Qazaxıstan Prezidenti tərəfindən 5 medalla təltif edilən soydaşımız
Tarix: 16.11.2016 | Saat: 00:15:00 | E-mail | Çapa göndər


Vidadi Ağayev:
“Diaspor sahəsində uzun illərdir dayanmadan çalışırıq”

Qazaxıstanda fəaliyyət göstərən milli diaspor təşkilatlarının əsas amalı Azərbaycan həqiqətlərini yaymaq, yerli xalqla dostluq və qardaşlıq əlaqələrini möhkəmləndirmək, eləcə də soydaşlarımız arasında birliyə nail olmaqdır. Elə 2000-ci ildə Qazaxıstanın Astana şəhərində yaradılan Xəzər Azərbaycan Mədəniyyət Mərkəzi də bu istiqamətdə saysız işlər görüb. Mərkəzin sədri 35 ildən artıqdır ki, Qazaxıstanda yaşayan Vidadi Ağayevdir. Xatırladaq ki, V.Ağayev 24 may 1958-ci ildə Ağdərə rayonunun Sırxavənt kəndində anadan olub. Gənc yaşından inşaat sahəsində çalışır, ali təhsillidir. Qazaxıstanın Xalqlar Assambleyasının, Nur-Otan partiyasının,12 nəfərdən ibarət olan Astana şəhər sovetliyinin üzvüdür. Qazaxıstan Prezidenti Nursultan Nazarbayev tərəfindən 5 medalla təltif edilib.
-Qazaxıstanda azərbaycançılığınızı nə dərəcədə qoruyub saxlaya bilirsiz?
-Öncə, bütün xalqımızı Qazaxıstanın Astana şəhərində fəaliyyət göstərən Xəzər Azərbaycan Mədəniyyət mərkəzi adından salamlayıram. Həmişə adət-ənənələrimizi, dilimizi, bir sözlə, azərbaycançılığımızı qorumağa çalışmışıq. Ulu öndər Heydər Əliyevlə Nursultan Nazarbayevin qardaşlığı bizə ən böyük dəstək olub. Biz çox şadıq ki, bu qardaşlığı Prezident İlham Əliyev başda olmaqla bütün xalqımız davam etdirir. Bizə doğma olan qazax xalqı ilə Nazarbayev bütün türk xalqının dayağıdır. Biz Prezidentlərimizlə fəxr edirik.
-Qazaxıstanda Azərbaycan diasporunun təşkilatlanması prosesi hansı səviyyədədir və bu prosesin sürətlənməsində siz hansı işlər görürsüz?
-Diaspor sahəsində uzun illərdir dayanmadan çalışırıq. Dövlət tərəfindən təşkil olunan layihələrdə iştirak edirik. Azərbaycan həqiqətlərini hər il yerli camaata çatdırırıq. Azərbaycanın və Qazaxıstanın milli bayramlarını qeyd edirik. Xəzər Azərbaycan Mədəniyyət Mərkəzinin futbol komandası, rəqs ansamblı, Azərbaycan dili kursu fəaliyyət göstərir.
- Qazaxıstanda diasporumuzun nəsilləri arasında əlaqə hansı formadadır. Yəni, bildiyimiz kimi, ötən əsrin 20, 30, 40-cı illərində Azərbaycandan Qazaxıstana sürgün olunmuş insanlar var. Bu gün onlar özlərini Azərbaycan diasporu hesab edirlərmi?
-Keçən əsrdə sürgün olunmuş həmyerlilərimiz ilə sıx münasibətimiz var. Bu da əbədidir. Onlar həm Azərbaycan, həm də türk mədəniyyət mərkəzləri ilə əlaqələrini kəsmirlər. Biz hamımız birik.
- Azərbaycanın Qazaxıstandakı səfirliyi sizin hər hansı problemlərinizin həll olunmasında köməklik göstərirmi?
-Səfirlik ilə həmişə münasibətimiz yaxşı olub və olacaq da. Burada yaşayan Azərbaycan vətəndaşlarının hər hansısa sənəd problemi olanda səfirlik öz dəstəyini edir. Birlikdə tez-tez tədbirlər də keçiririk. Səfirliyimiz, xüsusən də, bu ildən daha fəal çalışmağa başlayıb.
-Yerli xalqla münasibətiniz necədir?
-Burada yerli xalq ilə qardaşlığı qoruyuruq. Ermənilərdən başqa, bütün xalqlara sevgimizi, hörmətimizi göstəririk.
Türk dünyası 20-ci əsrdə 3 dahi lider yetişdirib; Mustafa Kamal Atatürk, ulu öndər Heydər Əliyev, Nursultan Nazarbayev. Türkiyə, Azərbaycan və Qazaxıstan- bu dövlətlərimizin yaranmasında, inkişafında, müstəqil dövlət kimi bütün dünyaya tanınmasında böyük əməyi olan əbədi liderlərimiz həmişə yaşayıb, yaşayır və yaşayacaqlar.
F. Hüseynzadə




 
Bölməyə aid digər xəbərlər
15.01.2019
Ukraynada oxucuların rəğbətini qazanan azərbaycanlı yazıçı
15.01.2019
Azərbaycan Sənaye Korporasiyasının fəaliyyətinin əsas məqsədi istehsal potensialının gücləndirilməsinə nail olmaqdır
15.01.2019
İran regionda təhlükəsizlik və sabitliyin daha da artması üçün Dağlıq Qarabağ münaqişəsinin həllinə töhfə verməyə hazırdır
14.01.2019
“Azərbaycan Ermənistanı regionda təcrid vəziyyətə salıb”
12.01.2019
Avropa parlamentləri Ermənistanın “konyak diplomatiyası“nda adı keçən siyasətçilərin fəaliyyətlərini ifşa edən araşdırmalar aparmalıdırlar

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 “Mənim güc mənbəyim Bakıdadır”
3 Mehman Hüseynov Prezident İlham Əliyevə müraciət ünvanlayıb
4 Ahmet Gencehan Babiş: “Türkiyənin Azərbaycanın razı olmayacağı bir işdə olması mümkün deyil”
5 Azərbaycanın Birinci vitse-prezidenti Mehriban Əliyeva Nikola Sarkozi ilə görüşüb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info