Tələbələrin bayram konserti
Tarix: 15.11.2016 | Saat: 21:37:00 | E-mail | Çapa göndər


Naxçıvan Dövlət Universitetinin İncəsənət fakültəsində Azərbaycan Respublikasının dövlət müstəqilliyinin bərpasının iyirmi beşinci ildönümünə və 17 Noyabr Milli Dirçəliş Gününə həsr olunmuş “Tarixin dərinliklərindən süzülüb gəlmiş Azərbaycan!” adlı konsert proqramı keçirilib.
Konsertdən öncə universitetin rektoru, AMEA-nın müxbir üzvü Saleh Məhərrəmov Azərbaycan xalqının milli müstəqillyin bugünkü nailiyyətlərindən, Milli Dirçəliş Gününün tarixindən danışıb. Qeyd olunub ki, milli müstəqilliyimizin yenidən qazanılmasının təməli məhz Naxçıvanda, ümummilli lider Heydər Əliyevin rəhbərliyi ilə taleyüklü tarixi qərarların qəbul edilməsi ilə qoyulub. Tarix boyu öz əlverişli siyasi-coğrafi mövqeyi, təbii sərvətlərinə görə işğal və əsarət zülmü ilə üz-üzə qalan Azərbaycan bu gün öz müstəqil siyasəti, demokratik inkişafı ilə beynəlxalq arenada qətiyyətli nüfuz və söz sahibinə çevrilib. Azərbaycan Respublikasının Prezidenti İlham Əliyevin “Azərbaycan Respublikasının dövlət müstəqilliyinin bərpasının iyirmi beşinci ildönümü haqqında” 11 oktyabr 2016-cı il tarixli Sərəncamının əhəmiyyətindən danışan rektor milli müstəqilliyin milli elm və təhsilin, mədəniyyət və incəsənətin tərəqqisindəki müstəsna rolunu vurğulayıb, bugünkü konserti həm də İncəsənət fakültəsini hesabatı kimi dəyərləndirib. Konsert Azərbaycan Respublikasının Dövlət Himni ilə başlayıb. İlk olaraq Naxçıvan Muxtar Respublikasının Əməkdar artisti, dosent Validə Hüseynovanın xormeysterliyi ilə Qara Qarayevin “Xoşbəxtlik” kontatası ifa olunub. Solo oxuma ixtisasının tələbələri İlkin Abdullayev, Rüstəm İbrahimov, Məhərrəm Quliyev tanınmış bəsətkarlardan Elza İbrahimova, Ələkbər Tağıyev və Əlibaba Məmmədovun repertuarından olan, vətən sevgisini tərənnüm edən mahnıları yüksək professionallıqla ifa ediblər. Fortepiano kafedrasının saathesabı müəllimi Bəhruz Quliyevin, Aktyor sənəti ixisası üzrə III kurs tələbəsi Ləman Vəliyevanın oxuduqları Faiq Sücəddinovun “Azərbaycanım” və Hüseyn Abdullayevin “Azərbaycan”, kvartetin ifa etdiyi “Azərbaycan, anaların anası” kimi mahnılar alqışlarla qarşılanıb. Fakültə dekanı, sənətşünaslıq üzrə fəlsəfə doktoru Günay Məmmədovanın şəxsi müşaiyəti ilə xor tərəfindən ifa olunan “Yaşasın müstəqil Azərbaycan!” adlı yeni mahnısı tədbirə bayram əhval-ruhiyyəsi bəxş edib. Konsert proqramı Azərbaycan xalqının dahi oğlu, mümummilli lider Heydər Əliyevin müdrik kəlamları ilə sona çatıb.

Mehriban Sultan
NDU-nun Mətbuat şöbəsinin müdiri




 
Bölməyə aid digər xəbərlər
21.09.2018
Cüdo üzrə dünya çempionatının açılış mərasimi keçirilib
21.09.2018
Ədliyyə naziri Ağstafada vətəndaşları qəbul edib
21.09.2018
Sumqayıtın ən innovativ startap layihələri bəlli oldu
21.09.2018
Ramin Quluzadə Qazaxda vətəndaşlarla görüşüb
21.09.2018
Leysan yağacaq, dolu düşəcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10128

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info