Aleksandr Mirlin: “Bakı Humanitar Forumu ümumi maraqlar və təmas nöqtələri axtarmağın zəruri olduğunu nümayiş etdirdi”
Tarix: 16.11.2016 | Saat: 16:51:00 | E-mail | Çapa göndər


V Bakı Beynəlxalq Humanitar Forumunda 13 Nobel mükafatı laureatının iştirak etməsi faktı bu tədbirin miqyasını səciyyələndirir: belə hallar hətta Stokholmda və Osloda da olmur.
Məşhur latış jurnalisti, professor Aleksandr Mirlin bu fikirləri AZƏRTAC-a müsahibəsində söyləyib.
A.Mirlin deyir ki, onun fikrincə, Bakı Humanitar Forumu qarşıdurma vəziyyətində olmaqdansa ümumi maraqlar və təmas nöqtələri axtarmağın, başqa sözlə desək, multikulturalizm prinsipinə riayət etməyin zəruri olduğunu nümayiş etdirdi. Multikulturalizm kimi mühüm siyasi resursla əlaqədar “İnformasiya dövründə jurnalistikanın transformasiyası və sivilizasiyalararası dialoqun təmin edilməsində onun rolu” mövzusunda “dəyirmi masa” iclasında jurnalistikanın Qərb dünyası – İslam ölkələri və sair yeni yaranmış müxtəlif siyasi sistemlərə qarşı mübarizə vasitəsi kimi yeni rolu müəyyən edilib.
A.Mirlin forumun açılışında Prezident İlham Əliyevin nitqini xüsusi qeyd edərək vurğulayıb ki, Azərbaycan dövlətinin başçısı öz nitqində həm İslam dünyası, həm də Avropa üçün ortaq təhlükələr barədə çox səmimi danışdı. A.Mirlin əmindir ki, bu gün Avropa həmin təhdidləri ört-basdır etməyə çalışır.
Aleksandr Mirlin əmindir ki, hələ XX əsrin əvvəlində multikulturalizm ideyası bir-birindən uzaq olan Azərbaycan ilə Latviyanı birləşdirirdi. O dövrdə latış ziyalılarının bir sıra görkəmli nümayəndələri ölkələrimiz arasında əlaqə yaradırdı. Jurnalist deyir: “Mən öyrənmişəm ki, 1916-1922-ci illərdə Bakı Opera Teatrının orkestrinə latviyalı bəstəkar Yazeps Medinş dirijorluq edib. Bu fakt ilk baxışda çox fərqli olan ölkələrimizin mənəvi cəhətdən bir-birinə yaxınlığının səbəbini anlamağa əsas verir”.
Latviyalı jurnalist, professor A.Mirlin Azərbaycan paytaxtı barədə təəssüratlarını bölüşərək deyib: “Humanitar Forumun keçirildiyi Heydər Əliyev Mərkəzi öz qeyri-adi memarlıq üslubu ilə yadımda qalıb. Bu binanı görən kimi düşünürsən ki, onunla Bilbaodakı Quqqenhaym Muzeyi arasında bir oxşarlıq var”.
Mahmud




 
Bölməyə aid digər xəbərlər
23.02.2019
“Qoy əfqan xalqı öz liderini özü seçsin“
22.02.2019
Özəl telekanallarda yayımlanan bayağı seriallar bizi çox narahat edir
22.02.2019
Müxalifət özü də bilir ki, bu aksiyalar mənasızdır, xalqın iradəsini ifadə etmir
22.02.2019
“Talibana hərbi təzyiq göstərməyə davam edəcəyik“
22.02.2019
Azərbaycan “Şimal-Cənub” nəqliyyat dəhlizinin regional qovşaqlarından biridir

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info