“Qarabağ müharibəsi əlilləri və şəhid ailələri üçün fərdi evlərin tikintisi işləri davam etdirilir”
Tarix: 18.11.2016 | Saat: 18:01:00 | E-mail | Çapa göndər


Əmək və əhalinin sosial müdafiəsi naziri Səlim Müslümov Qusar rayonunda bu rayonun və Quba, Xaçmaz, Şabran, Siyəzən rayonlarının sakinlərini fərdi qaydada qəbul edib.
Vətəndaşlar əsasən sosial müdafiə, imtiyazlı şəxslərin dövlət büdcəsi hesabına mənzillə təmin edilməsi, əmək hüquqlarının müdafiəsi, pensiya hüququnun müəyyən olunması, məşğulluq, aktiv əmək bazarı proqramlarına, o cümlədən peşə hazırlığına cəlb edilmə, reabilitasiya vasitəsi və protez-ortopedik məmulatla təmin olunma, bərpa müalicəsinə köməklik göstərilməsi və s. məsələlərlə bağlı müraciət ediblər. Müraciətlərə diqqət və həssaslıqla yanaşılıb, onların obyektiv şəkildə cavablandırılması, sorğu xarakterli müraciətlərlə bağlı vətəndaşlara hüquqi izahatların verilməsi təmin olunub. Bir sıra şəxslərin müraciətlərində əksini tapan məsələlərin həlli ilə əlaqədar nazirliyin aidiyyəti struktur bölmələrinin məsul şəxslərinə tapşırıqlar verilib.
Mənzillə təmin edilmə barədə müraciətlərin cavablandırılması zamanı S.Müslümov Azərbaycan Prezidenti İlham Əliyevin 20 iyun 2014-cü il tarixli Sərəncamına uyğun olaraq Qarabağ müharibəsi əlilləri və şəhid ailələrinin mənzillə təminatı istiqamətində məqsədyönlü işlərin aparıldığını diqqətə çatdırıb: “Həmin Sərəncamla görülən işlər çərçivəsində Qusar, Quba, Xaçmaz, Şabran, Siyəzən rayonlarında da 22 fərdi yaşayış evi inşa etdirilərək Qarabağ müharibəsi əlilləri və şəhid ailələrinə təqdim olunub. Hazırda da bu rayonlarda həmin təbəqələrə aid şəxslər üçün fərdi evlərin tikintisi işləri davam etdirilir”.
Bir sıra şəxslərin işlə təmin edilmək barədə müraciətləri nəzərə alınaraq, onlara yaşadıqları ərazi üzrə boş (vakant) iş yerləri təklif olunub və seçdikləri vakant iş yerlərinə göndərişlər verilib. S.Müslümov nazirliyin məşğulluq orqanlarının xətti ilə cari ilin yanvar-oktyabr ayları ərzində bu beş rayon üzrə ümumilikdə 3339 nəfər işaxtaran və işsiz şəxsin münasib işlərlə, habelə 70 nəfərin ödənişli ictimai işlərlə təmin edildiyini, 36 nəfərin peşə hazırlığı və əlavə təhsil kurslarına cəlb olunduğunu bildirib: “Özünüməşğulluq proqramı bu rayonların sakinlərini də əhatə edir. Qusar, Quba, Xaçmaz, Şabran, Siyəzən rayonları üzrə həmin proqramda iştirak etmək üçün müraciət edən 92 nəfər işaxtaran və işsiz şəxs bununla əlaqədar təlim kurslarına cəlb olunublar və hazırda biznesin təşkili ilə bağlı zəruri bilik və bacarıqlara yiyələnirlər”.
Qəbul zamanı müraciətləri əsasında iki nəfər əlilliyi olan şəxs əlil arabası ilə təmin edilib. S.Müslümov həmçinin ayrı-ayrı şəxslərin bərpa müalicəsi və protez-ortopedik xidmətlə təmin olunması üçün qeydiyyata alınmalarını tapşırıb: “Nazirliyin səyyar tibbi-texniki briqadası qrafik əsasında bölgələrə, o cümlədən hazırda sakinlərini qəbul etdiyimiz rayonlara ezam olunur və əlillər elə yaşadıqları rayon və ya şəhərdə ehtiyac duyduqları protez-ortopedik xidmətlərlə təmin edilirlər. Məsələn, bu ilin aprel ayında Qusar, Quba, Xaçmaz, Şabran, Siyəzən rayonlarında 166 nəfər əlil və sağlamlıq imkanları məhdud uşağa səyyar formada protez-ortopedik xidmətlər göstərilib”.
Qəbula gələn vətəndaşlar respublika əhalisinin rifah halının yaxşılaşdırılması, regionların sosial-iqtisadi inkişafı, bölgələrdə yaşayan insanların məşğulluq imkanlarının artırılması yönündə görülən mühüm işlərə görə Azərbaycan Prezidenti cənab İlham Əliyevə minnətdarlıqlarını ifadə ediblər.
Qəbul zamanı nazirliyin səlahiyyət dairəsinə aid olmayan məsələlərə dair müraciətlər aidiyyəti qurumlara çatdırılmaq üçün qeydiyyata alınıb.
Tural




 
Bölməyə aid digər xəbərlər
23.09.2018
Səkkiz ayda hər bir sakin 554,5 manatlıq ödənişli xidmətlərdən istifadə edib
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib
20.09.2018
Qafqaz Müsəlmanları İdarəsində qanvermə aksiyası keçirilib
20.09.2018
İqtisadiyyat naziri Gəncədə vətəndaşları qəbul edəcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10131

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info