130 müharibə əlilinə avtomobil verilib
Tarix: 17.11.2016 | Saat: 20:11:00 | E-mail | Çapa göndər


Əmək və Əhalinin Sosial Müdafiəsi Nazirliyi tərəfindən 130 nəfər müharibə əlili və onlara bərabər tutulan şəxsə “NAZ-Lifan” markalı minik avtomobilləri təqdim olunub.
Nazirliyin İctimaiyyətlə əlaqələr şöbəsindən verilən məlumata görə, onlardan 97 nəfəri Qarabağ müharibəsi əlili, 4 nəfəri İkinci Dünya müharibəsi əlili, 12 nəfəri hərbi xidmət vəzifələrini yerinə yetirərkən əlil olmuş vətəndaş, 14 nəfəri Çernobıl AES əlili, 3 nəfəri isə 20 Yanvarəlilidir.
 
Avtomobillərin təqdim olunması tədbirində Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun direktoru Zakir Babayev, əlil ictimai birliklərinin rəhbərləri iştirak edib. Z.Babayev Azərbaycan prezidenti İlham Əliyevin müharibə əlilləri və onlara bərabər tutulan vətəndaşlara diqqət və qayğısından bəhs edib, həmin insanların sosial təminatının gücləndirilməsi istiqamətində görülən işləri diqqətə çatdırıb: “Dövlət başçısının 23 dekabr 2013-cü il tarixli və 30 aprel 2014-cü il tarixli Sərəncamları bu istiqamətdə əhəmiyyətli addımların atılmasına şərait yaradıb. Həmin Sərəncamlara uyğun olaraq Əmək və Əhalinin Sosial Müdafiəsi Nazirliyi tərəfindən 2014-2015-ci illərdə 1933 nəfər müharibə əlili və onlara bərabər tutulan şəxsə “NAZ-Lifan” markalı avtomobili verilib. Bununla da  2014-cü ilədək növbədə dayanan bütün imtiyazlı şəxslər, hətta 2014-cü il ərzində növbəyə dayananların da bir hissəsi avtomobillə təmin edilib”.
 
Fondun direktoru müharibə əlillərinin, onlara bərabər tutulan şəxslərin Azərbaycan Prezidentinin aylıq təqaüdləri, əmək pensiyası və ya sosial müavinətlə təmin edildiklərini, bu sosial ödənişlərin mütəmadi olaraq artırıldığını qeyd edib. Müharibə əlilləri və şəhid ailələrinin mənzillə təminatı proqramından da bəhs edən Z.Babayev bu istiqamətdə aparılan işlərin davamı olaraq, cari ilin ötən dövründə Əmək və Əhalinin Sosial Müdafiəsi Nazirliyi tərəfindən 252 nəfər Qarabağ müharibəsi əlili və şəhid ailəsinin mənzillə təmin olunduğunu diqqətə çatdırıb. O, əlillərin tibbi-sosial reabilitasiyası sahəsində aparılan işlərə də toxunub, bu işlərin davamı kimi cari ilin 10 ayı ərzində 19,5 min nəfərdən çox əlilliyi olan şəxsə bərpa-müalicə və protez-ortopedik xidmətlər göstərildiyini bildirib.
Əlil ictimai birliklərinin rəhbərləri ölkəmizdə əlilliyi olan şəxslərin həyat səviyyəsinin yaxşılaşdırılması sahəsində icra olunan sosial proqramlardan razılıqla bəhs ediblər. Onlar bu sahədə görülən işlərin, eləcə də hazırda daha 130 nəfər  müharibə əlili və onlara bərabər tutulan şəxsə minik avtomobili verilməsinin əlillərə dövlət qayğısının əyani təsdiqi olduğunu vurğulayıblar.
 
Yeni avtomobillə təmin olunan imtiyazlı şəxslər ölkəmizdə sosial cəhətdən həssas qrupların maddi təminatlarının yaxşılaşdırılması və rifah halının yüksəldilməsi  istiqamətində aparılan işləri yüksək dəyərləndiriblər. Müharibə əlilləri və onlara bərabər tutulan şəxslər onlara göstərilən hərtərəfli qayğıya, bu gün isə minik avtomobilləri ilə təmin olunduqlarına görə Prezident İlham Əliyevə minnətdarlıqlarını vurğulayıblar.
Tural




 
Bölməyə aid digər xəbərlər
21.08.2019
Bakıda yeni liftlərin quraşdırılması davam edir
20.08.2019
Bakıdan avtobusla Naxçıvana gedənlərə şad xəbər
20.08.2019
Azərbaycanın avtomobil bazarında qiymətlər necə dəyişəcək?
20.08.2019
Daha 185 şəhid vərəsəsinə birdəfəlik ödəmə verilməsinə dair qərar qəbul olunub
19.08.2019
Azərbaycanda əhaliyə bu xidmət pulsuz göstəriləcək – Qaydalar təsdiqləndi

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10867

1 750 mindən çox vətəndaşın pensiyasında artım olacaq
2 Azərbaycana qarşı casusluq edən 128 nəfər aşkar edilib
3 Bakıdan avtobusla Naxçıvana gedənlərə şad xəbər
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info