ABŞ standartlarını Azərbaycanda tətbiq etməkdə maraqlıdır
Tarix: 17.11.2016 | Saat: 19:08:00 | E-mail | Çapa göndər


Standartlaşdırma, Metrologiya və Patent üzrə Dövlət Komitəsinin rəsmiləri ilə Sınaq və Materiallar üzrə Amerika Cəmiyyətinin nümayəndə heyəti arasında görüş keçirilib.
 
Komitədən verilən məlumata görə, Azərbaycan Standartlaşdırma və Sertifikatlaşdırma İnstitutu və Sınaq və Materiallar üzrə Amerika Cəmiyyəti arasında əməkdaşlığa dair Anlaşma Memorandumunun imzalanması məsələsi görüşün əsas müzakirə mövzusu olub.
 
Müzakirələrin nəticəsində hər iki qurum arasında Anlaşma Memorandumunun imzalanmasına dair razılıq əldə edilib. İmzalanacaq Memorandum layihəsində Sınaq və Materiallar üzrə Amerika Cəmiyyətinin hazırladığı standartların Azərbaycan ərazisində tətbiq edilməsi, standartların işlənməsinə dair beynəlxalq təcrübənin öyrənilməsi və yerli kadrların bilik və bacarıqlarının artırılması üçün müvafiq sahədə ortaq treninqlər və təlimlərin, eləcə də ekspertlərin qarşılıqlı səfərlərinin təşkil edilməsi kimi məsələlər öz əksini tapıb.
 
Sınaq və Materiallar üzrə Amerika Cəmiyyəti 1898-ci ildə ABŞ-da yaradılmış beynəlxalq qeyri-hökumət təşkilatıdır. Təşkilat materiallar, məhsullar, sistem və xidmətlər üzrə könüllü standartların işlənib hazırlanması ilə məşğul olur. Təşkilatın standartları Ümumdünya Ticarət Təşkilatının prinsipləri əsasında hazırlanır. Cəmiyyətin hazırladığı 12000-dək bazaryönümlü standartdan 5000-i dünyanın 60-dək ölkəsində milli standart kimi qəbul edilib. Təşkilatda 140 ölkədən 32000-dək biznes qurumu, istehlakçı birlikləri, elmi müəssisələr təmsil olunur. Eyni zamanda təşkilatda 140 adda standartlaşdırma üzrə texniki komitə fəaliyyət göstərir. Texniki komitələr metal konstruksiyaları, neft, istehlak malları, eləcə də nanotexnologiyalar və sənaye biotexnologiyaları sahələri üzrə ixtisaslaşıblar.
 
Təşkilatın mənzil qərargahı ABŞ-ın Pensilvaniya ştatında yerləşir və Belçika, Çin, Kanadada regional mərkəzləri fəaliyyət göstərir.

Tural




 
Bölməyə aid digər xəbərlər
18.01.2019
Azərbaycan nefti bahalaşıb
17.01.2019
Qeyri-neft sektorunda həyata keçirilmiş ən böyük layihə
17.01.2019
Energetika Nazirliyi Serbiya Prezidentinin Rusiya mətbuatına açıqlamasına münasibət bildirib
17.01.2019
Özəl televiziyalara birdəfəlik maliyyə yardımı ayrılıb
17.01.2019
Neftçalada Regional Forum keçirilib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10564

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Dərslər təxirə salındı
5 Hüseyn Babayev AAF-ın vitse-prezidenti təyin edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info