ADPU-nun rektoru Cəfər Cəfərov Finlandiya və Estoniyanın təhsil ekspertləri ilə görüşüb
Tarix: 16.11.2016 | Saat: 16:26:00 | E-mail | Çapa göndər


Azərbaycan Dövlət Pedaqoji Universitetinin (ADPU) rektoru, professor Cəfər Cəfərov universitetdə Finlandiya və Estoniyanın təhsil ekspertləri Rauko Hamalainen, Reyt Tompere və Orjan Anderson ilə görüşüb. Görüşdə Təhsil Nazirliyinin Elm, ali və orta ixtisas təhsili şöbəsinin baş məsləhətçisi Tofiq Əhmədov, ADPU-nun Təhsilin İdarə Olunması və Tədris Texnologiyaları Mərkəzinin direktoru, dosent Sənan Əliyev, Beynəlxalq əlaqələr üzrə prorektoru Nigar Abbaszadə iştirak ediblər.
Rektor Cəfər Cəfərov qonaqları salamlayaraq onlara rəhbərlik etdiyi ali təhsil müəssisəsi haqqında məlumat verib. Bildirib ki, ADPU 1921-ci ildə yaradılıb. Fəaliyyət göstərdiyi 95 il ərzində ADPU ölkəmizdə elm və təhsilin inkişafına böyük töhfələr verib. Hazırda ADPU-da 8 fakültə -Filologiya, Tarix və coğrafiya, Riyaziyyat və informatika, Kimya və biologiya, Fizika və texnologiya, Məktəbəqədər təhsil, Psixoloji xidmət və korreksiyaedici təlim, Musiqi, təsviri incəsənət, fiziki tərbiyə və çağırışaqədər hazırlıq, İbtidai təhsil fakültələri, Magistratura və doktorantura şöbəsi, Davamlı təhsil və təlim şöbəsi, həmçinin SABAH qrupları var. ADPU-nun tərkibində 5 filial-Ağcabədi, Cəlilabad, Quba, Şəki və Şamaxı filialları və Azərbaycan Dövlət Pedaqoji Kolleci fəaliyyət göstərir. Təhsil naziri cənab Mikayıl Cabbarovun müvafiq əmri ilə Bakı şəhərindəki Məmməd Rahim adına 7 nömrəli tam orta məktəb builki tədris ilindən ADPU-nun baza məktəbi kimi müəyyənləşib. Bu gün ADPU-da filiallar və Pedaqoji Kolleclə birlikdə təxminən 20 minə yaxın tələbə təhsil alır. ADPU-da ali təhsilin bakalavriat səviyyəsində 22 ixtisas, magistratura səviyyəsində isə 18 ixtisas üzrə pedaqoji kadr hazırlanır. Ölkə rəhbərliyi təhsil sahəsinə, o cümlədən pedaqoji təhsilə və müəllim hazırlığına xüsusi diqqət və qayğı göstərir. Rektor Finlandiya və Estoniya ali təhsil müəssisələrinin yaratdığı Rektorlar Konfransı kimi təşkilatların ali məktəblərin inkişafı üçün faydalı platforma olduğunu qeyd edib.
Məlumat üçün bildirək ki, Təhsil Nazirliyinin dəstəyi ilə həyata keçirilən “Twinninq” layihəsi Azərbaycan ali təhsilini Avropanın ali təhsil məkanına daha da yaxınlaşdırmaq, ali təhsil müəssisələri arasında əlaqələri inkişaf etdirmək, müxtəlif platformaların yaradılmasında Avropa təcrübəsini bölüşmək məqsədi daşıyırdı. Qeyd etmək lazımdır ki, layihə çərçivəsində yaradılan İşçi Qrupu ADPU-da sentyabr, oktyabr və noyabr aylarında təlimlər keçirib.
Finlandiya və Estoniyanın təhsil ekspertləri səmimi və işgüzar şəraitdə keçən görüşdən məmnun qaldıqlarını bildirərək öz ölkələrində olan təcrübələri bölüşüb və bunların bir çoxundan Azərbaycan ali təhsil müəssisələrinin faydalana biləcəyini qeyd ediblər.

Nigar




 
Bölməyə aid digər xəbərlər
19.11.2018
Mətbuat Şurası ilə Rusiya Jurnalistlər İttifaqı arasında əməkdaşlıq haqqında Memorandum imzalanıb
19.11.2018
“Azərbaycanda sosial müdafiə sisteminin inkişafı: dünən, bu gün, sabah” mövzusunda müsabiqə elan edildi
19.11.2018
Türkdilli dövlətlərin PR mütəxəssisləri Bakıya gələcəklər
19.11.2018
Qaradağ məktəbliləri “Ölkəmizi tanıyaq” tur-aksiya çərçivəsində yola salındılar
19.11.2018
KİV nümayəndələri “Mazımçay“ gömrük postundakı yeniliklərlə tanış olublar

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 “Gedir dayanmadan zamanın köçü”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info