Derya Örs: “Naxçıvan təkcə Azərbaycan üçün deyil,  bütövlükdə türk dünyası üçün əhəmiyyətli bir diyardır”
Tarix: 21.11.2016 | Saat: 15:41:00 | E-mail | Çapa göndər


Türk dünyasının göz bəbəyi olan Naxçıvan bəşəriyyətin, insanlığın ilkin mədəniyyət ocağı, qədim türk torpağı kimi çox böyük əhəmiyyətə malikdir.
Türkiyə Respublikasının Nazirlər Kabinetinin Atatürk Kültür, Dil və Tarix Yüksək Qurumunun başqanı Derya Örs AZƏRTAC-ın müxbirinə müsahibəsində belə deyib.
Noyabrın 17-18-də Naxçıvan şəhərində keçirilən “Mərkəzi Araz hövzəsi tarix və mədəniyyət fonunda” adlı ikigünlük beynəlxalq elmi simpoziumun təşkilatçılarından birinin də Atatürk Kültür, Dil və Tarix Yüksək Qurumu olduğunu qeyd edən Derya Örs vurğulayıb ki, simpoziumda çıxış edən alimlərin elmi məruzələri kitab halında çap olunacaq və beləliklə, Türkiyə və Azərbaycanda daha böyük kütləyə çatdırılacaq. Bu kitablar həm də elmi araşdırmalarda mənbəyə çevriləcək.
O deyib: “Tarixən bu diyarda formalaşan böyük mədəniyyət Naxçıvanla bərabər, Şərqi Anadolunu da əhatə edib. Bu coğrafiyada formalaşan mədəniyyət, yüzillər ərzində var olan maddi-mədəniyyət nümunələri bizim milli sərvətimizdir. Bu torpaqda yetişmiş tarixi şəxsiyyətlərin adları gördükləri işlər ilə tarixə qızıl hərflərlə yazılıb. Buna görə də Mərkəzi Araz hövzəsindəki dini-mədəni, iqtisadi-siyasi həyatın tarixi dövrlərdə inkişafı, o cümlədən digər mühüm tarixi proseslərin Azərbaycandan və Türkiyədən olan tanınmış elm xadimləri tərəfindən birgə müzakirə olunması önəmlidir. Biz iki qardaş ölkənin alimlərinin birgə elmi simpoziumunun keçirilməsinin sevincini yaşadıq”.
Muxtar respublikanın sosial-iqtisadi inkişafından danışan Atatürk Kültür, Dil və Tarix Yüksək Qurumunun başqanı vurğulayıb ki, 25 il öncə blokadaya düşən Naxçıvanda vaxtilə bir sıra ciddi problemlər olsa da, bu gün tamam başqa bir mənzərənin şahidi olub. Bu günün Naxçıvanı gözəlliyi ilə göz oxşayır. Bura təhlükəsiz bölgəyə çevrilib. Naxçıvan sürətlə inkişaf edir. Qədim diyarda çox gözəl infrastruktur yaradılıb. Kəndlər və şəhərlər abadlaşdırılıb. Ətraf mühit qorunur. Naxçıvan şəhərində müasir binalar inşa olunub. Elm ocaqlarında hər cür şərait yaradılıb. Naxçıvan Dövlət Universitetinin timsalında bunu daha aydın görmək olar. Universitetin çox gözəl kampusu, maddi-texniki imkanları var. Burada təhsilin ən yüksək səviyyədə aparılması üçün hər cür şərait mövcuddur. Bütün bunlar bir daha onu göstərir ki, Naxçıvan müasir dövrün tələblərinə uyğun inkişaf səviyyəsinə çatıb, insanların rifah səviyyəsi yüksəlib, yaşayış şəraiti xeyli yaxşılaşıb.
“Mən Azərbaycana qardaş olan ölkənin vətəndaşı kimi Naxçıvanın bu səviyyəyə yüksəlməsindən qürur duyuram, sevinc hissləri keçirirəm. Biz istəyirik ki, bütün türk dünyası da bu səviyyədə yüksəlsin, inkişaf etsin”, – deyən Derya Örs qeyd edib ki, türk dünyası çox geniş coğrafiyanı, mədəniyyətləri əhatə edir. Çünki türk milləti Yer kürəsinin ən böyük millətlərindən biridir. Türk millətinin dünya tarixində çox əhəmiyyətli bir yeri var. Bu gün Naxçıvan Muxtar Respublikası ilə Türkiyə sərhədi həm də bu ölkənin türk dünyası ilə yeganə quru sərhədidir. Bu mənada Naxçıvan təkcə Azərbaycan üçün deyil, bütövlükdə türk dünyası üçün əhəmiyyətli bir diyardır.

Mahmud




 
Bölməyə aid digər xəbərlər
18.06.2019
“Azərişıq” şagirdlər üçün ekskursiya təşkil edib
18.06.2019
Masallının Lürən kəndində yeni tibb məntəqəsi açılıb
17.06.2019
IDEA ilə Ümumdünya Turizm Təşkilatı arasında Anlaşma Memorandumu imzalanıb
17.06.2019
Leyla Əliyeva Neftçaladakı Xıllı nərə balıqartırma zavodunda yetişdirilmiş körpə nərə balıqlarının Xəzərə buraxılması mərasimində iştirak edib
17.06.2019
Heydər Əliyev Fondunun vitse-prezidenti Leyla Əliyeva BMT-nin xoşməramlı səfiri Vyaçeslav Fetisovla görüşüb

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10807

1 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
2 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
3 Bakı Atatürk Liseyində məzun günü münasibəti ilə tədbir keçirilib
4 Ermənilərin təyyarəmizi vurmaq cəhdi uğursuzluqla nəticələnib - VİDEO
5 Çilidə güclü zəlzələ olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info