Alman şirkətləri tranzit yükdaşımaları üçün Azərbaycan marşrutundan istifadə edir
Tarix: 17.11.2016 | Saat: 00:00:00 | E-mail | Çapa göndər


Bir sıra alman şirkətlərinin Azərbaycanın işğal olunmuş ərazilərində fəaliyyət göstərməsi yolverilməzdir

Kənd təsərrüfatı texnikasının istehsalı sahəsində Almaniya təcrübəsi əsasında birgə müəssisə yaradıla bilər
İqtisadiyyat naziri Şahin Mustafayev Almaniya Federativ Respublikasının Azərbaycandakı fövqəladə və səlahiyyətli səfiri Mixael Kindsqrabı qəbul edib. İqtisadiyyat Nazirliyinin mətbuat xidmətindən “Palitra”ya bildiriblər ki, nazir Şahin Mustafayev Avropa İttifaqı ölkələri, xüsusilə Almaniya ilə əməkdaşlığın genişləndirilməsinə böyük önəm verildiyini diqqətə çatdırıb.
Şahin Mustafayev vurğulayıb ki, Azərbaycan Prezidentinin bu ilin iyun ayında Almaniyaya səfəri zamanı rəsmilərlə bir sıra görüşlər keçirilib. Səfər çərçivəsində təşkil edilən Almaniya-Azərbaycan biznes-forumuna iş adamlarının göstərdiyi maraq ölkələrimiz arasında iqtisadi əməkdaşlığın genişləndirilməsi üçün böyük potensialın olmasından xəbər verir. Ölkələrimiz ticarət, investisiya, maliyyə, səhiyyə, təhsil və digər sahələrdə əməkdaşlıq edir. Alman şirkətləri “Cənub Qaz Dəhlizi” layihəsində iştirak edirlər. Tvinninq layihəsi üzrə əməkdaşlıq çərçivəsində 11 layihə icra edilib, 3 layihənin icrası isə davam etdirilir. Sumqayıt Kimya Sənaye Parkında Almaniya təcrübəsi əsasında sənaye sahəsində Peşə Tədris Mərkəzi yaradılır. Birgə proqram çərçivəsində 2009-2016-cı illərdə 300-ə yaxın sahibkar və gənc menecer Almaniyada ixtisasartırma kursu keçib. Şahin Mustafayev Azərbaycan iş adamlarının 2017-ci ildə Almaniyanın Berlin, Köln və Düseldorf şəhərlərində keçiriləcək bir çox sərgilərdə iştirak edəcəyini qeyd edib. Diqqətə çatdırılıb ki, 24-25 noyabr tarixlərində Bakıda 6-cı iclası keçiriləcək Ticarət və İnvestisiyalar üzrə Almaniya-Azərbaycan Yüksək səviyyəli İşçi Qrupunun, eləcə də Alman-Azərbaycan Xarici Ticarət Palatasının fəaliyyəti ölkələrimiz arasında əlaqələrin inkişafında əhəmiyyətlidir. Ölkəmizdə biznes və investisiya mühitinin yaxşılaşdırılması, sahibkarlığın inkişafı sahəsində həyata keçirilən iqtisadi islahatlardan danışan iqtisadiyyat naziri alman iş adamlarını yaradılmış əlverişli imkanlardan yararlanmaqla fəal əməkdaşlığa dəvət edib. Qeyd olunub ki, əczaçılıq, kənd təsərrüfatı, tranzit və logistika sahələrində əməkdaşlıq üçün böyük potensial var. Kənd təsərrüfatı texnikasının istehsalı sahəsində Azərbaycan Almaniya təcrübəsi əsasında birgə müəssisə yaradıla bilər. “Cənubi Qafqaz regionunda alman məskənlərinin salınmasının 200 illiyi haqqında” Prezidentin sərəncamı Azərbaycan-Almaniya humanitar, eləcə də turizm əlaqələrinin genişlənməsində mühüm əhəmiyyət kəsb edir. Ermənistan-Azərbaycan, Dağlıq Qarabağ münaqişəsi ilə bağlı ölkəmizin ədalətli mövqeyini səfirin diqqətinə çatdıran Şahin Mustafayev bir sıra alman şirkətlərinin Azərbaycanın işğal olunmuş ərazilərində fəaliyyət göstərməsinin yolverilməz olduğunu vurğulayıb. Almaniya Federativ Respublikasının səfiri Mixael Kindsqrab Azərbaycandakı fəaliyyətindən məmnunluğunu bildirib, Azərbaycan Respublikası Prezidentinin 2016-cı ilin iyun ayında Almaniyaya səfərinin əhəmiyyətini vurğulayaraq, dövlət başçısının səfər çərçivəsində keçirilmiş biznes-forumdakı çıxışının alman iş adamlarına azərbaycanlı həmkarları ilə əlaqələrin genişləndirilməsinə əlavə stimul verdiyini və alman şirkətlərinin ölkəmizə marağını artırdığını diqqətə çatdırıb. Səfir Mixael Kindsqrab Almaniyanın “Cənub Qaz Dəhlizi” layihəsini dəstəklədiyini vurğulayıb. Qeyd olunub ki, tranzit və logistika sahəsində də əməkdaşlığın genişləndirilməsi imkanları böyükdür və artıq bir sıra alman şirkətləri tranzit yükdaşımaları üçün Azərbaycan marşrutundan istifadə edir. Səfir Mixael Kindsqrab Azərbaycanın işğal olunmuş ərazilərində alman şirkətlərinin fəaliyyət göstərməsi məsələsinin Almaniya hökumətinin diqqətinə çatdıracağını bildirib.
Anar




 
Bölməyə aid digər xəbərlər
18.11.2018
Azərbaycan və Belarus “Şimal-Cənub“ layihəsi çərçivəsində saziş imzalayıblar
18.11.2018
İsveçrə Azərbaycan iqtisadiyyatına 850 milyon dollardan çox investisiya yerləşdirib
17.11.2018
On ayda neft sektoruna 5 milyard manatadək vəsait yönəldilib
17.11.2018
Azərbaycanda 32,2 milyon ton neft və 15,5 milyard kubmetr əmtəəlik qaz çıxarılıb
17.11.2018
Azərbaycan nefti bahalaşıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10498

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info