Trampın qələbəsi Avropa ordusunun yaradılmasını tezləşdirə bilər
Tarix: 12.11.2016 | Saat: 00:04:00 | E-mail | Çapa göndər


Avropa Komissiyasının sədri Jan-Klod Yunker hesab edir ki, artıq belə bir ordunun yaradılması qaçılmazdır

Donald Trampın Amerika Birləşmiş Ştatlarında keçirilən prezident seçkilərində gözlənilməz qələbəsi, Avropa Birliyinə daxil olan ölkə liderlərini qitədə öz ordusunu yaratmağa həvəsləndirib. Avropa Komissiyasının sədri Jan-Klod Yunker ABŞ-ın Avropanın uzunmüddətli təhlükəsizliyini təmin etməkdən imtina edəcəyini nəzərə alaraq, belə bir ordunun yaradılmasını “qaçınılmaz bir proses" kimi önə çəkib.
Qeyd edək ki, Tramp seçkiöncəsi çıxışlarında dəfələrlə bəyan etmişdi ki, ABŞ artıq “dünya polisi” olmaqdan imtina edərək, daxili problemlərin həllinə diqqət ayırmalıdır. Komissiya sədrinin fikrincə, Avropa ordusunun yaradılması üçün digər səbəblər də mövcuddur . Bu, ilk olaraq Britaniyanın Avropa Birliyini tərk etməsi ilə bağlı qərarı, ağırlaşdırılmış miqrasiya böhranı, qitəni təhdid edən terror və nəhayət, Rusiyadan gözlənilən təhlükə ilə bağlıdır. Bütün bunlar Avropa ordusunun yaradılmasını zərurət kimi önə çəkir. Xatırladaq ki, seçki nəticələrinin açıqlanmasından xeyli əvvəl Avropa Birliyinin komissarı Federika Moqerini Avropanın təhlükəsizlik və müdafiə siyasətində hərbi komponentləri gücləndirmək üçün təkliflər verəcəyini vəd etmişdi. Lakin bu ilin sentyabrında Fransa və Almaniya hərbi imkanları NATO ilə rəqabət aparacaq “birgə hərbi güc” yaratmaq üçün plan təqdim etdilər. Bu planın yekun müqaviləsinin yaxın aylarda öz təsdiqini tapacağı ehtimal edilir. Moqerini hələ ki, Avropa ordusunun yaradılması ilə bağlı Yunkerin təklifini dəstəkləmir. Amma xanım Moqerini Brüsseldə Avropa Birliyinə üzv ölkələrin baş qərargah rəhbərləri ilə görüş zamanı qeyd edib ki, təşkilata üzv olan ölkələrin XİN rəhbərləri müdafiə sahəsi ilə bağlı bəzi məsələləri müzakirə edəcək. Onun sözlərinə görə, bu plan xarici münaqişələrə qarşı AB-nin cavab qabiliyyəti, böhranlara qarşı AB-nin zəifləmiş müdafiə qabiliyyətini gücləndirmək və Avropa Birliyi və vətəndaşların qorunması kimi üç komponentdən ibarətdir. Xatırladaq ki, Avropa ordusunun yaradılmasının ən qatı tərəfdarı kimi Almaniya çıxış edir. Bundan başqa, Çexiya da bu təklifin tərəfdarı kimi çıxış edir. Lakin bir çox ölkələr, məsələn İngiltərə və Latviya elə ilk gündən bu ideyanın əleyhdarı kimi çıxış edirlər. Avropanın bəzi ölkələri isə NATO-nun Şərqi Avropada güclənəcəyinə ümid edərək gözləmə mövqeyindədir. Amma Trampın qələbəsindən sonra belə görünür ki, vəziyyət dəyişə bilər. Yəni, artıq Avropa öz gücünə ümid etməlidir. “Biz amerikalılara hər cəhətdən çox borcluyuq. Lakin unutmaq lazım deyil ki, onlar Avropada təhlükəsizliyin uzunmüddətli dayağı ola bilməzlər. Buna görə də biz özümüz yeni bir kurs həyata keçirməliyik. Avropa ordusunun yaradılması bu kursun əsas aspekti kimi dəyərləndirilməlidir”- deyə Yunker bildirib.
Ağasəf Babayev





 
Bölməyə aid digər xəbərlər
20.02.2019
İsrailin Baş naziri Moskvaya səfərini təxirə salıb
20.02.2019
İngiltərədə Mühafizəkarlar partiyasından olan üç deputat partiya sıralarını tərk edib
20.02.2019
Suriyanın yeni konstitusiyası hazırlanacaq
20.02.2019
Birlәşmiş Millәtlәr Tәşkilatı Suriya mәsәlәsi ilә bağlı xәbәrdarlıq edib
20.02.2019
Avstraliyadakı quraqlıq uşaqların psixi inkişafına mənfi təsir göstərir

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10607

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info