvi Azərbaycana səfəri çərçivəsində yerli kütləvi informasiya vasitələrinin nümayəndələri ilə görüşlərin keçirilməsində, təcrübə mübadiləsinin aparılmasında maraqlı olduğunu vurğulayıb.
Söhbət zamanı icraçı direktor rəhbərlik etdiyi agentliyin fəaliyyəti barədə məlumat verib.
Səfir Bünyad Hüseynov Azərbaycan-İran münasibətləri barədə danışaraq son üç ildə ölkə prezidentlərinin yeddi dəfə görüşdüklərini bildirib. O, iki ölkə arasında müxtəlif sahələri əhatə edən hüquq bazasının olduğunu diqqətə çatdırıb, 40-ı iqtisadi sahəyə aid olmaqla, ümumilikdə 127 sənəd imzalandığını qeyd edib. Dövlətlərarası Müştərək Komissiyanın indiyədək 10 iclasının keçirildiyini, növbəti iclasın isə Bakı şəhərində təşkil olunacağını nəzərə çatdıran səfir komissiya çərçivəsində iqtisadiyyat, alternativ və bərpaolunan enerji, kənd təsərrüfatı, nəqliyyat və tranzit sahələrində işçi qrupların fəaliyyət göstərdiyini deyib. Səfir Şimal-Cənub beynəlxalq nəqliyyat dəhlizinin tərkib hissəsi olan Azərbaycan-İran dəmir yolu xətlərinin birləşdirilməsi istiqamətində görülən işlər barədə ətraflı məlumat verib.
Ermənistan-Azərbaycan, Dağlıq Qarabağ münaqişəsindən danışan B.Hüseynov ölkəmizin ərazisinin 20 faizinin 25 ilə yaxındır ki, Ermənistan silahlı qüvvələrinin işğalı altında olduğunu, Azərbaycan-İran sərhədinin 132 kilometrinin nəzarətsiz qaldığını vurğulayıb.
Hər iki ölkənin kütləvi informasiya vasitələri arasında əlaqələrin genişləndirilməsinin zəruriliyinə toxunan diplomat məlumatın ilkin mənbədən əldə olunaraq yayılmasının əhəmiyyətini qeyd edib.
Görüşdən sonra səfir Fars informasiya agentliyinin fəaliyyəti ilə tanış olub.
Tural




 
Bölməyə aid digər xəbərlər
18.01.2019
Azərbaycan Dağlıq Qarabağ münaqişəsi məsələsində Rusiyanın köməyinə ümid bəsləyir
18.01.2019
Şimali Kiprin dövlət televiziyasında 20 Yanvar hadisələrindən danışılıb
18.01.2019
Avropa Parlamentində təcili “qətnamə”nin qəbulu anti-Azərbaycan mərkəzlərin yazdığı siyasi ssenaridir
18.01.2019
Bu cür ikili standartlar Avropa Parlamenti daxilindəki qüvvələrin növbəti anti-Azərbaycan cəhdidir
18.01.2019
İstanbulda Qanlı Yanvar faciəsinin ildönümü qeyd edilib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10564

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Dərslər təxirə salındı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info