“Ölkəmizi tanıyaq”: “Göygöl məktəbliləri şimal bölgəsinə səfərə yollanıblar”
Tarix: 17.11.2016 | Saat: 19:43:00 | E-mail | Çapa göndər


Göygöl rayon ümumtəhsil məktəblərinin şagirdlərindən ibarət qrup noyabrın 17-də “Ölkəmizi tanıyaq” layihəsi çərçivəsində maarifləndirici tur-aksiyaya qoşulublar.
AZƏRTAC xəbər verir ki, Göygöl rayon Heydər Əliyev Mərkəzinin qarşısında şəhər rəhbərliyinin, təhsil işçilərinin və valideynlərin iştirakı ilə tur-aksiya iştirakçılarının, eləcə də onları müşayiət edən qrup rəhbərləri və müəllimlərin Qəbələ-Şəki-Zaqatala istiqaməti üzrə yolasalma mərasimi keçirilib.
Məktəblilər əvvəlcə ümummilli lider Heydər Əliyevin abidəsini ziyarət edib, dahi rəhbərin xatirəsinə ehtiramlarını bildiriblər.
Mərasimdə qeyd edilib ki, iştirakçılar tur-aksiya çərçivəsində Qəbələ rayonunda Heydər Əliyev adına Konqres Mərkəzi, ”Qəbələnd” İstirahət Mərkəzi, “Tufandağ” Qış-Yay Turizm Kompleksi, “Beltmann” pianino və Qəbələ konserv zavodları ilə tanış olacaq, Çuxur Qəbələ Tarix və Mədəniyyət Qoruğuna, Nohur gölünə, Vəndam şəlaləsinə, udinlərin yaşadığı Nic kəndinə ekskursiya edəcəklər. Tur çərçivəsində qonaqlar Şəki Dövlət Tarix-Memarlıq Qoruğu, Şəki Xan Sarayı, Yuxarı Karvansaray, Aşağı Karvansaray, Cümə məscidi və Kiş kəndində yerləşən qədim alban məbədi ilə tanış olacaq, sənətkarlar məhəlləsinə baş çəkəcəklər. Zaqatala rayonunda isə Zaqatala Tarix-Mədəniyyət Qoruğu, Dədə Qorqud Meydanı ilə tanış olacaq, fındıq emalı müəssisəsinə baxış keçirəcəklər.
Yolasalma mərasimində çıxış edən Göygöl Rayon İcra Hakimiyyətinin müavini Kəmalə İbrahimova bildirib ki, Prezident İlham Əliyevin tapşırığına əsasən həyata keçirilən “Ölkəmizi tanıyaq” maarifləndirici tur-aksiyası Azərbaycanın qədim tarixinin, zəngin mədəniyyətinin, adət-ənənələrinin, eləcə də müstəqillik illərində qazandığı iqtisadi-sosial, mədəni uğurlarının yaxından öyrənilməsində mühüm əhəmiyyət daşıyır. Həmçinin tur-aksiya şagirdlərin tədrisdə qazandıqları nəzəri bilikləri möhkəmləndirəcək, onların ölkələrinə bağlılıqlarını daha da artıracaq.
Təhsil işçiləri və valideynlər şagirdlərə səfərlə bağlı tövsiyələrini verib, onlara mənalı istirahət və zəngin təəssüratlar arzulayıblar.
Mərasim başa çatdıqdan sonra məktəblilər və qrup rəhbərləri onlar üçün ayrılmış avtobusla şimal bölgəsinə yola düşüblər.

Mahmud




 
Bölməyə aid digər xəbərlər
13.11.2018
“Bakcell”in dəstəyi ilə keçirilmiş M.A.P. Festivalı teatr həvəskarlarına unudulmaz təəssüratlar bəxş edib
13.11.2018
Gömrük əməkdaşları üçün seminar təşkil edilib
13.11.2018
“Dini radikalizmi doğuran əsas səbəblərdən biri İslam haqqında biliklərin az olmasıdır“
13.11.2018
“Nərimanov“ elektrik deposunda qatarlara texniki baxış sahəsi yenidən qurulur
13.11.2018
1100-dək kiçik ailə təsərrüfatı yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10462

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info